ಜಯಲಲಿತಾ ಪಾತ್ರಕ್ಕೆ ಫೈಟ್; ಕನ್ನಡದ ನಟಿ ಗಿಟ್ಟಿಸಿಕೊಂಡ್ರು ಅವಕಾಶ

ತಮಿಳುನಾಡು ಮಾಜಿ ಮುಖ್ಯಮಂತ್ರಿ ಜಯಲಲಿತಾ ಬಯೋಪಿಕ್ ತೆರೆಗೆ ಬರಲು ಸಿದ್ಧವಾಗುತ್ತಿದೆ. ಈ ಪಾತ್ರಕ್ಕೆ ಕಂಗನಾಳಿಗಿಂತ ನಾನೇ ಹೆಚ್ಚು ಪರ್ಫೆಕ್ಟ್ ಎಂದು ಕನ್ನಡದ ನಟಿಯೊಬ್ಬರು ಹೇಳಿದ್ದಾರೆ. 

ತಮಿಳುನಾಡು ಮಾಜಿ ಸಿಎಂ, ರಾಜಕಾರಣಿ ಜಯಲಲಿತಾ ಬಗ್ಗೆ ಬಯೋಪಿಕ್ ತೆರೆಗೆ ಬರಲು ಸಿದ್ಧವಾಗುತ್ತಿದೆ. 'ತಲೈವಿ' ಯಾಗಿ ಕಂಗನಾ ರಾಣಾವತ್ ಕಾಣಿಸಿಕೊಂಡಿದ್ದಾರೆ.  ಚಿತ್ರದ ಫಸ್ಟ್ ಲುಕ್ ರಿಲೀಸ್ ಆಗಿದ್ದು ನಿರೀಕ್ಷೆ ಮಟ್ಟ ಮುಟ್ಟುವಲ್ಲಿ ವಿಫಲವಾಗಿದೆ.  ಟೀಸರ್‌ಗೆ ಪ್ರೇಕ್ಷಕರಿಂದ ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಗಿದೆ.  ಜಯಲಲಿತಾ ಪಾತ್ರಕ್ಕೆ ಕಂಗನಾ ಹೊಂದುವುದಿಲ್ಲ ಎಂಬ ಅಭಿಪ್ರಾಯ ವ್ಯಕ್ತವಾಗಿದೆ. 

ಈ ಸಂದರ್ಭದಲ್ಲಿ ನಿತ್ಯಾ ಮೆನನ್ ಹೇಳಿಕೆಯೊಂದು ಗಮನ ಸೆಳೆದಿದೆ. ಜಯಲಲಿತಾ ಪಾತ್ರಕ್ಕೆ ನಾನೇ ಪರ್ಫೆಕ್ಟ್ ಎಂದಿದ್ದಾರೆ. 'ತಲೈವಿ' ಹೆಸರಿನಲ್ಲಿ ಕಂಗನಾ ಜಯಲಲಿತಾ ಆಗಿ ಕಾಣಿಸಿಕೊಂಡಿದ್ದರೆ, 'ದಿ ಐರನ್ ಲೇಡಿ' ಯಾಗಿ ನಿತ್ಯಾ ಮೆನನ್ ಕಾಣಿಸಿಕೊಂಡಿದ್ದಾರೆ. 

ಈ ಬಗ್ಗೆ ನಿತ್ಯಾ ಮಾತನಾಡಿ, "ನನಗೂ ಜಯಲಲಿತಾರಿಗೂ ಸಾಕಷ್ಟು ಸಾಮ್ಯತೆ ಇದೆ. ನಮ್ಮಿಬ್ಬರ ಹವ್ಯಾಸಗಳು, ಯೋಚನೆ, ನಡವಳಿಕೆ ಎಲ್ಲದರಲ್ಲೂ ಸಾಮ್ಯತೆ ಇದೆ. ಹಾಗಾಗಿ ಅವರ ಪಾತ್ರ ಮಾಡಲು ನಾನೇ ಹೆಚ್ಚು ಪರ್ಫೆಕ್ಟ್ ಎಂದಿದ್ದಾರೆ. 

'ತಲೈವಿ' ಯಾಗಿ ಕಂಗನಾ, 'ದಿ ಐರನ್ ಲೇಡಿ'ಯಾಗಿ ನಿತ್ಯಾ ಮೆನನ್ ಕಾಣಿಸಿಕೊಳ್ಳಲಿದ್ದಾರೆ. ಎರಡೂ ಚಿತ್ರದ ಬಗ್ಗೆ ಅಭಿಮಾನಿಗಳಲ್ಲಿ ಕುತೂಹಲ ಹೆಚ್ಚಾಗಿದೆ. ತಲೈವಿ ಟೀಸರ್ ನಿರೀಕ್ಷೆ ಹುಸಿ ಮಾಡಿದ್ದು 'ದಿ ಐರನ್ ಲೇಡಿ' ಮೇಲೆ ನಿರೀಕ್ಷೆ ಹೆಚ್ಚಾಗಿದೆ.