ಗೌರಿ ಖಾನ್ 'ಟೋರಿ' ರೆಸ್ಟೋರೆಂಟ್‌ನಲ್ಲಿ ಒಂದು ಸೀಕ್ರೆಟ್ ಡೋರ್ ಇದೆ, ಅಲ್ಲೇನ್ ನಡ್ಯುತ್ತೆ?.. ಶೆಫ್ ಬಿಚ್ಚಿಟ್ಟ ಆ ರಹಸ್ಯ..!

ಗೌರಿ ಖಾನ್ ಅವರ 'ಟೋರಿ' ರೆಸ್ಟೋರೆಂಟ್‌ನಲ್ಲಿ ಖಾನ್ ಕುಟುಂಬಕ್ಕೆ ಒಂದು ಸೀಕ್ರೆಟ್ ಡೋರ್ ಇದೆ. ಶಾರುಖ್, ಮಕ್ಕಳು ಮತ್ತು ಕೆಲವು ಸೆಲೆಬ್ರಿಟಿಗಳು ಮಾತ್ರ ಇದನ್ನು ಬಳಸುತ್ತಾರೆ. ರೆಸ್ಟೋರೆಂಟ್‌ನ ಹೆಡ್ ಶೆಫ್ ಈ ರಹಸ್ಯವನ್ನು ಬಿಚ್ಚಿಟ್ಟಿದ್ದಾರೆ.

Gauri Khan Rrestaurant Torii Mumbai Secret Door  :  ಮುಂಬೈನಲ್ಲಿರುವ ಗೌರಿ ಖಾನ್ ಅವರ ರೆಸ್ಟೋರೆಂಟ್, ಟೋರಿಯಲ್ಲಿ ಒಂದು ಸೀಕ್ರೆಟ್ ಡೋರ್ ಇದೆ. ಇದರ ಬಗ್ಗೆ ಖಾನ್ ಫ್ಯಾಮಿಲಿ ಮೆಂಬರ್ ಮತ್ತು ಕೆಲವು ಜನಕ್ಕೆ ಮಾತ್ರ ಗೊತ್ತು. ಈ ರೆಸ್ಟೋರೆಂಟ್‌ನ ಹೆಡ್ ಶೆಫ್ ಸ್ಟೀಫನ್ ಗಾದಿತ್ ( Stefan Gadit ) ಅನೇಕ ವಿಷಯಗಳನ್ನು ಬಹಿರಂಗಪಡಿಸಿದ್ದಾರೆ.

ಕಿಂಗ್ ಖಾನ್ ರೆಸ್ಟೋರೆಂಟ್‌ನ ಶೆಫ್ ಬಿಚ್ಚಿಟ್ಟ ರಹಸ್ಯಗಳು

ಗೌರಿ ಖಾನ್ ಅವರ ಮುಂಬೈನ ಟೋರಿ ರೆಸ್ಟೋರೆಂಟ್‌ನಲ್ಲಿ ಅವರ ಪತಿ ಶಾರುಖ್ ಖಾನ್ ಮತ್ತು ಅವರ ಮಕ್ಕಳಾದ ಆರ್ಯನ್, ಸುಹಾನಾ ಮತ್ತು ಅಬ್ರಾಮ್‌ಗಾಗಿ ಒಂದು ಸೀಕ್ರೆಟ್ ಡೋರ್ ನಿರ್ಮಿಸಲಾಗಿದೆ. ಒಂದು ಸಂದರ್ಶನದಲ್ಲಿ, ರೆಸ್ಟೋರೆಂಟ್‌ನ ಶೆಫ್ ಸ್ಟೀಫನ್ ಗಾದಿತ್ ಈ ವಿಶೇಷ ದ್ವಾರ ಮತ್ತು ಅವರ ಪ್ರೀತಿಯ ತಿಂಡಿಗಳ ಬಗ್ಗೆ ಮಾತನಾಡಿದ್ದಾರೆ.

ಗೌರಿ ರೆಸ್ಟೋರೆಂಟ್‌ನಲ್ಲಿ ಸೀಕ್ರೆಟ್ ಡೋರ್’

