ಲಲಿತ್ ಮೋದಿ ಹಾಗೂ ಸುಶ್ಮಿತಾ ಸೇನ್ ನಡುವಿನ ಸಂಬಂಧ ಸದ್ಯ ಸಾಮಝಾಇಕ ಜಾಲತಾಣಗಳಲಲ್ಇ ಭಾರೀ ಸದ್ದು ಮಾಡುತ್ತಿದೆ. ಈ ಬಗ್ಗೆ ಅನೇಕ ಮಂದಿ ಖುಷಿ ವ್ಯಕ್ತಪಡಿಸಿದರೂ, ಇನ್ನು ಕೆಲವರು ಹಾಸ್ಯ ಮಾಡಿದ್ದಾರೆ. ಹೀಗಿರುವಾಗ ಇವರ ನಡುವಿನ ಸಂಬಂಧದ ಬಗ್ಗೆ ಮಾಜಿ ಪ್ರಿಯಕರ ರೋಹ್ಮನ್ ಏನು ಹೇಳಿದ್ದಾರೆ?
ಮುಂಬೈ(ಜು.15): ಮಾಜಿ ಭುವನ ಸುಂದರಿ ಸುಶ್ಮಿತಾ ಸೇನ್, ಲಲಿತ್ ಮೋದಿ ನಡುವೆ ಹೊಸದಾಗಿ ಮತ್ತೆ ಸಂಬಂಧ ಹುಟ್ಟಿಕೊಂಡಿದೆರೆ. ಲಲಿತ್ ಮೋದಿ ಅವರು ಸುಶ್ಮಿತಾ ಅವರೊಂದಿಗಿನ ಸಂಬಂಧವನ್ನು ಬಹಿರಂಗಪಡಿಸಿದ ತಕ್ಷಣ, ಅನೇಕ ಊಹಾಪೋಹಗಳು ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿವೆ. ಅನೇಕ ಮಂದಿ ಇವರಿಬ್ಬರ ನಡುವಿನ ಸಂಬಂಧಕ್ಕೆ ಖುಷಿ ವ್ಯಕ್ತಪಡಿಸಿದ್ದಾರೆ. ಆದರೆ ಅದೇ ಸಮಯದಲ್ಲಿ, ಅನೇಕ ಮಂದಿ ಇದನ್ನು ಅಸಂಬದ್ಧವೆಂದು ಕರೆದಿದ್ದಾರೆ. ಅದೇ ಸಮಯದಲ್ಲಿ, ಲಲಿತ್ ಮೋದಿ ಮತ್ತು ಸುಶ್ಮಿತಾ ನಡುವಿನ ಸಂಬಂಧದ ಬಗ್ಗೆ ಮಾಜಿ ರೋಹ್ಮನ್ ಶಾಲ್ ಅವರ ಪ್ರತಿಕ್ರಿಯೆ ಭಾರೀ ವೈರಲ್ ಆಗಿದೆ.
ಲಲಿತ್ ಮೋದಿ, ಸುಶ್ಮಿತಾ ಸೇನ್ 9 ವರ್ಷ ಹಳೆಯ ಟ್ವೀಟ್‌ ವೈರಲ್: ಇಬ್ಬರ ಸಂಬಂಧ ಇಷ್ಟು ಆಳವಾಗಿತ್ತಾ?
ರೋಹ್ಮನ್ ಹೇಳಿದ್ದೇನು?
ಲಲಿತ್ ಮೋದಿ ತಮ್ಮ ಸಂಬಂಧವನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಪ್ರಕಟಿಸಿದ್ದಾರೆ. ಆದರೆ ಈ ಬಗ್ಗೆ ಸುಶ್ಮಿತಾ ಸೇನ್ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ. ಆದಾಗ್ಯೂ, ವೈರಲ್ ಆದ ಇಬ್ಬರ ಚಿತ್ರಗಳು ಖಂಡಿತವಾಗಿ ಇವರ ನಡುವಿನ ಸಂಬಂಧಕ್ಕೆ ಬಲವಾದ ಸಾಕ್ಷಿಯಾಗಿದೆ. ಈ ಬಗ್ಗೆ ಸುಶ್ಮಿತಾ ಸೇನ್ ಯಾವಾಗ ಮತ್ತು ಏನು ಹೇಳುತ್ತಾರೆ ಎಂಬುದು ತಿಳಿದಿಲ್ಲ. ಆದರೆ ಅವರ ಮಾಜಿ ರೋಹ್ಮನ್ ಶಾಲ್ ಪ್ರತಿಕ್ರಿಯಿಸಿದ್ದಾರೆ. ಲಲಿತ್ ಮೋದಿಯವರೊಂದಿಗೆ ಸುಶ್ಮಿತಾ ಅವರನ್ನು ನೋಡಿದ ನಂತರ ರೋಹ್ಮನ್ ಶಾಲ್ ಅವರಿಗೆ ಹೇಗೆ ಅನಿಸಿತು?
