ಆಜಂ ಖಾನ್ ಬೆಂಬಲಕ್ಕೆ ಓಡೋಡಿ ಬಂದ ಬಿಹಾರ ಮಾಜಿ ಸಿಎಂ| ಆಜಂ ಖಾನ್ ಮಾಡಿದ್ದು ದೊಡ್ಡ ತಪ್ಪಲ್ಲ ಎಂದ ಜಿತನ್ ರಾಮ್ ಮಾಂಝಿ| ‘ಅಣ್ಣ-ತಂಗಿ, ತಾಯಿ-ಮಗ ಪರಸ್ಪರ ಮುತ್ತು ಕೊಟ್ಟರೆ ಅದನ್ನು ಸೆಕ್ಸ್ ಅನ್ನಕ್ಕಾಗತ್ತಾ’| ‘ಆಜಂ ಖಾನ್ ಕ್ಷಮೆ ಕೋರಿದರೆ ಸಾಕು, ರಾಜೀನಾಮೆ ನೀಡುವ ಅವಶ್ಯಕತೆ ಇಲ್ಲ’|
ಪಾಟ್ನಾ(ಜು.28): ಬಿಹಾರ ಬಿಜೆಪಿ ಸಂಸದೆ ರಮಾದೇವಿ ಕುರಿತು ಲೋಕಸಭೆಯಲ್ಲಿ ಕೀಳು ಮಟ್ಟದ ಹೇಳಿಕೆ ನೀಡಿ ಎಸ್’ಪಿ ಸಂಸದ ಆಜಂ ಖಾನ್ ಇಡೀ ದೇಶದ ವಿರೋಧ ಕಟ್ಟಿಕೊಂಡಿದ್ದಾರೆ. ಆಜಂ ಖಾನ್ ಅವರನ್ನು ಸದನದಿಂದ ಉಚ್ಛಾಟಿಸುವಂತೆ ಇಡೀ ದೇಶ ಒಕ್ಕೊರಲಿನಿಂದ ಒತ್ತಾಯಿಸುತ್ತಿದೆ.
ಈ ಮಧ್ಯೆ ಆಜಂ ಖಾನ್ ಪರ ಬ್ಯಾಟ್ ಬೀಸಿರುವ HAM ನಾಯಕ, ಮಾಜಿ ಬಿಹಾರ ಸಿಎಂ ಜೀತನ್ ರಾಮ್ ಮಾಂಝಿ, ಆಜಂ ಖಾನ್ ನಡುವಳಿಕೆ ಆಕ್ಷೇಪಾರ್ಹವಲ್ಲ ಎಂದು ಹೇಳುವ ಮೂಲಕ ಅಚ್ಚರಿ ಮೂಡಿಸಿದ್ದಾರೆ.
Hindustani Awam Morcha leader& ex Bihar CM Jitan Manjhi: When brother sister meet they kiss, is it equal to sex? Mother kisses son, son kisses mother,is it sex? Azam Khan's remark(on BJP's Rama Devi) is being misinterpreted. So he should apologize but not resign (27.7) pic.twitter.com/bOUzxbH9rX
— ANI (@ANI)ಆಜಂ ಖಾನ್ ಬೆಂಬಲಿಸುವ ಭರದಲ್ಲಿ ವಿಚಿತ್ರ ವಾದ ಮುಂದಿಟ್ಟಿರುವ ಜಿತನ್ ರಾಮ್, ಅಣ್ಣ-ತಂಗಿ, ತಾಯಿ-ಮಗ ಪರಸ್ಪರ ಮುತ್ತು ಕೊಟ್ಟರೆ ಅದನ್ನು ಕಾಮದ ದೃಷ್ಟಿಯಿಂದ ನೋಡಲು ಸಾಧ್ಯವೇ ಎಂದು ಪ್ರಶ್ನಿಸಿದ್ದಾರೆ.
ಇದೇ ವೇಳೆ ಆಜಂ ಖಾನ್ ಅವರು ರಮಾದೇವಿ ಅವರ ಕ್ಷಮೆ ಕೋರಿದರೆ ಸಾಕು, ರಾಜೀನಾಮೆ ನೀಡುವ ಅವಶ್ಯಕತೆ ಇಲ್ಲ ಎಂದು ಜಿತನ್ ರಾಮ್ ಅಭಿಪ್ರಾಯಪಟ್ಟಿದ್ದಾರೆ.