ವಧುವಿನ ಮೇಲೆ ಹೂವಿನಂತೆ 8.5 ಕೋಟಿ ರೂ ಚೆಲ್ಲಿದ ವರನ ಕುಟುಂಬ, ನೋಟಿನ ಮೇಲೆ ಸಂಭ್ರಮ

Published : Feb 17, 2026, 04:54 PM IST
Cash shower to Groom in wedding

ಸಾರಾಂಶ

ವಧುವಿನ ಮೇಲೆ ಹೂವಿನಂತೆ 8.5 ಕೋಟಿ ರೂ ಚೆಲ್ಲಿದ ವರನ ಕುಟುಂಬ, ಸುತ್ತಲು ನಿಂತು 500 ರೂಪಾಯಿ, 200 ರೂಪಾಯಿ ನೋಟುಗಳನ್ನು ಎಸೆದಿದ್ದಾರೆ. ಅದ್ಧೂರಿ ಮದುವೆಯಲ್ಲಿ ನೋಟುಗಳ ರಾಶಿ ತುಂಬಿಹೋಗಿದೆ. 

ಪಂಜಾಬ್ (ಫೆ.17) ಮದುವೆ ಸಂಭ್ರಮ ಸ್ಮರಣೀಯ ಮಾಡಲು ಎಲ್ಲರೂ ಪ್ರಯತ್ನಿಸುತ್ತಾರೆ. ತಮ್ಮ ಇತಿಮಿತಿಗಳಲ್ಲಿ ಅಚ್ಚುಕಟ್ಟಾಗಿ, ಅದ್ಧೂರಿಯಾಗಿ, ಸರಳವಾಗಿ ಮದುವೆ ಸಂಭ್ರಮ ಆಚರಿಸುತ್ತಾರೆ.ಹಲವು ಬಾರಿ ಭಾರತದಲ್ಲಿ ಅದ್ಧೂರಿ ಮದುವೆ ಭಾರಿ ಚರ್ಚೆಯಾಗುತ್ತದೆ. ಕೋಟಿ ಕೋಟಿ ರೂಪಾಯಿ ಖರ್ಚು ಮಾಡಿ ಮದುವೆಯಾಗಿರುವ ಹಲವು ಉದಾಹರಣೆಗಳಿವೆ. ಇದೀಗ ಪಂಜಾಬ್‌ನಲ್ಲಿ ನಡೆದ ಮದುವೆಯ ವಿಡಿಯೋ ಒಂದು ಸೋಶಿಯಲ್ ಮೀಡಿಯಾದಲ್ಲಿ ಸದ್ದು ಮಾಡುತ್ತಿದೆ. ಈ ಮದುವೆ ಅದ್ಧೂರಿಯಾಗಿ ನಡೆದಿದೆ. ಕೋಟಿ ಕೋಟಿ ರೂಪಾಯಿ ಮದುವೆಗಾಗಿ ಖರ್ಚು ಮಾಡಿದ್ದಾರೆ. ಮದುವೆ ಮಂಟಪದಲ್ಲಿ ವಧುವಿನ ಮೇಲೆ ಬರೋಬ್ಬರಿ 8.5 ಕೋಟಿ ರೂಪಾಯಿ ನಗದು ಹಣವನ್ನು ವರನ ಕುಟಂಬಸ್ಥರು ಹೂವಿನಂತೆ ಚೆಲ್ಲಿದ ವಿಡಿಯೋ ಒಂದು ವೈರಲ್ ಆಗಿದೆ.

ನೋಟುಗಳ ರಾಶಿಯಲ್ಲಿ ಸಂಭ್ರಮ

ವರ ಹಾಗೂ ವಧು ವೇದಿಕೆ ಮೇಲಿದ್ದರೆ, ಸುತ್ತಲು ನಿಂತ ವರನ ಕುಟುಂಬಸ್ಥರು ನೋಟುಗಳ ಕಂತೆಗಳನ್ನು ವಧುವಿನ ಮೇಲೆ ಎಸೆದಿದ್ದಾರೆ. ಚೀಲ ಚೀಲದಲ್ಲಿ ನೋಟು ತಂದು ವಧುವಿನ ಮೇಲೆ ಚೆಲ್ಲಿದ್ದಾರೆ. ಇತ್ತ ವರ ಕೂಡ ಒಂದು ಚೀಲದಲ್ಲಿನ ಕಂತೆ ಕಂತೆ ನೋಟುಗಳನ್ನು ವಧುವಿನ ಮೇಲೆ ಚೆಲ್ಲಿವು ಮೂಲಕ ಅದ್ಧೂರಿಯಾಗಿ ಮದುವೆ ಸಂಭ್ರಮ ಆಚರಿಸಿದ್ದಾರೆ. ವೇದಿಕೆ ತುಂಬಾ ನೋಟುಗಳ ರಾಶಿ ತುಂಬಿಕೊಂಡಿದೆ. ಎತ್ತ ನೋಡಿದರು ನೋಟುಗಳು ರಾಶಿಯ ಕಾಣುತ್ತಿದೆ. ಬರೋಬ್ಬರಿ 8.5 ಕೋಟಿ ರೂಪಾಯಿ ಹಣವನ್ನು ವಧುವಿನ ಮೇಲೆ ಚೆಲ್ಲಲಾಗಿದೆ ಎಂದು ವಿಡಿಯೋಗಳು ಹೇಳುತ್ತಿದೆ.

