Bigg Boss ಕನ್ನಡ ಸ್ಪರ್ಧಿಗಳಿಗೆ ಒಂದೇ ಒಂದು ಫೋನ್​ಗೆ ಅವಕಾಶ: ಅಬ್ಬಬ್ಬಾ ಇಷ್ಟೊಂದು ರಾದ್ಧಾಂತನಾ?

ಬಿಗ್‌ಬಾಸ್ ಮನೆಯಲ್ಲಿ ಮೊಬೈಲ್ ಫೋನ್‌ಗೆ ಅವಕಾಶವಿಲ್ಲದಿದ್ದರೂ, ಒಂದು ವೇಳೆ ಒಂದೇ ಒಂದು ಫೋನ್ ಕೊಟ್ಟರೆ ಏನಾಗಬಹುದು ಎಂಬ ಚರ್ಚೆ ನಡೆದಿದೆ. ಗಿಲ್ಲಿ ನಟ ಆರಂಭಿಸಿದ ಈ ಚರ್ಚೆಯಲ್ಲಿ, ಸ್ಪರ್ಧಿಗಳು ಫೋನ್‌ಗಾಗಿ ಅದು ಒಡೆದು ಹೋಗುವವರೆಗೂ ಕಿತ್ತಾಡುತ್ತಾರೆ ಎಂಬ ಅಭಿಪ್ರಾಯ ವ್ಯಕ್ತವಾಗಿದೆ.

ಫೋನ್​ಗೆ ಅವಕಾಶವಿಲ್ಲ

ಬಿಗ್​ಬಾಸ್​​ ಮನೆಯಲ್ಲಿ ಮೊಬೈಲ್ ಫೋನ್​ಗೆ ಅವಕಾಶವಿಲ್ಲ. ಅಲ್ಲಿ ಇರುವವರೆಗೂ ಅದೆಷ್ಟೇ ಸೋಷಿಯಲ್​ ಮೀಡಿಯಾ ಇನ್​ಫ್ಲುಯೆನ್ಸರ್​ ಆಗಿದ್ರೂ ಅವುಗಳನ್ನು ಬದಿಗೊತ್ತಿ ಬಿಗ್​ಬಾಸ್​ನಲ್ಲಿ ಲೈಫ್​ ಲೀಡ್ ಮಾಡಬೇಕು.

ವೀಕ್ಷಕರಿಗೆ ಮನವಿ

ಬಿಗ್​ಬಾಸ್​​ಗೆ ಆಯ್ಕೆಯಾದ ಬಳಿಕ, ತಮ್ಮ ಸ್ನೇಹಿತರು, ಕುಟುಂಬಸ್ಥರಿಗೆ ಫೋನ್​ ಹ್ಯಾಂಡಲ್​ ಮಾಡಲು ಕೊಟ್ಟು ಬರುತ್ತಾರೆ ಸ್ಪರ್ಧಿಗಳು. ಇದೇ ಕಾರಣಕ್ಕೆ ಅವರು ಸ್ಪರ್ಧಿಗಳ ಅಸಲಿ ಖಾತೆಯಿಂದ ಬಿಗ್​ಬಾಸ್​​ ವೀಕ್ಷಕರಿಗೆ ಮನವಿ ಮಾಡಿಕೊಳ್ಳುತ್ತಿರುತ್ತಾರೆ.

ಫೋನ್​ ಕೊಟ್ಟುಬಿಟ್ಟರೆ

ಆದರೆ, ಒಂದು ವೇಳೆ ಬಿಗ್​ಬಾಸ್​ ಮನೆಯಲ್ಲಿ ಫೋನ್​ ಕೊಟ್ಟುಬಿಟ್ಟರೆ? ಒಂದೇ ಒಂದು ಫೋನ್​ ಕೊಟ್ಟರೆ ಏನು ಆವಾಂತರ ಆಗುತ್ತದೆ ಎನ್ನುವ ಬಗ್ಗೆ ಜೋರಾಗಿ ಚರ್ಚೆನಡೆದಿದೆ!

ಚರ್ಚೆ ಆರಂಭ

ಈ ಬಗ್ಗೆ ಗಿಲ್ಲಿ ನಟ (Bigg Boss Gilli Nata) ಚರ್ಚೆ ಆರಂಭಿಸಿದ್ದಾರೆ. ಒಂದು ವೇಳೆ ಒಂದೇ ಒಂದು ಫೋನ್​ ಕೊಟ್ಟು ಒಂದೇ ಒಂದು ಚಾರ್ಜರ್​ ಕೊಟ್ಟರೆ ಏನಾಗುತ್ತೆ ಎನ್ನುವ ಬಗ್ಗೆ ಈ ಚರ್ಚೆ.

ಫೋನ್​ಗಾಗಿ ಕಿತ್ತಾಟ

ಹೀಗೇನಾದರೂ ಆದರೆ ಬಿಗ್​ಬಾಸ್​ನ ಸ್ಪರ್ಧಿಗಳು ಎಲ್ಲಾ ವಿಷಯ ಬಿಟ್ಟು ಫೋನ್​ಗಾಗಿಯೇ ಕಿತ್ತಾಡಲು ಶುರು ಮಾಡುತ್ತಾರೆ ಎಂದು ಚರ್ಚಿಸಿದ್ದಾರೆ. ಒಬ್ಬ ರೀಲ್ಸ್​ ನೋಡ್ತಾ ಕೂತಿರ್ತಾನೆ. ಮತ್ತೊಬ್ಬನಿಗೆ ನಿದ್ದೆ ಬರದೇ ಸಿಟ್ಟು ಬರುತ್ತೆ. ಅಲ್ಲಿಂದ ಶುರುವಾಗುವ ಜಗಳ ತಾರಕಕ್ಕೇರುತ್ತೆ ಎಂದಿದ್ದಾರೆ ಗಿಲ್ಲಿ ನಟ. 

ಒಡೆದು ಹೋಗೋವರೆಗೂ

ನನಗೆ ಬೇಕು, ನಿನಗೇ ಬೇಕು ಎಂದು ಮೊಬೈಲ್​ ಫೋನ್​ ಕೆಳಕ್ಕೆ ಬಿದ್ದು ಒಡೆದು ಹೋಗುವವರೆಗೂ ಕಿತ್ತಾಟ ಶುರು ಮಾಡುತ್ತಾರೆ ಎಂದು ಗಿಲ್ಲಿ ನಟ ಹೇಳಿದ್ದಾರೆ.