ನೊರೆ ನೊರೆ ಮೂತ್ರಕ್ಕೇನು ಕಾರಣ?
ಸಾರಾಂಶ
ಮೂತ್ರದ ಬಣ್ಣ, ಕ್ವಾಂಟಿಟಿ ಮತ್ತು ಇತರೆ ಅಂಶಗಳಿಂದ ನಮ್ಮ ಆರೋಗ್ಯ ಹೇಗಿದೆ ಎಂದು ತಿಳಿಯಬಹುದು. ಮೂತ್ರ ತಿಳಿಯಾಗಿರಬಹುದು. ಇಲ್ಲವೇ, ಕಂದು, ಹಳದಿ ಮತ್ತು ಕೆಂಪು ಬಣ್ಣವೂ ಆಗಬಹುದು. ನಮ್ಮ ದೇಹದಿಂದ ಹೊರ ಬರುವ ನೀರು ಮತ್ತು ಉಪ್ಪಿನಂಶದ ಮೇಲೆ ಈ ಮೂತ್ರದ ಬಣ್ಣ ಅವಲಂಬಿತವಾಗಿರುತ್ತದೆ.
ಅಷ್ಟಕ್ಕೂ ಮೂತ್ರದ ಬಣ್ಣ ಬದಲಾಗುವುದೇಕೆ?
- ಸೇವಿಸುವ ಆಹಾರದಿಂದ.
- ವಿಪರೀತ ಮಾತ್ರೆಗಳನ್ನು ಸೇವಿಸಿದರೆ.
- ಮೂತ್ರ ಪಿಂಡದಲ್ಲಿ ಸೋಂಕಾದರೆ.
- ಯೋನಿ ಸೋಂಕಾದರೆ.
ಈ ಬಣ್ಣದ ಅರ್ಥವೇನು?
- ಮೂತ್ರ ಸ್ಪಷ್ಟವಾಗಿದ್ದರೆ, ದೇಹದಲ್ಲಿ ನೀರಿನಂಶ ಹೆಚ್ಚಿದ್ದು, ಲವಣಾಂಶ ಕಡಿಮೆ ಇದೆ ಎಂದರ್ಥ.
- ಕಂದು ಬಣ್ಣ - ಯಕೃತ್ತಿನಲ್ಲಿರುವ ಉಪ್ಪು, ಶುದ್ಧವಾಗಿ ರಕ್ತದ ಮೂಲಕ ಹೊರ ಹೋಗುತ್ತಿದೆ ಎಂದರ್ಥ. ಅಂದರೆ ಯಕೃತ್ ಸಮಸ್ಯೆಯಲ್ಲಿದೆ.
- ಹಳದಿ - ದೇಹಕ್ಕೆ ಹೆಚ್ಚಿನ ನೀರಿನ ಅಗತ್ಯವಿದೆ ಎಂದಾದಲ್ಲಿ ಮೂತ್ರದ ಬಣ್ಣ ಹಳದಿಯಾಗುತ್ತದೆ.
- ಕೆಂಪು - ಬೀಟ್ ರೂಟ್ ಮತ್ತು ನೇರಲೆ ಹಣ್ಣು ತಿನ್ನುವುದರಿಂದ ಮೂತ್ರದ ಬಣ್ಣ ಬದಲಾಗೋ ಸಾಧ್ಯತೆ ಇರುತ್ತದೆ. ಅಕಸ್ಮಾತ್ ಏನನ್ನೂ ತಿನ್ನದೆಯೂ ಈ ಬಣ್ಣ ಬಂದರೆ, ಸಮ್ಥಿಂಗ್ ವೆಂಟ್ ರಾಂಗ್ ಎಂದರ್ಥ. ಕೂಡಲೇ ಅಲರ್ಟ್ ಆಗಬೇಕು.
ನೊರೆ ಬರಲೇನು ಕಾರಣ?
- ಆತಂಕ ಹೆಚ್ಚಾದಾಗ ಮೂತ್ರದಲ್ಲಿ ಪ್ರೋಟಿನ್ ಆಂಶ ಹೆಚ್ಚಾಗಿ, ಮೂತ್ರದಲ್ಲಿ ನೊರೆ ಹಾಗೂ ವಾಸನೆ ಉಂಟಾಗುತ್ತದೆ.
- ದೇಹ ನಿರ್ಜಲೀಕರಣವಾದಾಗಲೂ ಹೀಗಾಗಬಹುದು.
- ಮೂತ್ರ ಲೂಪ್ಸ್ ಎಂದರೆ ಮೂತ್ರದಲ್ಲಿ ನೊರೆ ಉಂಟಾದಾಗ ನಮ್ಮ ದೇಹದ ಭಾಗವಾದ ಚರ್ಮ, ಸ್ತನ, ಮೂತ್ರಪಿಂಡ ಮತ್ತು ಹೃದಯದಲ್ಲಿ ತೊಂದರೆ ಕಾಣಿಸಿಕೊಳ್ಳುವ ಸಾಧ್ಯತೆ ಇರುತ್ತದೆ.
- ತಾಯಿ ಗರ್ಭಾವಸ್ಥೆಯಲ್ಲಿ ಹಾರ್ಮೋನ್ನ ಬದಲಾವಣೆಯಾದಾಗಲೂ ಮೂತ್ರ ನೊರೆಯಾಗುತ್ತದೆ.
- ಮೂತ್ರನಾಳದ ಸೋಂಕಿದ್ದಾಗಲೂ ಇದು ಕಾಣಿಸಿಕೊಳ್ಳಬಹುದು.
ಆರೋಗ್ಯ, ಸೌಂದರ್ಯ, ಫಿಟ್ನೆಸ್, ಕಿಚನ್ ಟಿಪ್ಸ್, ಸಂಬಂಧ, ಫ್ಯಾಷನ್, ರೆಸಿಪಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.