ಶಾರುಖ್ ಮತ್ತು ಅವರ ಕುಟುಂಬ ಆಗಾಗ್ಗೆ ರೆಸ್ಟೋರೆಂಟ್‌ಗೆ ಊಟಕ್ಕೆ ಬರುತ್ತಾರೆ ಎಂದು ಸ್ಟೀಫನ್ ಹೇಳಿದ್ದಾರೆ. ಬರಲು ಸಾಧ್ಯವಾಗದಿದ್ದರೆ ಮನೆಗೆ ಆರ್ಡರ್ ಮಾಡ್ತಾರಂತೆ. ಶಾರುಖ್, ಸುಹಾನಾ, ಆರ್ಯನ್ ಖಾನ್ ಒಳಗೆ ಮತ್ತು ಹೊರಗೆ ಹೋಗಲು ಒಂದು ಸೀಕ್ರೆಟ್ ಡೋರ್ ಇದೆ ಎಂದು ಅವರು ಹೇಳಿದ್ದಾರೆ. ಕೆಲವು ಪ್ರಸಿದ್ಧ ಸೆಲೆಬ್ರಿಟಿಗಳು ಮಾತ್ರ ಈ ದ್ವಾರವನ್ನು ಬಳಸಬಹುದು. “ಎಲ್ಲರಿಗೂ ಈ ಸೀಕ್ರೆಟ್ ಡೋರ್ ಬಳಸಲು ಅವಕಾಶವಿಲ್ಲ; ಇದು ಖಾನ್ ಕುಟುಂಬಕ್ಕೆ ಮಾತ್ರ” ಎಂದು ಶೆಫ್ ಹೇಳಿದರು.

ಶಾರುಖ್ ಖಾನ್‌ಗೆ ತುಂಬಾ ಇಷ್ಟವಾದ ಖಾದ್ಯ

ಅಬ್ರಾಮ್ ಆಗಾಗ್ಗೆ ರೆಸ್ಟೋರೆಂಟ್‌ನಿಂದ ಊಟ ಆರ್ಡರ್ ಮಾಡ್ತಾನಂತೆ. ಸುಹಾನಾ ಮತ್ತು ಆರ್ಯನ್ ತಮ್ಮ ಗೆಳೆಯರ ಜೊತೆ ಆಗಾಗ್ಗೆ ಇಲ್ಲಿಗೆ ಬರ್ತಾರಂತೆ. ಶಾರುಖ್ ಮತ್ತು ಗೌರಿ ಅವರ ಕಿರಿಯ ಮಗನಿಗೆ ರೆಸ್ಟೋರೆಂಟ್‌ನ ಸುಶಿ ಇಷ್ಟ, ಕಿಂಗ್ ಖಾನ್‌ಗೆ ಲ್ಯಾಂಬ್ ಚಾಪ್ಸ್ ಇಷ್ಟ, ಮತ್ತು ಗೌರಿಗೆ ಥಾಯ್ ಕರಿ ಇಷ್ಟ ಎಂದು ಅವರು ಹೇಳಿದ್ದಾರೆ. ಇತ್ತೀಚೆಗೆ, ಶಾರುಖ್ ಅವರ ಮ್ಯಾನೇಜರ್ ಪೂಜಾ ದದ್ಲಾನಿ ಅವರ ಹುಟ್ಟುಹಬ್ಬವನ್ನು ಇದೇ ರೆಸ್ಟೋರೆಂಟ್‌ನಲ್ಲಿ ಆಚರಿಸಲಾಗಿತ್ತು.

ಶಾರುಖ್ ಖಾನ್‌ರ ಮುಂದಿನ ಪ್ರಾಜೆಕ್ಟ್

ಶಾರುಖ್ ಕೊನೆಯದಾಗಿ 2023ರ ಚಿತ್ರಗಳಾದ ಪಠಾಣ್, ಜವಾನ್ ಮತ್ತು ಡಂಕಿ ಚಿತ್ರಗಳಲ್ಲಿ ಕಾಣಿಸಿಕೊಂಡಿದ್ದರು. ನಂತರ ಅವರು ಬ್ರೇಕ್ ತೆಗೆದುಕೊಂಡರು. ಅವರು ಈಗ ಸಿದ್ಧಾರ್ಥ್ ಆನಂದ್ ಅವರ ಚಿತ್ರ 'ಕಿಂಗ್' ಚಿತ್ರೀಕರಣದಲ್ಲಿ ತೊಡಗಿಸಿಕೊಂಡಿದ್ದಾರೆ. ಈ ಚಿತ್ರದಲ್ಲಿ ಅವರ ಮಗಳು ಸುಹಾನಾ ಕೂಡ ಕಾಣಿಸಿಕೊಳ್ಳಲಿದ್ದಾರೆ, ಇದು ಅವರ ಚೊಚ್ಚಲ ಚಿತ್ರ. ಅವರು ನೆಟ್‌ಫ್ಲಿಕ್ಸ್‌ನ 'ದಿ ಆರ್ಚೀಸ್' ಚಿತ್ರದ ಮೂಲಕ ತಮ್ಮ ನಟನಾ ಜೀವನವನ್ನು ಪ್ರಾರಂಭಿಸಿದರು, ಇದನ್ನು ಜೋಯಾ ಅಖ್ತರ್ ನಿರ್ದೇಶಿಸಿದ್ದಾರೆ. ಈ ಚಿತ್ರದಲ್ಲಿ ಅಭಿಷೇಕ್ ಬಚ್ಚನ್ ಕೂಡ ಪ್ರಮುಖ ಪಾತ್ರದಲ್ಲಿದ್ದಾರೆ.