ಚಿತ್ರೀಕರಣ ಹಂತ: ಇಲ್ಲಿಯವರೆಗೂ ಒಟ್ಟು 110 ದಿನಗಳ ಕಾಲ ಚಿತ್ರೀಕರಣ ಮಾಡಲಾಗಿದೆ. ಇನ್ನು ಒಂದೇ ಒಂದು ಹಾಡು ಮಾತ್ರ ಬಾಕಿ ಉಳಿದುಕೊಂಡಿದೆ. ಬೆಂಗಳೂರು, ಮೈಸೂರು, ಚನ್ನೈ, ಹೈದರಾಬಾದ್, ಬಳ್ಳಾರಿ ಮುಂತಾದ ಕಡೆ ಈಗಾಗಲೇ ಶೂಟಿಂಗ್ ಆಗಿದೆ. ಮುಂದಿನ ಒಂದು ಹಾಡಿನ ಚಿತ್ರೀಕರಣಕ್ಕೆ ವಿಶೇಷವಾದ ಲೋಕೇಶ್ ಹುಡುಕುತ್ತಿದ್ದಾರೆ ನಿರ್ದೇಶಕ ನಂದಕಿಶೋರ್.
ತಾರಾಮೆರಗು: ಧ್ರುವ ಸರ್ಜಾ, ರಶ್ಮಿಕಾ ಮಂದಣ್ಣ, ಪವಿತ್ರಾ ಲೋಕೇಶ್, ರವಿಶಂಕರ್, ಸಂಪತ್, ಡಾಲಿ ಧನಂಜಯ್, ಕರಿಸುಬ್ಬು, ಕುರಿ ಪ್ರತಾಪ್, ರಾಘವೇಂದ್ರ ರಾಜ್ಕುಮಾರ್, ತಾರಾ, ಗಿರಿಜಾ ಲೋಕೇಶ್, ಚಿಕಣ್ಣ, ತಬಲಾ ನಾಣಿ, ಧರ್ಮ ಸೇರಿದಂತೆ 100ಕ್ಕೂ ಹೆಚ್ಚು ಪ್ರಮುಖ ಪಾತ್ರಧಾರಿಗಳು ತೆರೆ ಮೇಲೆ ಬರುತ್ತಾರೆ.
ಪೊಗರದಸ್ತಾಗಿದೆ ಧ್ರುವಾ ಸರ್ಜಾ 'ಪೊಗರು' ಡೈಲಾಗ್!
ಶೂಟಿಂಗ್ ಸ್ಪಾಟ್: ಬಿ ಕೆ ಗಂಗಾಧರ್ ನಿರ್ಮಾಣದ ಈ ಚಿತ್ರದ ಪ್ರತಿ ದಿನ ಶೂಟಿಂಗ್ ಸ್ಪಾಟ್ನಲ್ಲಿ 700ಕ್ಕೂ ಹೆಚ್ಚು ಜನ ಇರುತ್ತಿದ್ದರು. ಒಂದೊಂದು ದಿನ ಒಂದು ಸಾವಿರ ಮಂದಿಯೊಂದಿಗೆ ಶೂಟಿಂಗ್ ಮಾಡಿಕೊಂಡ ಹೆಗ್ಗಳಿಕೆ ‘ಪೊಗರು’ ಚಿತ್ರದ್ದು. ವಿಶೇಷವಾಗಿ ನಿರ್ಮಿಸಲಾಗಿದ್ದ ಅಂಜನೇಯನ ಬೃಹತ್ ಮೂರ್ತಿ ಚಿತ್ರೀಕರಣ ಸೆಟ್ನ ಹೈಲೈಟ್.
ವಿಶೇಷ ಅಂದರೆ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಹೆಸರು ಮಾಡಿದ ನಾಲ್ಕು ಮಂದಿ ಬಾಡಿ ಬಿಲ್ಡರ್ಗಳು ಈ ಚಿತ್ರದಲ್ಲಿ ನಟಿಸಿರುವುದು. ಅಮೆರಿಕ ಕಾಯ್ ಗ್ರೀನ್, ಪ್ರಾನ್ಸ್ ಮಾರ್ಗನ್ ಅಸ್ಟೇ, ದಕ್ಷಿಣ ಆಫ್ರಿಕಾದ ಜಾನ್ ಲುಕ್ಸ್, ಜರ್ಮನಿಯ ಜೋ ಲೀಡನ್ ಅವರು ಚಿತ್ರದ ಖಡಕ್ ಫೈಟರ್ಗಳು. ಇವರಿಗೆ ತಕ್ಕಂತೆ ಗಣೇಶ್ ಹಾಗೂ ಅನಲ್ ಅರಸ್ ಸಾಹಸ ಸಂಯೋಜನೆ ತುಂಬಾ ರೋಚಕವಾಗಿದೆ.
ಪ್ರತಿ ದಿನ ಶೂಟಿಂಗ್ ಸೆಟ್ನಲ್ಲಿ ತುಂಬಾ ಪಾಸಿಟಿವ್ ಆಗಿದ್ವಿ. ಅದಕ್ಕೆ ಕಾರಣ ಅಂದುಕೊಂಡಂತೆ ಪ್ರತಿ ದಿನ ಬೆಳಗ್ಗೆ ಸರಿಯಾದ ಸಮಯಕ್ಕೆ ಶೂಟಿಂಗ್ ಶುರುವಾಗುತ್ತಿತ್ತು. ಚಿತ್ರದ ಹೆಸರು, ಧ್ರುವ ಸರ್ಜಾ ಅವರ ಲುಕ್, ನನ್ನ ನಿರ್ದೇಶನ ತಂಡದಲ್ಲಿದ್ದ 7 ಮಂದಿಯ ಶ್ರಮ ನನಗೆ ಹೆಚ್ಚು ಭರವಸೆ ಮೂಡಿಸಿವೆ.- ನಂದಕಿಶೋರ್
ಯಾವಾಗ ತೆರೆಗೆ ಬರುತ್ತೆ?: ಏಪ್ರಿಲ್ ಕೊನೆಯ ವಾರ ಅಥವಾ ಮೇ ಮೊದಲ ವಾರ.