ನೆಮ್ಮದಿಯಿಂದ ನಿದ್ದೆ (Sleep) ಮಾಡಬೇಕೆಂದೇ ಎಲ್ಲರೂ ಬಯಸ್ತಾರೆ. ಆದ್ರೆ ನಿದ್ದೆ ಮಾಡೋವಾಗ ಉಸಿರುಗಟ್ಟಿದಂತಾಗುವುದು ಹಲವರಲ್ಲಿ ಕಂಡು ಬರುವ ಸಮಸ್ಯೆ (Problem). ಆದ್ರೆ ಇದೆಲ್ಲಾ ಕಾಮನ್ ಅಂತ ಸಮಸ್ಯೆ ಅಂತ ಲೈಟಾಗಿ ತಗೊಳ್ಬೇಡಿ. ಇದ್ರಿಂದ ಹಾರ್ಟ್‌ ಅಟ್ಯಾಕ್ (Heart Attack) ಆಗೋ ಸಾಧ್ಯತೆನೂ ಹೆಚ್ಚಿದೆಯಂತೆ
ಮನುಷ್ಯ ದಿನಪೂರ್ತಿ ಚಟುವಟಿಕೆಯಿಂದ ಇರುವುದು ಹೇಗೆ ಮುಖ್ಯವೋ ಹಾಗೆಯೇ ರಾತ್ರಿ ಹೊತ್ತು ಚೆನ್ನಾಗಿ ನಿದ್ರೆ (Sleep) ಮಾಡಿ ವಿಶ್ರಾಂತಿ (Rest) ಪಡೆಯುವುದು ಸಹ ಮುಖ್ಯ. ನಿದ್ದೆ ಸರಿಯಾಗಿ ಆಗದೆ, ದೇಹ (Body) ಸರಿಯಾಗಿ ವಿಶ್ರಾಂತಿ ಪಡೆಯದೇ ಇದ್ದಾಗ ಹಲವು ಆರೋಗ್ಯ ಸಮಸ್ಯೆಗಳು ಕಾಣಿಸಿಕೊಳ್ಳುತ್ತವೆ. ಮಲಗಿದಾಗ ವಿಪರೀತ ಬೆವರುವುದು, ಬಾಯಿ ಒಣಗುವುದು, ಮೂಗಿನಿಂದ ರಕ್ತಸ್ತಾವವಾಗುವುದು, ಉಸಿರಾಡಲು ಕಷ್ಟವಾಗುವುದು ಮೊದಲಾದ ಸಮಸ್ಯೆ ಕಾಣಿಸಿಕೊಳ್ಳುತ್ತದೆ. ಅದರಲ್ಲೂ ಮಲಗುವಾಗ ಉಸಿರುಗಟ್ಟಿದಂತಾಗುವುದು ಹಲವರನ್ನು ಕಾಡುವ ಸಮಸ್ಯೆ. ಹಲವರನ್ನು ಇದನ್ನು ಲಘುವಾಗಿ ತೆಗೆದುಕೊಳ್ಳುತ್ತಾರೆ. ಆದ್ರೆ ನಿದ್ದೆ ಮಾಡುವಾಗ ಉಸಿರುಗಟ್ಟಿದಂತಾಗುವ ಸಮಸ್ಯೆ ಹಾರ್ಟ್‌ ಅಟ್ಯಾಕ್ (Cardiac Arrest)ಗೂ ಕಾರಣವಾಗಬಹುದಂತೆ.
ಹೃದಯ ಸ್ತಂಭನಕ್ಕೆ ಕಾರಣವಾಗುವ ಸ್ಲೀಪ್ ಅಪ್ನಿಯಾ
ನಿದ್ದೆಯಲ್ಲಿ ಉಸಿರುಕಟ್ಟುವಿಕೆ ಅತ್ಯಂತ ಗಂಭೀರವಾದ ನಿದ್ರೆಯ ಅಸ್ವಸ್ಥತೆಯಾಗಿದ್ದು, ಇದರಲ್ಲಿ ಉಸಿರಾಟವು ನಿಲ್ಲುತ್ತದೆ. ಮತ್ತು ಪದೇ ಪದೇ ಉಸಿರಾಡಲು ಕಷ್ಟವಾಗುವ ಸಮಸ್ಯೆ ಪ್ರಾರಂಭವಾಗುತ್ತದೆ. ನಿದ್ದೆ ಮಾಡುತ್ತಿರುವಾಗ ಉಸಿರುಗಟ್ಟಿದಂತಾಗುವ ಸಮಸ್ಯೆಯನ್ನು ಸ್ಲೀಪ್ ಅಪ್ನಿಯಾ (Sleep Apnea) ಎಂದು ಹೇಳುತ್ತಾರೆ. ಅಧ್ಯಯನಗಳ ಪ್ರಕಾರ ಸ್ಲೀಪ್ ಅಪ್ನಿಯ, ಹಠಾತ್ ಹೃದಯ ಸಾವಿನ ಅಪಾಯವನ್ನು ಹೆಚ್ಚಿಸುತ್ತದೆಯಂತೆ.
