ಹೊಸ ಗಡಿಯಾರ 10.10 ನ್ನೇ ತೋರೋದೇಕೆ ಗೊತ್ತಾ?

ಯಾವುದೇ ಗಡಿಯಾರದ ಅಂಗಡಿಗೆ ಹೋಗಿ ಹೊಸ ಗಡಿಯಾರದ, ಗೋಡೆ ಗಡಿಯಾರಗಳನ್ನು ಗಮನಿಸಿ. ಎಲ್ಲಾ ಗಡಿಯಾರಗಳು 10.10 ರ ಸಮಯಕ್ಕೆ ನಿಂತು ಹೋಗಿರುತ್ತವೆ. ಯಾಕೆ ಗೊತ್ತಾ?

ಲಂಡನ್ (ಆ.07): ಯಾವುದೇ ಗಡಿಯಾರದ ಅಂಗಡಿಗೆ ಹೋಗಿ ಹೊಸ ಗಡಿಯಾರದ, ಗೋಡೆ ಗಡಿಯಾರಗಳನ್ನು ಗಮನಿಸಿ. ಎಲ್ಲಾ ಗಡಿಯಾರಗಳು 10.10 ರ ಸಮಯಕ್ಕೆ ನಿಂತು ಹೋಗಿರುತ್ತವೆ. ಯಾಕೆ ಗೊತ್ತಾ?

ಅಂಗಡಿಯವರನ್ನೇ ಕೇಳಿದರೂ ಉತ್ತರ ಸಿಗುವುದಿಲ್ಲ. ಗಡಿಯಾರವನ್ನು ಕಂಡುಹಿಡಿದ ಕಂಪನಿಯ ಲಾಂಛನ 10.10. ಅದಕ್ಕೆ ಅದೇ ಸಮಯವನ್ನು ನಿಲ್ಲಿಸಲಾಗುತ್ತದೆ ಎಂಬುದರಿಂದ ಹಿಡಿದು ಅಮೇರಿಕಾದ ಅಧ್ಯಕ್ಷ ಅಬ್ರಾಹಂ ಲಿಂಕನ್ ಅವರು ಗುಂಡಿನ ದಾಳಿಗೆ ಬಲಿಯಾದ ಸಮಯದ ದ್ಯೋತಕವಾಗಿ ಹೊಸ ಗಡಿಯಾರಕ್ಕೆ 10.10 ರ ಸಮಯವನ್ನು ನಿಗದಿಗೊಳಿಸಲಾಗಿರುತ್ತದೆ. ಆದರೆ ಜರ್ಮನಿಯ ಟ್ಯೂಬಿಂಜೆನ್ ವಿಶ್ವವಿದ್ಯಾಲಯದ ಪ್ರಕಾರ ಉತ್ತರ ಅದಲ್ಲ. ಗಡಿಯಾರದ ಸಮಯ 10.10 ಎಂದು ತೋರಿಸುತ್ತಿದ್ದರೆ ಅದೊಂದು ರೀತಿ ಮಂದಹಾಸದ ಮುಖದಂತಿರುತ್ತದೆ ಎಂದು ತಜ್ಞರು ಹೇಳಿದ್ದಾರೆ.

ಗಡಿಯಾರದ ವಿವಿಧ ಸಮಯಗಳನ್ನು ನಿಲ್ಲಿಸಿ 46 ಮಂದಿಯ ಸಂದರ್ಶನವನ್ನೂ ನಡೆಸಿದ್ದಾರೆ. 10.10 ರ ಬದಲಾಗಿ ಅದಕ್ಕೆ ವಿರುದ್ಧವಾದ 8.20 ರ ಸಮಯವನ್ನು ಗಡಿಯಾರದಲ್ಲಿ ನಿಲ್ಲಿಸಿದರೆ ಅದು ಬೇಸರದ ಮುಖಭಾವವನ್ನು ಸೂಸುತ್ತದೆಯಂತೆ. ಬಹಳಷ್ಟು ಜನರ ಮುಂದೆ ಬೇರೆ ಬೇರೆ ಸಮಯ ತೋರುವ ಗಡಿಯಾರ ಹಿಡಿದು ತೋರಿಸಿದಾಗ ಹೆಚ್ಚಿನ ಪಾಲು ಜನ 10.10 ರ ಸಮಯದ ಗಡಿಯಾರ ಹೆಚ್ಚು ಆಕರ್ಷಕವಾಗಿದೆ ಎಂದು ಹೇಳಿದರಂತೆ.