Rahul gandhi: ಕರ್ನಾಟಕ ಚುನಾವಣೆ ಮುಗಿದ ಬೆನ್ನಲ್ಲೇ ರಾಹುಲ್‌ 10 ದಿನ ಅಮೆರಿಕ ಪ್ರವಾಸ!

ಮಹತ್ವವಾದ ಕರ್ನಾಟಕ ವಿಧಾನಸಭಾ ಚುನಾವಣೆ ಮುಗಿದ ಬೆನ್ನಲ್ಲೇ ಕಾಂಗ್ರೆಸ್‌ ನಾಯಕ ರಾಹುಲ್‌ ಗಾಂಧಿ ಮೇ 31ರಿಂದ 10 ದಿನಗಳ ಅಮೆರಿಕ ಪ್ರವಾಸ ಕೈಗೊಳ್ಳಲಿದ್ದಾರೆ. ಈ ವೇಳೆ ಅವರು ಹಲವು ರಾಜಕೀಯ, ಉದ್ಯಮ ನಾಯಕರನ್ನು ಭೇಟಿಯಾಗಲಿದ್ದು, ಹಲವು ಸಂವಾದ ಕಾರ್ಯಕ್ರಮಗಳಲ್ಲೂ ಭಾಗಿಯಾಗಲಿದ್ದಾರೆ. ಜೊತೆಗೆ ಮ್ಯಾಡಿಸನ್‌ ಸ್ವೆ$್ಕೕರ್‌ನಲ್ಲಿ 5000ಕ್ಕೂ ಹೆಚ್ಚು ಅನಿವಾಸಿ ಭಾರತೀಯರನ್ನು ಉದ್ದೇಶಿಸಿ ಮಾತನಾಡಲಿದ್ದಾರೆ.

ನವದೆಹಲಿ (ಮೇ.17) : ಮಹತ್ವವಾದ ಕರ್ನಾಟಕ ವಿಧಾನಸಭಾ ಚುನಾವಣೆ ಮುಗಿದ ಬೆನ್ನಲ್ಲೇ ಕಾಂಗ್ರೆಸ್‌ ನಾಯಕ ರಾಹುಲ್‌ ಗಾಂಧಿ ಮೇ 31ರಿಂದ 10 ದಿನಗಳ ಅಮೆರಿಕ ಪ್ರವಾಸ ಕೈಗೊಳ್ಳಲಿದ್ದಾರೆ. ಈ ವೇಳೆ ಅವರು ಹಲವು ರಾಜಕೀಯ, ಉದ್ಯಮ ನಾಯಕರನ್ನು ಭೇಟಿಯಾಗಲಿದ್ದು, ಹಲವು ಸಂವಾದ ಕಾರ್ಯಕ್ರಮಗಳಲ್ಲೂ ಭಾಗಿಯಾಗಲಿದ್ದಾರೆ. ಜೊತೆಗೆ ಮ್ಯಾಡಿಸನ್‌ ಸ್ವೆ$್ಕೕರ್‌ನಲ್ಲಿ 5000ಕ್ಕೂ ಹೆಚ್ಚು ಅನಿವಾಸಿ ಭಾರತೀಯರನ್ನು ಉದ್ದೇಶಿಸಿ ಮಾತನಾಡಲಿದ್ದಾರೆ.

10 ದಿನಗಳ ಭೇಟಿ ಅವಧಿಯಲ್ಲಿ ಜೂ.4ರಂದು ರಾಹುಲ್‌(Rahul gandhi) ನ್ಯೂಯಾರ್ಕ್ನ ಮ್ಯಾಡಿಸನ್‌ ಸ್ವೆ$್ಕೕರ್‌() ಗಾರ್ಡನ್‌(New York's Madison Square garden)ನಲ್ಲಿ 5000 ಅನಿವಾಸಿ ಭಾರತೀಯರನ್ನು ಉದ್ದೇಶಿಸಿ ಮಾತನಾಡಲಿದ್ದಾರೆ. 2014ರಲ್ಲಿ ನರೇಂದ್ರ ಮೋದಿ(Narendra Modi) ಕೂಡಾ ಇದೇ ಆವರಣದಲ್ಲಿ ಎನ್‌ಆರ್‌ಐಗಳನ್ನು ಉದ್ದೇಶಿಸಿ ಮಾತನಾಡಿದ್ದರು.

ಇದರ ಜೊತೆಗೆ ವಾಷಿಂಗ್ಟನ್‌ ಮತ್ತು ಕ್ಯಾಲಿಫೋರ್ನಿಯಾಗೂ ರಾಹುಲ್‌ ಭೇಟಿ ನೀಡಲಿದ್ದಾರೆ. ಸ್ಟಾನ್‌ಫರ್ಡ್‌ ವಿವಿಯಲ್ಲಿ ಸಂವಾದ ಕಾರ್ಯಕ್ರಮವನ್ನೂ ಆಯೋಜಿಸಲಾಗಿದೆ.

ಇದರ ಜೊತೆಗೆ ಹಲವು ಉದ್ಯಮಿಗಳು ಮತ್ತು ರಾಜಕೀಯ ನಾಯಕರನ್ನೂ ಭೇಟಿ ಮಾಡಿ ಅವರೊಂದಿಗೆ ವಿವಿಧ ವಿಷಯಗಳ ಕುರಿತು ರಾಹುಲ್‌ ಚರ್ಚೆ ನಡೆಸಲಿದ್ದಾರೆ.

ಕಳೆದ ಮಾಚ್‌ರ್‍ನಲ್ಲಿ ರಾಹುಲ್‌ ತಮ್ಮ ಲಂಡನ್‌ ಪ್ರವಾಸದ ವೇಳೆ ಕೇಂಬ್ರಿಡ್ಜ್‌ ವಿವಿಯಲ್ಲಿ ಮಾಡಿದ್ದ ಭಾಷಣ ಭಾರೀ ವಿವಾದಕ್ಕೆ ಕಾರಣವಾಗಿತ್ತು.