ಸ್ಯಾನಿಟೈಸರ್‌ನಿಂದ ಮದ್ಯ ತಯಾರಿ : 6 ಮಂದಿ ಬಂಧನ

ಸ್ಯಾನಿಟೈಸರ್‌ನಿಂದ ಮದ್ಯ ತಯಾರಿಸುತ್ತಿದ್ದ ಗ್ಯಾಂಗ್‌ ತಮಿಳುನಾಡು ಪೊಲೀಸರಿಂದ 6 ಮಂದಿ ಬಂಧನ ಬಂಧಿತರಿಂದ 300 ಲೀಟರ್‌ ಸ್ಯಾನಿಟೈಸರ್‌, ಖಾಲಿ ಬಾಟಲ್‌ಗಳು, ಟಾಟಾ ಏಸ್‌ ವಾಹನವನ್ನು ಜಪ್ತಿ

ಚೆನ್ನೈ (ಮೇ.21): ಸ್ಯಾನಿಟೈಸರ್‌ನಿಂದ ಮದ್ಯ ತಯಾರಿಸುತ್ತಿದ್ದ ಗ್ಯಾಂಗ್‌ವೊಂದನ್ನು ಭೇದಿಸಿರುವ ತಮಿಳುನಾಡು ಪೊಲೀಸರು 6 ಆರೋಪಿಗಳನ್ನು ಬಂಧಿಸಿದ್ದಾರೆ. 

ಬಂಧಿತರಿಂದ 300 ಲೀಟರ್‌ ಸ್ಯಾನಿಟೈಸರ್‌, ಖಾಲಿ ಬಾಟಲ್‌ಗಳು, ಟಾಟಾ ಏಸ್‌ ವಾಹನವನ್ನು ಜಪ್ತಿ ಮಾಡಲಾಗಿದೆ ಎಂದು ಪೊಲೀಸರು ಹೇಳಿದ್ದಾರೆ.

ಕುಡಲೂರು ಜಿಲ್ಲೆಯ ರಾಮನಾಥನ್‌ ಕುಪ್ಪಂ ಎಂಬಲ್ಲಿ ಸ್ಯಾನಿಟೈಸರ್‌ ಮೂಲಕ ಅಕ್ರಮವಾಗಿ ಲಿಕ್ಕರ್‌ ತಯಾರಿಸಲಾಗುತ್ತಿದೆ ಎಂಬ ಖಚಿತ ಮಾಹಿತಿ ಪಡೆದ ಪೊಲೀಸರು, ಭರ್ಜರಿ ಕಾರಾರ‍ಯಚರಣೆ ನಡೆಸಿ 6 ಮಂದಿಯನ್ನು ಬಂಧಿಸಿದ್ದಾರೆ. 

ಸೋಂಕು ನಿಯಂತ್ರಣಕ್ಕಾಗಿ ರಾಜ್ಯಾದ್ಯಂತ ಮೇ 24ರವರೆಗೆ ಲಾಕ್‌ಡೌನ್‌ ಜಾರಿ ಮಾಡಲಾಗಿದ್ದು, ಮದ್ಯದಂಗಡಿಗಳು ಮುಚ್ಚಿವೆ. ಇದನ್ನೇ ಈ ಗ್ಯಾಂಗ್‌ ಬಂಡವಾಳವಾಗಿಸಿಕೊಂಡಿತ್ತು ಎನ್ನಲಾಗಿದೆ.