ನಿಮ್ಮ ಮೇಲೆ ಕೆಟ್ಟ ದೃಷ್ಟಿ ಬಿದ್ದಿದೆಯೇ? ಹಾಗಿದ್ರೆ ಹೀಗೆ ಮಾಡಿ

ನಾವು ಯಾವಾಗ ನಮ್ಮ ಜೀವನದಲ್ಲಿ ಸ್ವಲ್ಪ ಸುಧಾರಣೆ ಆಗುತ್ತಿದೆ ಎಂದು ಅಂದುಕೊಳ್ಳುತ್ತಿರುವಾಗಲೇ ಮತ್ತು ಮನೆಯಲ್ಲಿ ಸಂತೋಷದ ವಾತಾವರಣವಿದೆ ಎಂದು ಅನಿಸುತ್ತಿರುವಾಗಲೇ ಕೆಲವು ನಕಾರಾತ್ಮಕ ಘಟನೆಗಳು ಸಂಭವಿಸಲು ಪ್ರಾರಂಭಿಸುತ್ತವೆ. ಇದಕ್ಕೆ ಕಾರಣ ಹಲವಾರಿರಬಹುದು. ಅದರಲ್ಲಿ ಒಂದು ನಮ್ಮ ಮೇಲೆ ದೃಷ್ಟಿ ಹಾಕಿರುವ ಕೆಲವಷ್ಟು ಜನರು ಸಹ ಸೇರಿದ್ದಾರೆ. 

ಜೀವನದಲ್ಲಿ ನಾವು ಅನೇಕ ಅಸೂಯೆ ಪಡುವ ಜನರನ್ನ ಎದುರಿಸಬೇಕಾಗುತ್ತೆ. ಈ ಜನರು ನಿಮ್ಮ ಸುತ್ತಮುತ್ತಲಿನ ಜನರು, ನೆರೆಹೊರೆಯವರು, ಸಂಬಂಧಿಕರು ಅಥವಾ ನಿಮ್ಮ ಸ್ನೇಹಿತರಾಗಿರಬಹುದು. ಈ ಜನ ಒಂದಲ್ಲ ಒಂದು ರೀತಿಯಲ್ಲಿ ನಿಮ್ಮೊಂದಿಗೆ ಸಂಪರ್ಕ ಹೊಂದಿದ್ದಾರೆ ಮತ್ತು ಅವರಿಂದ ನಾವು ನಮ್ಮನ್ನು ಸಂಪೂರ್ಣವಾಗಿ ಬೇರ್ಪಡಿಸುವುದು ಕಷ್ಟ. ಅಂತಹ ಜನರು ನಿಮ್ಮ ಪ್ರಗತಿಯಿಂದ ಅಸೂಯೆ ಪಡುತ್ತಾರೆ ಮತ್ತು ಅವರು ನಿಮ್ಮ ಮನೆಗೆ ಬಂದಾಗ, ಅವರು ತಮ್ಮೊಂದಿಗೆ ನಕಾರಾತ್ಮಕ ಶಕ್ತಿಯನ್ನು(Negative energy) ಸಹ ತರುತ್ತಾರೆ. 

ಈ ಲೇಖನದ ಮೂಲಕ, ತಜ್ಞರು ಹೇಳಿದ ಕೆಲವು ಕ್ರಮಗಳ ಬಗ್ಗೆ ನಿಮಗೆ ತಿಳಿಸಲಾಗುತ್ತೆ, ಅದರ ಸಹಾಯದಿಂದ ನೀವು ಮನೆಯನ್ನು ಪ್ರವೇಶಿಸಿದ ನಕಾರಾತ್ಮಕ ಶಕ್ತಿಯನ್ನು ತೆಗೆದುಹಾಕಬಹುದು. ಹೌದು ನಿಮ್ಮ ಪ್ರಗತಿಯ ಮೇಲೆ ತಮ್ಮ ನಕಾರಾತ್ಮಕ ದೃಷ್ಟಿಯನ್ನು ಬೀರುವ ಜನರಿಂದ ಹೇಗೆ ತಪ್ಪಿಸಿಕೊಳ್ಳಬೇಕು ಎಂಬುದನ್ನು ನೋಡೋಣ…. 

ದಾಲ್ಚಿನ್ನಿಯ (Dalchini) ಪರಿಹಾರ 
ಪ್ರತಿ ತಿಂಗಳು ಬರುವ ಹುಣ್ಣಿಮೆಯ ದಿನದಂದು, ನೀವು ಮನೆಯ ಪ್ರವೇಶದ್ವಾರ ಮತ್ತು ಮನೆಯೊಳಗಿನ ನಾಲ್ಕು ಮೂಲೆಗಳಲ್ಲಿ ಒಂದು ಚಿಟಿಕೆ ದಾಲ್ಚಿನ್ನಿ ಪುಡಿಯನ್ನು ಚಿಮುಕಿಸಿ. ನೀವು ದಾಲ್ಚಿನ್ನಿ ಪುಡಿಯನ್ನು ನಿಮ್ಮ ಜೇಬಿನಲ್ಲಿ ಅಥವಾ ಚೀಲದಲ್ಲಿ ಇಟ್ಟುಕೊಳ್ಳಬಹುದು. ಇದು ದುಷ್ಟ ಕಣ್ಣಿನಿಂದ ರಕ್ಷಿಸುತ್ತದೆ.

