ಯುವಜೋಡಿಯೊಂದು ಬೈಕ್‌ನಲ್ಲಿ ಅಪಾಯಕಾರಿ ರೀತಿಯಲ್ಲಿ ರೊಮ್ಯಾನ್ಸ್ ಮಾಡುತ್ತಿರುವ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಈ ಜೋಡಿಯ ನಡವಳಿಕೆಗೆ ನೆಟ್ಟಿಗರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ ಮತ್ತು ಕಾನೂನು ಕ್ರಮಕ್ಕೆ ಒತ್ತಾಯಿಸಿದ್ದಾರೆ.
ನವದೆಹಲಿ: ನೀವು ಧೂಮ್-2 ಸಿನಿಮಾ ನೋಡಿದ್ದರೆ ಕೊನೆಯ ದೃಶ್ಯದಲ್ಲಿ ಹೃತಿಕ್ ರೋಷನ್ ಬೈಕ್ ಓಡಿಸುತ್ತಿದ್ದರೆ, ಐಶ್ವರ್ಯಾ ರೈ ಆಯಿಲ್ ಟ್ಯಾಂಕ್ ಮೇಲೆ ಕುಳಿತು ಹಿಂದೆ ಬರುವ ಪೊಲೀಸರ ಮೇಲೆ ಗುಂಡಿನ ದಾಳಿ ನಡೆಸುತ್ತಾರೆ. ಆದ್ರೆ ಇಂದು ವೈರಲ್ ಆಗುತ್ತಿರುವ ವಿಡಿಯೋದಲ್ಲಿರುವ ಜೋಡಿ, ಜನಸಂದಣಿಯ ರಸ್ತೆಯಲ್ಲಿ ಹೃತಿಕ್-ಐಶ್ವರ್ಯಾ ರೀತಿ ಕುಳಿತು ಖುಲ್ಲಂ ಖುಲ್ಲಾ ರೊಮ್ಯಾನ್ಸ್ ಮಾಡಿದ್ದಾರೆ. ಸದ್ಯ ಈ ಜೋಡಿಯ ರೊಮ್ಯಾನ್ಸ್ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗುತ್ತಿದೆ. ವಿಡಿಯೋ ನೋಡಿದ ನೆಟ್ಟಿಗರು ಇಂದಿನ ಯುವ ಪೀಳಿಗೆಯವರಿಗೆ ಎಲ್ಲಿ ಮತ್ತು ಹೇಗೆ ನಡೆದುಕೊಳ್ಳಬೇಕು ಎಂಬುದರ ಬಗ್ಗೆ ಸ್ವಲ್ಪವೂ ಅರಿವಿಲ್ಲ ಎಂದು ಕ್ಲಾಸ್ ತೆಗೆದುಕೊಂಡಿದ್ದಾರೆ.
ಬೈಕ್ ಹಿಂದೆಯೇ ಕಾರ್‌ನಲ್ಲಿದ್ದ ವ್ಯಕ್ತಿಯೋರ್ವ ಜೋಡಿಯ ರೊಮ್ಯಾನ್ಸ್ ಮಾಡುತ್ತಿರುವ ದೃಶ್ಯವನ್ನು ತಮ್ಮ ಮೊಬೈಲ್‌ನಲ್ಲಿ ಸೆರೆ ಹಿಡಿದು ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ಇಬ್ಬರು ಟ್ರಾಫಿಕ್ ನಿಯಮಗಳನ್ನು ಉಲ್ಲಂಘನೆ ಮಾಡಿರೋದು ಸ್ಪಷ್ಟವಾಗಿ ಕಾಣುತ್ತದೆ. ಯುವಕ ಮತ್ತು ಯುವತಿ ಹೆಲ್ಮೆಟ್ ಸಹ ಹಾಕಿಲ್ಲ. ಪಕ್ಕದಲ್ಲಿಯೇ ಹೆವಿ ವೆಹಿಕಲ್ ವಾಹನಗಳು ಹೋಗುತ್ತಿದ್ದರೂ ಅಪಾಯವನ್ನು ಲೆಕ್ಕಿಸದೇ ಜೋಡಿ ಅಪಾಯಕಾರಿ ರೀತಿ ಸ್ಟಂಟ್ ಮಾಡುವ ಮೂಲಕ ರಸ್ತೆಯಲ್ಲಿ ಹೋಗುತ್ತಿದ್ದ ಬೇರೆ ಪ್ರಯಾಣಿಕರಿಗೂ ಭಯ ಹುಟ್ಟಿಸಿದ್ದಾರೆ. ನೆಟ್ಟಿಗರು ಇಬ್ಬರ ವಿರುದ್ಧ ಕಾನೂನು ಕ್ರಮ ತೆಗೆದುಕೊಳ್ಳಬೇಕೆಂದು ಆಗ್ರಹಿಸಿದ್ದಾರೆ. ವೈರಲ್ ಆಗಿರುವ ವಿಡಿಯೋದಲ್ಲಿ ಬೈಕ್ ನಂಬರ್ ಕಾಣಿಸುತ್ತಿದೆ. ಹಾಗಾಗಿ ಇಬ್ಬರ ವಿರುದ್ಧ ಸಂಚಾರಿ ನಿಯಮ ಉಲ್ಲಂಘನೆಯ ಎಲ್ಲಾ ಪ್ರಕರಣಗಳನ್ನು ದಾಖಲಿಸಬೇಕು ಎಂದು ಒತ್ತಾಯಿಸಲಾಗಿದೆ.
