ಚೀನೀಕಾಯಿ ಸೇವಿಸಿ ಆರೋಗ್ಯ ಪಡೆಯಿರಿ

ಕುಂಬಳ ಕಾಯಿಯನ್ನು ಹೋಲುವ ಒಂದು ತರಕಾರಿ ಚೀನೀಕಾಯಿ.

ಕುಂಬಳ ಕಾಯಿ ಯಾರಿಗೆ ತಾನೇ ಗೊತ್ತಿಲ್ಲ? ಕುಂಬಳ ಕಾಯಿಯನ್ನು ಹೋಲುವ ಒಂದು ತರಕಾರಿ ಚೀನೀಕಾಯಿ. ಚೀನೀಕಾಯಿ ಬೊಜ್ಜು ಮತ್ತು ಕೊಲೆಸ್ಟ್ರಾಲ್ ನ್ನು ಕಡಿಮೆ ಮಾಡಲು ಸಹಾಯಕವಾಗಿದೆ. ಇದನ್ನು ನಮ್ಮ ಆಹಾರದಲ್ಲಿ ಸೇವಿಸುವುದರಿಂದ ಈ ಕೆಳಗಿನ ಉಪಯೋಗಗಳಿವೆ.

ಜೀರ್ಣಕ್ರಿಯೆಗೆ ಸಹಾಯ: ಈ ತರಕಾರಿ ಮಲಬದ್ಧತೆಯನ್ನು ತಡೆಯುತ್ತದೆ, ರಕ್ಕತದಲ್ಲಿನ ಸಕ್ಕರೆ ಪ್ರಮಾಣ ಸಮತೋಲನದಲ್ಲಿರುವಂತೆ ನಿಯಂತ್ರಿಸುತ್ತದೆ. ಇದರಲ್ಲಿ 36 ಕ್ಯಾಲೋರಿ ಮತ್ತು 10% ಫೈಬರ್ ಅಂಶಗಳು ಇರುತ್ತವೆ. ಇದು ಜೀರ್ಣಕ್ರಿಯೆ ಸರಿಯಾಗಿ ಆಗುವಂತೆ ಸಹಾಯಮಾಡುತ್ತದೆ.

ಕ್ಯಾನ್ಸರ್ ತಡೆಯುತ್ತದೆ: ಇದರಲ್ಲಿ ಇರುವ ಫೈಬರ್ ಅಂಶಗಳು ಆರೋಗ್ಯಕ್ಕೆ ಬಹಳ ಒಳ್ಳೆಯದಾಗಿದೆ. ಇದು ಕರುಳಿನ ಆರೋಗ್ಯವನ್ನು ಸುಧಾರಿಸುವುದರ ಜೊತೆಗೆ ಕರುಳಿನಲ್ಲಿ ಉತ್ಪಾದನೆಯಾಗಬಹುದಾದ ಕ್ಯಾನ್ಸರ್ ಜೀವಕಣಗಳನ್ನು ತಡೆಯುತ್ತದೆ.

ಕಣ್ಣುಗಳ ಆರೋಗ್ಯಕ್ಕೆ ಉತ್ತಮ: ಇದರಲ್ಲಿ ವಿಟಮಿನ್ ಎ ಉತ್ತಮವಾಗಿದ್ದು ದೃಷ್ಟಿ ದೋಷವನ್ನು ನಿವಾರಿಸುತ್ತದೆ. ಕಣ್ಣಿನಲ್ಲಿ ಅತಿಯಾಗಿ ನೀರು ಬರುತ್ತಿದ್ದರೆ ಅದನ್ನು ತಡೆಯುತ್ತದೆ. ಕಣ್ಣು ಒಣಗುವುದನ್ನು ಇದು ತಡೆಯುತ್ತದೆ.

ತೂಕವನ್ನು ಕಡಿಮೆ ಮಾಡುತ್ತದೆ: ಇದು ಅತಿಯಾದ ಹಸಿವನ್ನು ತಡೆಯುತ್ತದೆ. ಮತ್ತು ತೂಕ ಕಡಿಮೆ ಮಾಡುತ್ತದೆ.

ಚರ್ಮಕ್ಕೆ ಉತ್ತಮವಾಗಿದೆ: ಇದರಲ್ಲಿ ಹೆಚ್ಚಿನ ನೀರಿನ ಅಂಶಗಳಿದ್ದು  ಚರ್ಮಕ್ಕೆ ಉತ್ತಮವಾಗಿದೆ. ಚರ್ಮ ಒಣಗದಂತೆ ನೋಡಿಕೊಳ್ಳುತ್ತದೆ.