ಪ್ರವೇಶದ್ವಾರದಲ್ಲಿ ಹೀಗೆ ಮಾಡಿ
ನಕಾರಾತ್ಮಕ ಶಕ್ತಿಯು ಮನೆಯನ್ನು ಪ್ರವೇಶಿಸಲು ಮುಖ್ಯ ಮಾರ್ಗವೆಂದರೆ ಮನೆಯ ಮುಖ್ಯ ದ್ವಾರ. ನೀವು ನಿಮ್ಮ ಮನೆಯ ಬಾಗಿಲನ್ನು ರಕ್ಷಿಸಬೇಕು. ದುಷ್ಟ ಶಕ್ತಿಯಿಂದ ರಕ್ಷಿಸಲು ಕುದುರೆಯ ಲಾಳವನ್ನು ತಲೆಕೆಳಗಾಗಿ ಮನೆಯ ಮುಖ್ಯ ದ್ವಾರದಲ್ಲಿ(Main door) ನೇತು ಹಾಕಿ. ಒಬ್ಬ ವ್ಯಕ್ತಿಯು ಕೆಟ್ಟ ಆಲೋಚನೆಯೊಂದಿಗೆ ನಿಮ್ಮ ಮನೆಯನ್ನು ಪ್ರವೇಶಿಸುತ್ತಿದ್ದರೆ, ಈ ಪರಿಹಾರವು ಅವನ ಎಲ್ಲಾ ನಕಾರಾತ್ಮಕತೆಯನ್ನು ಬಾಗಿಲ ಬಳಿ ನಿಲ್ಲಿಸುತ್ತದೆ.

ಸ್ಫಟಿಕಗಳನ್ನು ಬಳಸಿ
ಟೂರ್ಮಲೈನ್ (Tourmaline)ಜನರ ಅಸೂಯೆ ಮತ್ತು ಕೆಟ್ಟ ಶಕ್ತಿಯನ್ನು ನಿವಾರಿಸುವ ಸಾಮರ್ಥ್ಯವನ್ನು ಹೊಂದಿರುವ ಒಂದು ಶಕ್ತಿಯುತ ಸ್ಫಟಿಕವಾಗಿದೆ. ನೀವು ಅದನ್ನು ನಿಮ್ಮ ಎಡಗೈಯಲ್ಲಿ ಕಡಗದಂತೆ ಧರಿಸಬಹುದು.  ನೀವು ಈ ಸ್ಫಟಿಕವನ್ನು ಎಡ ಮಣಿಕಟ್ಟಿನ ಮೇಲೆ ಧರಿಸಿದಾಗ ಅದು ರಕ್ಷಣಾತ್ಮಕ ಬೀಜದಂತೆ ಕಾರ್ಯ ನಿರ್ವಹಿಸುತ್ತದೆ.

ಮಂತ್ರ ಪಠಣ :
ಮಂತ್ರವನ್ನು ಪಠಿಸುವ ಅಭ್ಯಾಸವನ್ನು ನಿಮ್ಮ ದೈನಂದಿನ ದಿನಚರಿಯ ಒಂದು ಭಾಗವಾಗಿಸಿಕೊಳ್ಳಿ. ನೀವು ಬೆಳಿಗ್ಗೆ ಮಂತ್ರಗಳನ್ನು ಪಠಿಸಿದಾಗ, ಅದರ ಪರಿಣಾಮವು ನಿಮ್ಮ ಮನೆಯೊಳಗೂ(House) ಇರುತ್ತದೆ. ಅಷ್ಟೇ ಅಲ್ಲ, ನಿಮ್ಮ ಸುತ್ತಲೂ ಧನಾತ್ಮಕ ಮತ್ತು ಬಲವಾಗಿರಲು ಪ್ರಾರಂಭಿಸುತ್ತದೆ.

ದುಷ್ಟ ಶಕ್ತಿಗಳು ಮನೆಯೊಳಗೆ ಪ್ರವೇಶಿಸುವುದನ್ನು ತಡೆಯುವ ಮತ್ತೊಂದು ಕ್ರಮವೆಂದರೆ ಉಪ್ಪನ್ನು(Salt) ಮ್ಯಾಟ್ ಕೆಳಗೆ ಇಡುವುದು. ನೀವು ಸೆಂಧಾ ಅಥವಾ ಸಮುದ್ರದ ಉಪ್ಪನ್ನು ತೆಗೆದುಕೊಂಡು ಗಾಳಿಯಾಡುವ ಚೀಲದಲ್ಲಿ ತುಂಬಿ. ಈಗ ಈ ಚೀಲವನ್ನು ಮನೆಯ ಡೋರ್ ಮ್ಯಾಟ್ ಕೆಳಗೆ ಇರಿಸಿ. ಇದನ್ನು ಮಾಡೋದ್ರಿಂದ, ನಕಾರಾತ್ಮಕ ಶಕ್ತಿಯು ಮನೆ ಪ್ರವೇಶಿಸುವ ಮೊದಲು ನಿಲ್ಲುತ್ತದೆ. ನೀವು ಪ್ರತಿ ಶನಿವಾರ ಉಪ್ಪನ್ನು ಬದಲಾಯಿಸುವುದನ್ನು ಮರೆಯಬೇಡಿ.