Health Tips: ಒತ್ತಡ ಮತ್ತು ಹೃದಯಾಘಾತಕ್ಕೆ ಸಂಬಂಧವಿದ್ಯಾ ?
ಸ್ಲೀಪ್ ಅಪ್ನಿಯದ ಅತ್ಯಂತ ಸಾಮಾನ್ಯ ವಿಧವೆಂದರೆ ಅಬ್ಸ್ಟಾಕ್ಟಿವ್ ಸ್ಲೀಪ್ ಅಪ್ನಿಯ. ಇದರಲ್ಲಿ ಎದೆಯ ಮೇಲ್ಭಾಗ ಮತ್ತು ಕುತ್ತಿಗೆಯ ಮೇಲಿನ ಭಾರವು ಗಾಳಿಯ ಹರಿವನ್ನು ತಡೆಯಲು ಕಾರಣವಾಗುತ್ತದೆ. ಸ್ಲೀಪ್ ಅಪ್ನಿಯಾ ಮಹಿಳೆಯರಿಗಿಂತ ಪುರುಷರಲ್ಲಿ ಹೆಚ್ಚು ಸಾಮಾನ್ಯವಾಗಿದೆ.
ಸ್ಲೀಪ್ ಅಪ್ನಿಯದ ಸಾಮಾನ್ಯ ಲಕ್ಷಣವೆಂದರೆ ಜೋರಾಗಿ ಗೊರಕೆ ಹೊಡೆಯುವುದು, ಬೆಳಗ್ಗೆ ತಲೆನೋವು, ನಿದ್ರೆಯ ಸಮಯದಲ್ಲಿ ಗಾಳಿಗಾಗಿ ಏದುಸಿರು ಬಿಡುವಂತಾಗುವುದು, ಕಿರಿಕಿರಿ ಮತ್ತು ಒಣ ಬಾಯಿಯ ಸಮ ಮೊದಲಾದವುಗಳಾಗಿವೆ. ಇಂಥಾ ಸಮಸ್ಯೆ ಪಾರ್ಶ್ವವಾಯು ಮತ್ತು ಅಧಿಕ ರಕ್ತದೊತ್ತಡಕ್ಕೂ ಕಾರಣವಾಗಬಹುದು. ಅಲ್ಲದೆ ಟೈಪ್ 2 ಮಧುಮೇಹ ಮತ್ತು ಯಕೃತ್ತಿನ ಸಮಸ್ಯೆಗಳ ಅಪಾಯವನ್ನು ಹೆಚ್ಚಿಸುತ್ತದೆ. ಸ್ಥೂಲಕಾಯತೆ ಹೊಂದಿರುವ ಜನರಿಗಂತೂ ಸ್ಲೀಪ್ ಅಪ್ನಿಯಾ ಅಪಾಯಕಾರಿ.
ರಾತ್ರಿ ನಿದ್ದೆ ಮಾಡುವಾಗ ಉಸಿರಾಡಲು ಕಷ್ಟವಾಗುವ ಸಮಸ್ಯೆಯಿಂದ ಇಷ್ಟೆಲ್ಲಾ ಸಮಸ್ಯೆ ಆಗುವುದು ಮಾತ್ರವಲ್ಲದೆ, ಹೃದಯ ಸ್ತಂಭನದ ಸಾಧ್ಯತೆಯೂ ಹೆಚ್ಚಿದೆ ಎಂಬುದು ಅಧ್ಯಯನದಿಂದ ತಿಳಿದುಬಂದಿದೆ. ಏಷ್ಯನ್ ಇನ್‌ಸ್ಟಿಟ್ಯೂಟ್ ಆಫ್ ಮೆಡಿಕಲ್ ಸೈನ್ಸ್‌ನ ರೆಸ್ಪಿರೇಟರಿ ಮತ್ತು ಸ್ಲೀಪ್ ಮೆಡಿಸಿನ್ ನಿರ್ದೇಶಕರಾದ ಡಾ.ಮಾನವ್ ಮಂಚಂದ ಅವರು, ಸ್ಲೀಪ್ ಅಪ್ನಿಯಾ ಮತ್ತು ಅದು ಹೇಗೆ ಹೃದಯ ಸ್ತಂಭನ ಮತ್ತು ಇತರ ಸಮಸ್ಯೆಗಳನ್ನು ಉಂಟುಮಾಡಬಹುದು ಎಂಬುದರ ಕುರಿತು ಮಾಹಿತಿ ನೀಡಿದ್ದಾರೆ.
