☰
ಮೊಹಮ್ಮದ್ ಶಮಿ ಅವರ ಮಾಜಿ ಪತ್ನಿ ಹಸಿನ್ ಜಹಾನ್ ಹೋಳಿ ಆಡಿದ ವಿಡಿಯೋ ಹಂಚಿಕೊಂಡಿದ್ದಕ್ಕೆ ಟೀಕೆಗಳು ವ್ಯಕ್ತವಾಗಿದ್ದವು. ಈ ಕುರಿತು ಮೌನ ಮುರಿದು ಟೀಕಿಸಿದವರಿಗೆ ತಕ್ಕ ಉತ್ತರ ನೀಡಿದ್ದಾರೆ. ಅಲ್ಲದೆ, ಶಮಿ ರೋಜಾ ಆಚರಿಸದ ಬಗ್ಗೆಯೂ ಮಾತನಾಡಿದ್ದಾರೆ.
Mohammed Ex Wife Hasin Jahan: ಟೀಮ್ ಇಂಡಿಯಾದ ವೇಗಿ ಮೊಹಮ್ಮದ್ ಶಮಿ ಅವರ ಮಾಜಿ ಪತ್ನಿ ಹಸಿನ್ ಜಹಾನ್ ಇತ್ತೀಚೆಗೆ ತಾವು ಹಾಗೂ ತಮ್ಮ ಪುತ್ರಿ ಐರಾ ಹೋಳಿ ಆಡಿದ್ದ ಚಿತ್ರ ಹಾಗೂ ವಿಡಿಯೋಗಳನ್ನು ಸೋಶಿಯಲ್‌ ಮೀಡಿಯಾದಲ್ಲಿ ಹಂಚಿಕೊಂಡಿದ್ದರು. ಇದರ ಬೆನ್ನಲ್ಲಿಯೇ ಅವರ ವಿರುದ್ಧ ವ್ಯಾಪಕ ಆಕ್ರೋಶ ವ್ಯಕ್ತವಾಗಿತ್ತು. ಹಸಿನ್ ಜಹಾನ್ ಮತ್ತು ಅವರ ಮಗಳು ಐರಾ ಅವರನ್ನು ಸಾಮಾಜಿಕ ಮಾಧ್ಯಮದಲ್ಲಿ ತೀವ್ರವಾಗಿ ಟೀಕೆ ಮಾಡಲಾಗಿತ್ತು. ಈಗ ಮೊಹಮ್ಮದ್ ಶಮಿ ಅವರ ಮಾಜಿ ಪತ್ನಿ ಹಸಿನ್ ಜಹಾನ್ ಈ ವಿಷಯದ ಬಗ್ಗೆ ಮೌನ ಮುರಿದು ಟೀಕೆ ಮಾಡಿದವರಿಗೆ ಮುಟ್ಟಿ ನೋಡಿಕೊಳ್ಳುವಂಥ ಉತ್ತರ ನೀಡಿದ್ದಾರೆ.
ಮಾರ್ಚ್ 2 ರಂದು ಐಸಿಸಿ ಚಾಂಪಿಯನ್ಸ್ ಟ್ರೋಫಿಯಲ್ಲಿ ಟೀಮ್ ಇಂಡಿಯಾ ನ್ಯೂಜಿಲೆಂಡ್ ವಿರುದ್ಧ ಲೀಗ್ ಹಂತದ ಕೊನೆಯ ಪಂದ್ಯವನ್ನು ಆಡುತ್ತಿದ್ದಾಗ, ಇಸ್ಲಾಂನ ರಂಜಾನ್ ತಿಂಗಳು ಪ್ರಾರಂಭವಾಗಿತ್ತು. ಎಲ್ಲಾ ಮುಸ್ಲಿಮರು ರಂಜಾನ್ ಸಮಯದಲ್ಲಿ ಉಪವಾಸ ಆಚರಿಸುತ್ತಾರೆ, ಅದರಲ್ಲಿ ಅವರು ಇಡೀ ದಿನ ಏನನ್ನೂ ತಿನ್ನುವುದಿಲ್ಲ ಅಥವಾ ಕುಡಿಯುವುದಿಲ್ಲ. ಆದರೆ ಪಂದ್ಯದ ಸಮಯದಲ್ಲಿ, ಮೊಹಮ್ಮದ್ ಶಮಿ ಮೈದಾನದಲ್ಲಿ ಎನರ್ಜಿ ಡ್ರಿಂಕ್ಸ್ ಕುಡಿಯುತ್ತಿರುವುದು ಕಂಡುಬಂದಿತು. ಇದರಿಂದಾಗಿ ಅವರನ್ನು ಧರ್ಮಗುರುಗಳು ಟೀಕೆ ಮಾಡಿದ್ದರು.
