'ಕಮಲ' ಮುಡಿದರು: ಹಾಸನ್ ಅಭ್ಯರ್ಥಿಗಳು ಕಮಾಲ್ ಮಾಡಿದರು!

ಕಮಲ್ ಹಾಸನ್‌ಗೆ ಕೈಕೊಟ್ಟ ಲೋಕಸಭಾ ಚುನವಣಾ ಅಭ್ಯರ್ಥಿಗಳು| ಪಕ್ಷ ತ್ಯಜಿಸಿದ ಮೂವರು MNM ಲೋಕಸಭಾ ಅಭ್ಯರ್ಥಿಗಳು| ಕಮಲ್ ರಾಜಕೀಯ ನಿಲುವುಗಳಿಂದ ಬೇಸರಗೊಂಡು ಪಕ್ಷ ತೊರೆಯುತ್ತಿರುವುದಾಗಿ ಘೋಷಣೆ| ಮೋದಿ ನಾಯಕತ್ವದಲ್ಲಿ ವಿಶ್ವಾಸವಿಟ್ಟು ಬಿಜೆಪಿ ಸೇರುತ್ತಿರುವಿದಾಗಿ ಸ್ಪಷ್ಟನೆ|  

ಚೆನ್ನೈ(ನ.06): ಇತ್ತೀಚೆಗೆ ನಡೆದ ಲೋಕಸಭೆ ಚುನಾವಣೆಯಲ್ಲಿ ನಟ ಕಮಲ್ ಹಾಸನ್ ಅವರ ಮಕ್ಕಳ್ ನಿಧಿ ಮಾಯಮ್(MNM)ಪಕ್ಷದಿಂದ ಸ್ಪರ್ಧಿಸಿದ್ದ ಮೂವರು ಅಭ್ಯರ್ಥಿಗಳು ಬಿಜೆಪಿ ಸೇರಿದ್ದಾರೆ.

ಪಕ್ಷ ಸ್ಥಾಪನೆ ಸಂದರ್ಭದಲ್ಲಿ ಕಮಲ್ ಜೊತೆಗೆ ನಿಂತಿದ್ದ ಎನ್.ರಾಜೇಂದ್ರನ್, ಟಿ.ರವಿ ಹಾಗೂ ಎಸ್.ಕರುಣ್ಯಾ, ಇದೀಗ ಪಕ್ಷ ತೊರೆದು ಕಮಲ ಪಾಳೇಯ ಸೇರಿದ್ದಾರೆ. ಈ ಮೂವರೂ ಕಳೆದ ಲೋಕಸಭೆ ಚುನಾವಣೆಯಲ್ಲಿ MNM ಪಕ್ಷದಿಂದ ಸ್ಪರ್ಧಿಸಿದ್ದರು.

ಆದರೆ ಕಮಲ್ ರಾಜಕೀಯ ನಿಲುವುಗಳಿಂದ ಬೇಸತ್ತು ಪಕ್ಷ ತೊರೆಯುತ್ತಿರುವುದಾಗಿ ಈ ಮೂವರೂ ನಾಯಕರು ಸ್ಪಷ್ಟಪಡಿಸಿದ್ದಾರೆ. ಪ್ರಧಾನಿ ಮೋದಿ ನೇತೃತ್ವದಲ್ಲಿ ದೇಶ ಅಭಿವೃದ್ಧಿಯ ಪಥದಲ್ಲಿ ಮುನ್ನಡೆದಿದ್ದು, ಈ ಕಾರಣಕ್ಕೆ ಬಿಜೆಪಿ ಸೇರುತ್ತಿರುವುದಾಗಿ ಈ ನಾಯಕರು ಹೇಳಿದ್ದಾರೆ.

POK ಪಾಕಿಸ್ತಾನಕ್ಕೆ: ಜನಾಭಿಪ್ರಾಯ ಸಂಗ್ರಹವಾಗಲಿ ಎಂದ ಕಮಲ್ ಹಾಸನ್
ಕಮಲ್ ಹಾಸನ್ 2018ರಲ್ಲಿ ಮಕ್ಕಳ್ ನಿಧಿ ಮಾಯಮ್ ಪಕ್ಷ ಸ್ಥಾಪಿಸಿದ್ದರು. ಕಳೆದ ಲೋಕಸಭೆ ಚುನಾವಣೆಯಲ್ಲಿ MNM ಪಕ್ಷ ಶೇ.3.2ರಷ್ಟು ಮತಗಳಿಸಿತ್ತು.