Dry mouth at night: ರಾತ್ರಿ ಸಿಕ್ಕಾಪಟ್ಟೆ ಬಾಯಿ ಒಣಗಿದ್ರೆ ಏನ್ಬಾಡ್ಮೇಕು?
ನಿದ್ರೆಯಲ್ಲಿ ಉಸಿರುಕಟ್ಟುವಿಕೆ, ಹಠಾತ್ ಹೃದಯ ಸ್ತಂಭನಗಳಿಗೆ ಕಾರಣವಾಗಬಹುದು. ಸಾಮಾನ್ಯ ನಿದ್ರಾಹೀನತೆಯ ಮಧ್ಯಮ ಪ್ರಕರಣವೂ ಹಠಾತ್ ಹೃದಯ ಸಾವಿನ ಅಪಾಯವನ್ನು ಹೆಚ್ಚಿಸಬಹುದು ಎಂದು ಡಾ.ಮಾನವ್ ಮಂಚಂದ ತಿಳಿಸಿದ್ದಾರೆ. ಹಠಾತ್ ಹೃದಯ ಸ್ತಂಭನವು ಹೃದಯದ ಕಾರ್ಯ, ಉಸಿರಾಟ ಮತ್ತು ಪ್ರಜ್ಞೆಯ ತ್ವರಿತ, ಅನಿರೀಕ್ಷಿತ ನಷ್ಟವಾಗಿದೆ. ಸ್ವಯಂಚಾಲಿತ ಬಾಹ್ಯ ಡಿಫಿಬ್ರಿಲೇಟರ್ ಮೂಲಕ ತಕ್ಷಣದ ಚಿಕಿತ್ಸೆ ಇಲ್ಲದೆ, ಇದು ಸಾವಿಗೆ ಕಾರಣವಾಗಬಹುದು. ಅಂದಾಜು 450,000 ಅಮೆರಿಕನ್ನರು ಪ್ರತಿ ವರ್ಷ ಹಠಾತ್ ಹೃದಯ ಸ್ತಂಭನದಿಂದ ಸಾಯುತ್ತಾರೆ ಎಂದು ತಿಳಿದುಬಂದಿದೆ.
ನಿದ್ರಿಸುವಾಗ ಗಂಟಲಿನ ಸ್ನಾಯುಗಳು ನಿರ್ಬಂಧಿಸಿದಾಗ ಪ್ರತಿರೋಧಕ ನಿದ್ರೆಯಲ್ಲಿ ಉಸಿರುಕಟ್ಟುವಿಕೆ ಸಂಭವಿಸುತ್ತದೆ. ಇದು ಉಸಿರಾಟ ನಿಧಾನಗೊಳ್ಳಲು ಕಾರಣವಾಗುತ್ತದೆ. 16 ವರ್ಷಗಳ ಅಧ್ಯಯನದಲ್ಲಿ, ಮಿನ್ನೇಸೋಟದಲ್ಲಿ ಸುಮಾರು 11,000 ವಯಸ್ಕರು ನಿದ್ರೆಯ ಅಸ್ವಸ್ಥತೆಗಳಿಗಾಗಿ ಪರೀಕ್ಷಿಸಲ್ಪಟ್ಟಿದ್ದಾರೆ. ಆ ಗುಂಪಿನಲ್ಲಿ, 78% ಪ್ರತಿ ನಾಲ್ಕು ವಯಸ್ಕರಲ್ಲಿ ಮೂವರು - ಪ್ರತಿಬಂಧಕ ನಿದ್ರೆಯಲ್ಲಿ ಉಸಿರುಕಟ್ಟುವಿಕೆಯಿಂದ ಬಳಲುತ್ತಿದ್ದಾರೆ ಮತ್ತು ಸ್ಲೀಪ್ ಅಪ್ನಿಯ ಇಲ್ಲದವರಿಗಿಂತ ಹಠಾತ್ ಹೃದಯದ ಮರಣವನ್ನು ಅನುಭವಿಸುವ ಸಾಧ್ಯತೆ ಹೆಚ್ಚು. ನಿದ್ರಿಸುವಾಗ ಕಡಿಮೆ ರಕ್ತದ ಆಮ್ಲಜನಕದ ಮಟ್ಟವನ್ನು ಹೊಂದಿರುವ ಜನರು ಹಠಾತ್ ಹೃದಯ ಸಾವಿಗೆ ಹೆಚ್ಚಿನ ಅಪಾಯವನ್ನು ಹೊಂದಿರುತ್ತಾರೆ ಎಂದು ತಿಳಿದುಬಂದಿದೆ.