ಧರ್ಮಗುರುಗಳ ಟೀಕೆ ಮಾಡಿದ ಹಸೀನ್ ಜಹಾನ್: ಹಸೀನ್ ಜಹಾನ್ ಮತ್ತು ಅವರ ಮಗಳು ಐರಾ ಹೋಳಿ ಆಡುತ್ತಿರುವುದು ಕೆಲವು ಮೌಲಾನರಿಗೆ ಇಷ್ಟವಾಗಲಿಲ್ಲ ಮತ್ತು ಅವರು ಅದನ್ನು ವಿರೋಧಿಸಿದರು. ಈಗ ಶಮಿ ಅವರ ಮಾಜಿ ಪತ್ನಿ ಹಸೀನ್ ಜಹಾನ್ ಈ ಮೌಲಾನರ ಮೇಲೆ ತೀವ್ರ ವಾಗ್ದಾಳಿ ನಡೆಸಿದ್ದಾರೆ.
ವೆಬ್‌ಸೈಟ್‌ಗೆ ನೀಡಿದ ಸಂದರ್ಶನವೊಂದರಲ್ಲಿ ಮಾತನಾಡಿದ ಅವರು, ಇದೇ ಮೌಲಾನಾಗಳು ದೇಶದಲ್ಲಿ ಅತ್ಯಾಚಾರಗಳಾದಾಗ ಮಹಿಳೆಯ ಮೇಳೆ ಹಲ್ಲೆಗಳಾದ ಸುಮ್ಮನಿರುತ್ತಾರೆ ಎಂದು ಆರೋಪಿಸಿದ್ದಾರೆ.
"ನನ್ನ ಮಗಳು ಅಥವಾ ನಾನು ಹೋಳಿ ಆಡುವುದಕ್ಕೆ ಯಾರಿಗಾದರೂ ಆಕ್ಷೇಪವಿದ್ದರೆ, ನಾನು ಧರ್ಮದ ಬಗ್ಗೆ ಅಜ್ಞಾನಿಯಲ್ಲ ಎಂದು ಹೇಳಲು ಬಯಸುತ್ತೇನೆ. ನನ್ನ ಪೋಷಕರು ನಮಗೆ ಧರ್ಮವನ್ನು ಕಲಿಸಿದ್ದಾರೆ. ನನ್ನ ಮಗಳು ಹೋಳಿ ಆಡುವ ಮೂಲಕ ಯಾವುದೇ ಅಪರಾಧ ಮಾಡಿಲ್ಲ. ಮಹಿಳೆಯರ ಬಟ್ಟೆ, ಅವರ ಪಾತ್ರ, ಬುರ್ಖಾ ಧರಿಸುವುದು, ದೇವಸ್ಥಾನಗಳಿಗೆ ಹೋಗುವುದು ಅಥವಾ ದುರ್ಗಾ ಪೂಜೆಯನ್ನು ಆಚರಿಸುವುದರ ವಿರುದ್ಧ ಬೆರಳು ತೋರಿಸುವ ಮುಲ್ಲಾಗಳು ಅಥವಾ ಮುಸ್ಲಿಮರು, ಅದೇ ಪುರುಷನು ಮಹಿಳೆ ಅಥವಾ ಹುಡುಗಿಗೆ ತಪ್ಪು ಮಾಡಿದಾಗ, ಹುಡುಗಿಯ ಜೀವನವನ್ನು ಹಾಳುಮಾಡಿದಾಗ, ಹಲಾಲಾ ಮಾಡಿದಾಗ, ಮಹಿಳೆಯ ಮೇಲೆ ಅತ್ಯಾಚಾರ ಮಾಡಿ ಎಸೆಯಲ್ಪಟ್ಟಾಗ, ಈ ಮೌಲಾನರು ಎಲ್ಲಿಗೆ ಹೋಗುತ್ತಾರೆ? ಎಂದು ಪ್ರಶ್ನೆ ಮಾಡಿದ್ದಾರೆ.
