
ಆ್ಯಮ್ಸ್ಟರ್ಡ್ಯಾಮ್ (ನೆದರ್ಲೆಂಡ್)ಅ.29: ಮೂರು ಬಾರಿಯ ಚಾಂಪಿಯನ್ ಪಾಕಿಸ್ತಾನ ಪುರುಷರ ಹಾಕಿ ತಂಡ 2020ರ ಟೋಕಿಯೋ ಒಲಿಂಪಿಕ್ಸ್ನಲ್ಲಿ ಸ್ಥಾನ ಪಡೆಯುವಲ್ಲಿ ವಿಫಲವಾಗಿದೆ. ಭಾನುವಾರ ತಡರಾತ್ರಿ ಇಲ್ಲಿ ನಡೆದ ಅರ್ಹತಾ ಸುತ್ತಿನ 2ನೇ ಪಂದ್ಯದಲ್ಲಿ ಆತಿಥೇಯ ನೆದರ್ಲೆಂಡ್ ವಿರುದ್ಧ 1-6 ಗೋಲ್ಗಳಿಂದ ಹೀನಾಯ ಸೋಲುಂಡಿತು.
ಇದನ್ನೂ ಓದಿ: ಭಾರತ ಹಾಕಿ ತಂಡಕ್ಕೆ ಸುನಿಲ್ ಉಪನಾಯಕ
ಶನಿವಾರ ನಡೆದಿದ್ದ ಮೊದಲ ಪಂದ್ಯದಲ್ಲಿ 4-4ರಲ್ಲಿ ಅಚ್ಚರಿಯ ಡ್ರಾ ಫಲಿತಾಂಶ ಸಾಧಿಸಿತ್ತು. ಆದರೆ ಭಾನುವಾರ ನೆದರ್ಲೆಂಡ್ ತನ್ನ ಆಕ್ರಮಣಕಾರಿ ಆಟದಿಂದ ಪಾಕಿಸ್ತಾನವನ್ನು ದೊಡ್ಡ ಅಂತರದಿಂದ ಸದೆಬಡಿಯಿತು. ಒಟ್ಟಾರೆ ಎರಡೂ ಪಂದ್ಯಗಳ ಮುಕ್ತಾಯಕ್ಕೆ ನೆದರ್ಲೆಂಡ್ 10-5 ಅಂತರ ಕಾಯ್ದುಕೊಂಡಿತು. 1960, 1968, 1984ರ ಒಲಿಂಪಿಕ್ಸ್ಗಳಲ್ಲಿ ಪಾಕಿಸ್ತಾನ ಚಿನ್ನದ ಪದಕಗಳನ್ನು ಗೆದ್ದಿತ್ತು.
ಇದನ್ನೂ ಓದಿ: 2020 ಒಲಿಂಪಿಕ್ಸ್ ಹಾಕಿ: ರಾಜ್ಯದ ರಘು ಅಂಪೈರ್
1992ರ ಬಾರ್ಲಿಸಿಲೋನಾದಲ್ಲಿ ನಡೆದ ಒಲಿಂಪಿಕ್ ಕೂಡದಲ್ಲಿ ಕಂಚಿನ ಪದಕ ಗೆದ್ದಿತ್ತು. ಇದಾದ ಬಳಿಕ ಮಹತ್ವದ ಟೂರ್ನಿ ಗೆಲ್ಲುವಲ್ಲಿ ವಿಫಲವಾಗಿತು. ನೆದರ್ಲೆಂಡ್ ತಂಡ ಅತ್ಯುತ್ತಮ ಆಟ ಪ್ರದರ್ಶಿಸಿತು. ನಮ್ಮ ಕೆಟ್ಟದಿನವಾಗಿತ್ತು. ಒಲಿಂಪಿಕ್ಸ್ ಕೂಟದಲ್ಲಿ ಪಾಲಗೊಳ್ಳಲು ಸಾಧ್ಯವಾಗುತ್ತಿಲ್ಲ ಅನ್ನೋದು ಅತೀವ ನೋವು ತಂದಿದೆ ಎಂದು ಪಾಕಿಸ್ತಾನ ಹಾಕಿ ತಂಡದ ಕೋಚ್ ಖವಾಜ್ ಜುನೈದ್ ಹೇಳಿದ್ದಾರೆ.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. IPL Live ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.