ವರನ ತಂದೆ ಸೇರಿದಂತೆ ಸಂಬಂಧಿಕರು ಕೆಲ ಗಂಟೆಗಳ ಕಾಲ ಈ ರೀತಿ ನೋಟು ಚೆಲ್ಲಿದ್ದಾರೆ. ನೋಟಿನ ಅಭಿಷೇಕದ ಬಳಿಕ ಕುಟುಂಬಸ್ಥರು ಚೀಲದಲ್ಲಿ ನೋಟು ತುಂಬಲು ಹರಹಾಸ ಮಾಡಿದ್ದಾರೆ. ಹಲವರು ವೇದಿಕೆ, ನೆಲದ ಮೇಲೆ ರಾಶಿ ರಾಶಿಯಾಗಿ ಬಿದ್ದಿರುವ ನೋಟುಗಳನ್ನು ಬಾಚಿಕೊಂಡು ಚೀಲದಲ್ಲಿ ತುಂಬಿಸಿದ್ದಾರೆ. 40ಕ್ಕೂ ಹೆಚ್ಚು ಚೀಲಗಳಲ್ಲಿ ನೋಟುಗಳನ್ನು ತುಂಬಲಾಗಿದಿ. ನೋಟು ಚೆಲ್ಲುವ ಮೊದಲು ಕಂತೆ ಕಂತೆಯಾಗಿದ್ದ ನೋಟುಗಳು ಸುಲಭವಾಗಿ ಚೀಲದಲ್ಲಿ ತುಂಬಿಸಿಡಲಾಗಿತ್ತು. ಆದರೆ ನೋಟು ಚೆಲ್ಲಿದ ಬಳಿಕ ಬಾಚಿಕೊಂಡು ಚೀಲಗಳಲ್ಲಿ ತುಂಬಿಸಲಾಗಿದೆ.

ನಮ್ಮನ್ನು ಕರೆಯಬಾರದೇ

ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದ್ದಂತೆ ಹಲವರು ಪ್ರತಿಕ್ರಿಯೆಸಿದ್ದಾರೆ. ಈ ಮದುವೆಗೆ ನಮ್ಮನ್ನೂ ಕರೆಯಬಾರದೆ. ನಾವು ಊಟ ಬಡಿಸುವ, ಆತಿಥಿಗಳಿಗೆ ಸತ್ಕಾರ ನೀಡಲು ಸಹಾಯ ಮಾಡುತ್ತಿದ್ದೇವು. ಕೊನೆಯಲ್ಲಿ ನವ ಜೋಡಿಗಳಿಗೆ ಆಶೀರ್ವಾದ ಮಾಡಿ ನೀವು ಬೇಡ ಎಂದು ಎಸೆದ ಸ್ವಲ್ಪ ನೋಟು ಹೆಕ್ಕಿ ನಮ್ಮ ಪಾಡಿಗೆ ಬರುತ್ತಿದ್ದೆವು ಎಂದು ಹಲವರು ಕಮೆಂಟ್ ಮಾಡಿದ್ದಾರೆ. ಇದೇ ವೇಳೆ ಕೆಲವರು ಈ ರೀತಿಯ ಶೋಕಿ ಜೀವನ ಒಳ್ಳೆಯದಲ್ಲ. ನಿಮ್ಮಲ್ಲಿ ದುಡಿದ್ದರೆ, ಮದುವೆ ಖರ್ಚು ಮಾಡಿ, ಆದರೆ ನೋಟು ಚೆಲ್ಲಿ ಅದ್ಧೂರಿತನ , ಶ್ರೀಮಂತಿಕೆ ತೋರ್ಪಡಿಸುವುದು ಉತ್ತಮವಲ್ಲ ಎಂದು ಸಲಹೆ ನೀಡಿದ್ದಾರೆ.

 

 

PREV

ಕರ್ನಾಟಕ, ಭಾರತ (India News) ಮತ್ತು ಜಗತ್ತಿನ ಕ್ಷಣಕ್ಷಣದ ಕನ್ನಡ ಸುದ್ದಿ (Kannada News) ಅಪ್ಡೇಟ್‌ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್‌ ಫಾಲೋ ಮಾಡಿ. ಬ್ರೇಕಿಂಗ್ ಸುದ್ದಿ (Latest Kannada News), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ (kannada news live) ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್‌ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್‌ಲೋಡ್ ಮಾಡಿ ಹಾಗು ಎಲ್ಲಾ ಅಪ್‌ಡೇಟ್ ಗಳನ್ನು ಪಡೆಯಿರಿ

Read more Articles on
click me!

Recommended Stories

ಹಬ್ಬ ಭಾನುವಾರ ಬಂದ್ರೆ ಬೇಜಾರಾಗೋ ನಿಮ್ಗೆ ರಜೆ ನೀಡೋದ್ರಲ್ಲಿ ಇಂಡಿಯಾ ಯಾವ ಸ್ಥಾನದಲ್ಲಿದೆ ಗೊತ್ತಾ?
ಹೈಕ್ ಮಾತ್ರವಲ್ಲ ಈ ಕಂಪನಿ ಉದ್ಯೋಗಿಗಳಿಗೆ ಡಿಫೆಂಡರ್ ಸೇರಿ 47 ಲಕ್ಷುರಿ ಕಾರು ಗಿಫ್ಟ್, ₹20 ಕೋಟಿ ಖರ್ಚು