ಖೇಲೋ ಇಂಡಿಯಾ: ರಾಜ್ಯಕ್ಕೆ ವಾಲಿಬಾಲ್ನಲ್ಲಿ ಕಂಚು
ಸಾರಾಂಶ
ಖೇಲೋ ಇಂಡಿಯಾ ಯೂತ್ ಕ್ರೀಡಾಕೂಟದ ಆರನೇ ದಿನ ಕರ್ನಾಟಕ ತಂಡವು 4 ಕಂಚಿನ ಪದಕ ಬಾಚಿಕೊಂಡಿದೆ. ಈ ಕುರಿತಾದ ವಿವರ ಇಲ್ಲಿದೆ ನೋಡಿ...
ಗುವಾಹಟಿ(ಜ.16): 3ನೇ ಆವೃತ್ತಿಯ ಖೇಲೋ ಇಂಡಿಯಾ ಯೂತ್ ಗೇಮ್ಸ್ನಲ್ಲಿ ಕರ್ನಾಟಕ ನಿಧಾನವಾಗಿ ಪದಕ ಪಟ್ಟಿಯಲ್ಲಿ ಮೇಲೇಳುತ್ತಿದೆ. ಬುಧವಾರ ರಾಜ್ಯಕ್ಕೆ ಒಟ್ಟು 4 ಕಂಚಿನ ಪದಕ ದೊರೆಯಿತು.
ಅಂಡರ್-17 ಬಾಲಕಿಯರ ವಾಲಿಬಾಲ್ನಲ್ಲಿ 3ನೇ ಸ್ಥಾನಕ್ಕಾಗಿ ನಡೆದ ಪಂದ್ಯದಲ್ಲಿ ಕರ್ನಾಟಕ ತಂಡ ಕೇರಳ ವಿರುದ್ಧ ಜಯ ಸಾಧಿಸಿತು. ಆಕರ್ಷಕ ಪ್ರದರ್ಶನ ತೋರಿದ ರಾಜ್ಯ ತಂಡ 3-0 (25-19, 25-21, 25-23) ಸೆಟ್ಗಳಲ್ಲಿ ಗೆಲುವು ಪಡೆದು ಕಂಚಿನ ಪದಕಕ್ಕೆ ಮುತ್ತಿಟ್ಟಿತು.
ಖೇಲೋ ಇಂಡಿಯಾ: ಕೂಟ ದಾಖಲೆ ಬರೆದ ಕನ್ನಡಿಗರು
ಅಂಡರ್-17 ಬಾಲಕಿಯರ 2000 ಮೀ. ಸೈಕ್ಲಿಂಗ್ ವೈಯಕ್ತಿಕ ಪಸ್ರ್ಯೂಟ್ ವಿಭಾಗದಲ್ಲಿ ಅಂಕಿತಾ ರಾಥೋಡ್ 2 ನಿಮಿಷ 54.859 ಸೆಕೆಂಡ್ಗಳಲ್ಲಿ ಗುರಿ ತಲುಪಿ ಕಂಚಿನ ಪದಕ ಜಯಿಸಿದರು. ಅಂಡರ್-21 ಪುರುಷರ 4000 ಮೀ. ಸೈಕ್ಲಿಂಗ್ ವೈಯಕ್ತಿಕ ಪಸ್ರ್ಯೂಟ್ ವಿಭಾಗದಲ್ಲಿ ವೆಂಕಪ್ಪ ಕೆಂಗಲಗುತ್ತಿ 4 ನಿಮಿಷ 58.412 ಸೆಕೆಂಡ್ಗಳಲ್ಲಿ ರೇಸ್ ಪೂರ್ಣಗೊಳಿಸಿ 3ನೇ ಸ್ಥಾನ ಪಡೆದರು. ಈ ಕ್ರೀಡಾಕೂಟದಲ್ಲಿ ವೆಂಕಪ್ಪ ಗೆದ್ದ 3ನೇ ಪದಕವಿದು.
ಅಂಡರ್-21 ಮಹಿಳೆಯರ 3000 ಮೀ. ವೈಯಕ್ತಿಕ ಪಸ್ರ್ಯೂಟ್ ವಿಭಾಗದಲ್ಲಿ ಕೀರ್ತಿ ರಂಗಸ್ವಾಮಿ 4 ನಿಮಿಷ 26.849 ಸೆಕೆಂಡ್ಗಳಲ್ಲಿ ಗುರಿ ತಲುಪಿ ಕಂಚಿನ ಪದಕ ಗೆದ್ದರು. ಕರ್ನಾಟಕ 6ನೇ ದಿನದ ಮುಕ್ತಾಯಕ್ಕೆ 5 ಚಿನ್ನ, 8 ಬೆಳ್ಳಿ, 9 ಕಂಚಿನೊಂದಿಗೆ ಒಟ್ಟು 22 ಪದಕಗಳನ್ನು ಗೆದ್ದಿದ್ದು, ಪದಕ ಪಟ್ಟಿಯಲ್ಲಿ 15ನೇ ಸ್ಥಾನ ಪಡೆದಿದೆ.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. IPL Live ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.