ಹೋಳಿಯಲ್ಲಿ ಹಾಡಿ ಕುಣಿದ ಹಸೀನಾ; ಶಮಿ ಕೈಬಿಟ್ಟಿದ್ದೇ ಒಳ್ಳೇದಾಯ್ತು ಎಂದ ನೆಟ್ಟಿಗರು!
ಶಮಿ ವಿರುದ್ಧವೂ ಆಕ್ರೋಶ: ಚಾಂಪಿಯನ್ಸ್ ಟ್ರೋಫಿಯ ಸಮಯದಲ್ಲಿ ಮೊಹಮ್ಮದ್ ಶಮಿ ರೋಜಾ ಆಚರಿಸಲಿಲ್ಲ ಎಂಬ ವಿವಾದಕ್ಕೆ ಹಸೀನ್ ಜಹಾನ್ ಕೂಡ ತಕ್ಕ ಉತ್ತರ ನೀಡಿದ್ದಾರೆ. ಶಮಿ ಅವರನ್ನು ಆರೋಪಿಸಿ, ಅವರು ಎಂದಿಗೂ ರೋಜಾ ಆಚರಿಸುತ್ತಿರಲಿಲ್ಲ ಎಂದು ಹೇಳಿದರು. ಇದಲ್ಲದೆ, ಹಸೀನ್ ಜಹಾನ್, ಶಮಿ ಕುಟುಂಬದ ಸ್ಥಿತಿ ಚೆನ್ನಾಗಿಲ್ಲ ಎಂದು ಹೇಳಿದರು. ಅವರು ದಿನಕ್ಕೆ ಒಮ್ಮೆ ಆಹಾರ ಸಿಗುತ್ತದೆ ಆದರೆ ಇನ್ನೊಂದು ಬಾರಿ ಸಿಗುವುದಿಲ್ಲ ಎಂಬ ಕಾರಣಕ್ಕೆ ರೋಜಾ ಆಚರಣೆ ಮಾಡುತ್ತಿದ್ದರಷ್ಟೇ. ನಾನು ಶಮಿಯನ್ನು ತಿಳಿದಾಗಿನಿಂದ, ಅವರ ಮದುವೆಯ ನಂತರವೂ, ಅವರು ರೋಜಾ ಆಚರಣೆ ಮಾಡಿದ್ದನ್ನು ನೋಡಿಲ್ಲ.ಅವರು ಒಂದು ಹಂತದಲ್ಲಿ ನಮಾಜ್ ಓದಿರಬೇಕು. ಆದರೆ, ಅವರು ಯಾವಾಗಲೂ ಇತರರ ಹಕ್ಕುಗಳನ್ನು ಕಸಿದುಕೊಳ್ಳುವಲ್ಲಿ ಮುಂದಿರುತ್ತಾರೆ. ಅವರು ನನ್ನ ಮತ್ತು ನನ್ನ ಮಗಳ ಹಕ್ಕುಗಳನ್ನು ಕಸಿದುಕೊಂಡಿದ್ದಾರೆ. ಮೌಲಾನಾ ಎನರ್ಜಿ ಡ್ರಿಂಕ್ಸ್ ಕುಡಿಯುವುದಕ್ಕಾಗಿ ಅವರಿಗೆ ಏನಾದರೂ ಹೇಳಿದ್ದರೆ, ಅದು ಒಳ್ಳೆಯದು ಎಂದು ಹೇಳಿದ್ದಾರೆ.
ದೇಶಕ್ಕಾಗಿ ರಂಜಾನ್ ಉಪವಾಸ ಮುರಿದ ಮೊಹಮ್ಮದ್ ಶಮಿ ನಡೆಗೆ ಭಾರಿ ಮೆಚ್ಚುಗೆ
