ಲಾರಿ ಚಕ್ರದಡಿ ತಲೆ ಸಿಕ್ಕರೂ ಬದುಕುಳಿದ, ಮೈ ಜುಂ ಎನ್ನಿಸುವ ವಿಡಿಯೋ

ಈ ದೃಶ್ಯ ಒಂದು ಕ್ಷಣ ನಿಮ್ಮ ಮೈ ಜುಂ ಎನ್ನಿಸಿಬಿಡುತ್ತದೆ. ಬೈಕ್‌ ನಲ್ಲಿ ತೆರಳುತ್ತಿದ್ದ ವ್ಯಕ್ತಿ ನಿಯಂತ್ರಣ ತಪ್ಪಿ ಕೆಳಕ್ಕೆ  ಬಿದ್ದಿದ್ದಾನೆ. ಆದರೆ ಆತ ಧರಿಸಿದ್ದ ಹೆಲ್ಮೆಟ್ ಅವನ ಪ್ರಾಣ ರಕ್ಷಣೆ ಮಾಡಿದೆ.

ಬೆಂಗಳೂರು[ಜ.11] ದೇಶಾದ್ಯಂತ ಸಾರಿಗೆ ಇಲಾಖೆ ಅಧಿಕಾರಿಗಳು ಜನರಲ್ಲಿ ಸಂಚಾರ ನಿಯಮಗಳ ಕುರಿತು ಜಾಗೃತಿ ಮೂಡಿಸಲು ನಿರಂತರವಾಗಿ ಪ್ರಯತ್ನ ಮಾಡುತ್ತಲೇ ಇದ್ದಾರೆ. ವಿವಿಧ ರೀತಿಯ ಜಾಹೀರಾತುಗಳನ್ನು ನೀಡಿ ಜನರ ಗಮನ ಸೆಳೆಯುವ ಕೆಲಸ ಮಾಡುತ್ತಿದ್ದಾರೆ.

ಆದರೆ ಈ ಐಪಿಎಸ್‌ ಅಧಿಕಾರಿ ಮಾಡಿರುವ ಟ್ವೀಟ್ ಹೆಲ್ಮೆಟ್‌ನ ಪ್ರಾಮುಖ್ಯವನ್ನು ನಮ್ಮ ಮುಂದೆ ಎತ್ತಿ ಇಡುತ್ತದೆ. ಉತ್ತರ ಪ್ರದೇಶದ ಐಪಿಎಸ್ ಅಧಿಕಾರಿ ರಾಜ್ ತಿಲಕ್ ರೋಶನ್ ಹಾಕಿರುವ ಪೋಸ್ಟ್ ಎಂಥವರ ಮೇಲೆಯೂ ಪ್ರಭಾವ ಬೀರದೆ ಇರಲಾರದು.