ಸುಶ್ಮಿತಾ ಸೇನ್ ಮತ್ತು ಲಲಿತ್ ಮೋದಿ ಅವರ ಮುದ್ದಾದ ಚಿತ್ರಗಳು ಎಲ್ಲರನ್ನೂ ಅಚ್ಚರಿಗೊಳಿಸಿದೆ ಎಂಬುದರಲ್ಲಿ ಸಂದೇಹವಿಲ್ಲ. ಆದರೆ ಈ ಸುದ್ದಿ ಸುಶ್ಮಿತಾ ಮಾಜಿ ರೋಹ್ಮನ್‌ಗೆ ಆಘಾತಕಾರಿ ಅಲ್ಲ. ಪಿಂಕ್ವಿಲ್ಲಾ ಜೊತೆ ಮಾತನಾಡಿದ ರೋಹ್ಮನ್ ಶಾಲ್, ಅವರು ಸಂತೋಷವಾಗಿರಲಿ ಎಂದು ಹೇಳಿದ್ದಾರೆ. ಪ್ರೀತಿ ಸುಂದರವಾಗಿದೆ. ಅವರು ಯಾರನ್ನಾದರೂ ಆರಿಸಿದರೆ, ಅವನು ಅದಕ್ಕೆ ಅರ್ಹನೆಂದು ನನಗೆ ತಿಳಿದಿದೆ. ಇದಲ್ಲದೆ, ರೋಹ್ಮನ್ ಇನ್ಸ್ಟಾಗ್ರಾಮ್ನಲ್ಲಿ ಪೋಸ್ಟ್ ಅನ್ನು ಹಂಚಿಕೊಂಡಿದ್ದಾರೆ. ಪೋಸ್ಟ್‌ನಲ್ಲಿ, ರೋಹ್ಮನ್ ಯಾರನ್ನಾದರೂ ನೋಡಿ ನಗುವುದರಿಂದ ನಿಮಗೆ ಖುಷಿ ಸಿಗುತ್ತದೆಯಾದರೆ ನಕ್ಕು ಬಿಡಿ. ಯಾಕೆಂದರೆ ಅವರಿಗೆ ಯಾವುದೇ ಒತ್ತಡವಿಲ್ಲದಿರಬಹುದು, ಆದರೆ ನಿಮಗಿರುತ್ತದೆ ಎಂದು ಬರೆದಿದ್ದಾರೆ.
4,500 ಕೋಟಿ ಆಸ್ತಿ ಮಾಲೀಕ ಲಲಿತ್ ಮೋದಿ ಗರ್ಲ್ ಫ್ರೆಂಡ್ ಸುಶ್ಮಿತಾ ನಿವ್ವಳ ಆಸ್ತಿ ಎಷ್ಟು?
ರೋಹ್ಮನ್ ಸುಶ್ಮಿತಾ ಅವರಿಗಿಂತ 16 ವರ್ಷ ಚಿಕ್ಕವರು
ಸುಶ್ಮಿತಾ ಸೇನ್ ಜೊತೆ ಸಂಬಂಧದಲ್ಲಿದ್ದ ರೋಹ್ಮನ್ ಶಾಲ್ ಅವರಿಗಿಂತ 16 ವರ್ಷ ಚಿಕ್ಕವರು. ಇಬ್ಬರೂ 2018 ರಲ್ಲಿ ಪರಸ್ಪರ ಡೇಟಿಂಗ್ ಮಾಡಲು ಪ್ರಾರಂಭಿಸಿದರು. ಅದೇ ಸಮಯದಲ್ಲಿ, ಅವರು 23 ಡಿಸೆಂಬರ್ 2021 ರಂದು ಬೇರ್ಪಟ್ಟರು. ಸುಶ್ಮಿತಾ ಸೇನ್ ರೋಹ್ಮನ್ ಜೊತೆ ಸಂಬಂಧವನ್ನು ಉಳಿಸಿಕೊಳ್ಳಲು ಸಾಧ್ಯವಾಗಲಿಲ್ಲ. ಿದನ್ನು ಅವರು ಸಂಬಂಧವನ್ನು ಸುಂದರವಾದ ಪೋಸ್ಟ್ ಮೂಲಕ ತಿಳಿಸಿದ್ದರು. ಸುಶ್ಮಿತಾ ಮತ್ತು ರೋಹ್ಮನ್ ಇನ್ನೂ ಸ್ನೇಹಿತರು. ಲಲಿತ್ ಮೋದಿ ಬಂದ ನಂತರ ಅವರ ಸ್ನೇಹ ಎಷ್ಟು ದಿನ ಉಳಿಯುತ್ತದೆ? ಈ ಬಗ್ಗೆ ಇನ್ನೂ ಏನನ್ನೂ ಹೇಳಲು ಸಾಧ್ಯವಿಲ್ಲ.