ಜೀರಿಗೆ ರವೆ ವಡೆ

ಪ್ರತಿಯೊಂದೂ ಅಡುಗೆ ಮನೆಯಲ್ಲಿರೋ ಒಗ್ಗರಣೆ ಡಬ್ಬದಲ್ಲಿ ಜೀರಿಗೆ ಇದ್ದೇ ಇರುತ್ತದೆ. ವಿಧವಿಧವಾಗಿ ನಮ್ಮ ಆರೋಗ್ಯಕ್ಕೂ ಅಗತ್ಯ. ಜೀರಿಗೆ ಸೇವನೆ ಪಚನ ಕ್ರಿಯೆ ವೃದ್ಧಿಸಲು ಸಹಕರಿಸುತ್ತದೆ. ಇದೇ ಜೀರಿಗೆಯಿಂದ ಚುಮುಚುಮು ಚಳಿಗೆ ಕುರುಕಲು ತಿಂಡಿಯನ್ನು ಮಾಡಬಹುದು.  ಈ ಮಳೆಗಾಲದ ಚಳಿಗೆ ನಿಮಗಾಗಿ ನೀಡಿದ್ದೇವೆ ಜೀರಿಗೆ ರವೆ ವಡೆ. ಮಾಡಿ ನೋಡಿ.

ಬೇಕಾಗುವ ಸಾಮಗ್ರಿ:

- 1 ಬಟ್ಟಲು ರವೆ 

- 4 ಹಸಿಮೆಣಸಿನಕಾಯಿ

- 2 ಚಮಚ ತುಪ್ಪ

- 6-5 ಚಮಚ ಜೀರಿಗೆ

-2-3 ಚಮಚ ಅಕ್ಕಿ ಹಿಟ್ಟು

- ರುಚಿಗೆ ತಕ್ಕಷ್ಟು ಉಪ್ಪು ಹಾಗೂ ಚಿಟಿಕೆ ಸೋಡಾ.

ಮಾಡುವ ವಿಧಾನ :

ಲೋಕಲ್ ರವೆ, ಅಕ್ಕಿಹಿಟ್ಟಿಗೆ ತುಪ್ಪದೊಂದಿಗೆ ಜೀರಿಗೆ, ಸಣ್ಣಗೆ ಹೆಚ್ಚಿದ ಹಸಿಮೆಣಸು, ಸೋಡಾ, 1 ಚಮಚ ಉಪ್ಪನ್ನು ಸೇರಿಸಬೇಕು. ಈ ಹಿಟ್ಟನ್ನು ಕಾದ ಎಣ್ಣೆಯಲ್ಲಿ ಕರಿದರೆ ರವೆ ವಡೆ ಸಿದ್ಧ.