undefined
ಅನಿಲ್ ಅಂಬಾನಿಗೆ ಹೊಡಿತು ಜಾಕ್‌ಪಾಟ್, ತೆರೆಯಿತು ಭಾಗ್ಯದ ಬಾಗಿಲು; ₹1 ಲಕ್ಷ ಈಗ 27 ಲಕ್ಷ ಆಯ್ತು!
ವೈರಲ್ ಆಗಿರುವ ವಿಡಿಯೋವನ್ನು ದೆಹಲಿಯ ವಿಕಾಸಪುರಿ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ನಡೆದ ಘಟನೆ ಎಂದು ವರದಿಯಾಗಿದೆ. ಈ ವಿಡಿಯೋವನ್ನ ಎಕ್ಸ್ ಖಾತೆಯಲ್ಲಿ ವ್ಲಾಗರ್ ಒಬ್ಬರು ಶೇರ್ ಮಾಡಿಕೊಂಡಿದ್ದಾರೆ. ಈ ವಿಡಿಯೋದಲ್ಲಿ ಯುವತಿಯೊಬ್ಬಳು ಬೈಕ್ ಮುಂಭಾಗದಲ್ಲಿರುವ ಇಂಧನ ಟ್ಯಾಂಕ್ ಮೇಲೆ ಕುಳಿತಿರೋದನ್ನು ನೋಡಬಹುದು. ಯುವಕ ಬೈಕ್ ಓಡಿಸುತ್ತಿದ್ದರೂ ಯುವತಿ ಮಾತ್ರ ಪದೇ ಪದೇ ಆತನನ್ನು ತಬ್ಬಿಕೊಳ್ಳುತ್ತಿರುತ್ತಾಳೆ. ಈ ಬೈಕ್ ಹಿಂದೆಯೇ ಬರುತ್ತಿದ್ದ ಕಾರ್‌ನಲ್ಲಿ ಕುಳಿತಿದ್ದ ವ್ಯಕ್ತಿ ವಿಡಿಯೋವನ್ನು ಸೆರೆ ಹಿಡಿದಿದ್ದಾರೆ.
ಕೆಲ ತಿಂಗಳ ಹಿಂದೆ ಉತ್ತರ ಪ್ರದೇಶದ ರಾಜಧಾನಿ ಲಕ್ನೋ ನಗರದಲ್ಲಿ ಸಿಎಂ ನಿವಾಸದ ಮುಖ್ಯರಸ್ತೆಯಲ್ಲಿ ಜೋಡಿ ಕಿಸ್ ಮಾಡಿತ್ತು. ತೆರೆದ ಕಾರ್‌ನಲ್ಲಿ ಜೋಡಿ ಹೊರ ಬಂದು ತುಟಿಗೆ ತುಟಿ ಸೇರಿಸಿದ್ದರು. ಇವರಿಬ್ಬರ ಚುಂಬನದ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿತ್ತು. ಈ ಬಗ್ಗೆಯೂ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿತ್ತು. ಚೆನ್ನೈನ ರಸ್ತೆಯಲ್ಲಿಯೂ ಇಂತಹುವುದೇ ಒಂದು ಘಟನೆ ನಡೆದಿದ್ದು, ಕಾನೂನು ವಿದ್ಯಾರ್ಥಿ ತನ್ನ ಸಂಗಾತಿ ಜೊತೆ ಕಾರ್‌ನ ಸನ್ ರೂಫ್ ತೆರೆದು ಕೈಯಲ್ಲೊಂದು ಮದ್ಯದ ಬಾಟೆಲ್ ಹಿಡಿದುಕೊಂಡು ಅಸಭ್ಯವಾಗಿ ವರ್ತಿಸಿದ್ದರು. ವಿಡಿಯೋ ವೈರಲ್ ಬಳಿಕ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದರು.
ಪತಿ -ಪತ್ನಿ ನಡುವಿನ ವಯಸ್ಸಿನ ಅಂತರ ಎಷ್ಟಿರಬೇಕು? ಅಧ್ಯಯನ ಏನು ಹೇಳುತ್ತೆ?
चलती बाइक पर कपल ने किया खुल्लम-खुल्ला रोमांस, युवती ने किया लड़के को Kiss, वायरल हुआ वीडियो, मामला राजधानी दिल्ली के विकासपुरी फ्लाईओवर का है, देखिए इन लोगों को ना तो कानून का डर है और ना ही जिंदगी प्यारी, बस इन्हें लगी है रोमांस करने की बीमारी। … pic.twitter.com/s5kcpyZSRc
— Gagandeep Singh (@GagandeepNews)