ಊಟ ಮಾಡಿ ಆಟವಾಡುವ ವಯಸ್ಸಿನಲ್ಲಿ ಮಹಾನಗರಿಯಲ್ಲಿ ಸ್ವಂತ ಮನೆ ಖರೀದಿಸಿದ ಕಿರುತೆರೆ ನಟಿಯರಿವರು

ಈ ಕಿರುತೆರೆ ನಟಿಯರು ಚಿಕ್ಕ ವಯಸ್ಸಿನಲ್ಲಿಯೇ ಸ್ವಂತ ಮನೆ ಖರೀದಿಸಿದ್ದಾರೆ. ಅದು ಮಹಾನಗರದಲ್ಲಿ. ವರ್ಷಗಟ್ಟಲೇ ಒಂದೇ ಜಾಗದಲ್ಲಿ ವಾಸಿಸುತ್ತಿದ್ದರೂ ಎಲ್ಲರೂ ಈ ಸಾಧನೆ ಮಾಡಲು ಸಾಧ್ಯವಾಗುವುದಿಲ್ಲ. ಆದರೆ ನಮ್ಮ ಕಿರುತೆರೆ ನಟಿಯರಲ್ಲಿ ಅನೇಕರು ಮುಂಬೈನಲ್ಲಿ ಚಿಕ್ಕ ವಯಸ್ಸಿನಲ್ಲಿಯೇ ಮನೆ ತೆಗೆದುಕೊಂಡಿದ್ದಾರೆ. 

ಸುಂಬುಲ್ ತೌಕೀರ್ ಖಾನ್

ಸುಂಬುಲ್ ತೌಕೀರ್ ಖಾನ್ ಕೇವಲ 19 ನೇ ವಯಸ್ಸಿನಲ್ಲಿ ಸ್ವಂತ ಮನೆಯನ್ನು ಖರೀದಿಸಿದರು. ಅವರು ತಮ್ಮ ಮನೆಯ ವಿಡಿಯೋವನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಂಡಿದ್ದಾರೆ. ಅದು ತುಂಬಾ ಐಷಾರಾಮಿಯಾಗಿ ಕಾಣುತ್ತದೆ.

ಶಿವಾಂಗಿ ಜೋಶಿ

ಪ್ರಸಿದ್ಧ ಕಿರುತೆರೆ ನಟಿ ಶಿವಾಂಗಿ ಜೋಶಿ ಕೂಡ ಚಿಕ್ಕ ವಯಸ್ಸಿನಲ್ಲಿಯೇ ಮುಂಬೈನಲ್ಲಿ ಮನೆ ಖರೀದಿಸಿದರು. 'ಯೇ ರಿಶ್ತಾ ಕ್ಯಾ ಕೆಹ್ಲತಾ ಹೈ' ಧಾರಾವಾಹಿಯ ನೈರಾ ಆಗುವ ಮೂಲಕ ಅವರು ಕಿರುತೆರೆ ಜಗತ್ತಿನಲ್ಲಿ ಭಾರಿ ಛಾಪು ಮೂಡಿಸಿದರು. ಇತ್ತೀಚಿನ ದಿನಗಳಲ್ಲಿ ಅವರು 'ಬಡೇ ಅಚ್ಛೇ ಲಗ್ತೇ ಹೈ ನಯಾ ಸೀಸನ್'ನಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ.

ಆಶಿ ಸಿಂಗ್

ಪ್ರಸಿದ್ಧ ಕಿರುತೆರೆ ನಟಿ ಆಶಿ ಸಿಂಗ್ ಪ್ರಸ್ತುತ 'ಉಫ್ ಯೇ ಲವ್ ಹೈ ಮುಷ್ಕಿಲ್' ನಲ್ಲಿ ಕಾಣಿಸಿಕೊಂಡಿದ್ದಾರೆ. ಆಶಿ ಸಿಂಗ್ 25 ನೇ ವಯಸ್ಸಿನಲ್ಲಿ ಮುಂಬೈನಲ್ಲಿ ಸ್ವಂತ ಮನೆ ಖರೀದಿಸಿದ್ದಾರೆ.

ಜನ್ನತ್ ಜುಬೇರ್

ಜನ್ನತ್ ಜುಬೇರ್ ಒಬ್ಬ ನಟಿ ಮಾತ್ರವಲ್ಲದೆ ಸೋಶಿಯಲ್ ಮೀಡಿಯಾ ಇನ್‌ಫ್ಲೂಯೆನ್ಸರ್ ಕೂಡ ಹೌದು. ಅಭಯ ವ್ಯವಹಾರವನ್ನೂ ಪ್ರಾರಂಭಿಸಿದ್ದು, 21 ನೇ ವಯಸ್ಸಿನಲ್ಲಿ ಸ್ವಂತ ಮನೆಯನ್ನು ಖರೀದಿಸಿದರು.

ಅಶ್ನೂರ್ ಕೌರ್

ಬಾಲನಟಿಯಾಗಿ ಕಿರುತೆರೆಯಲ್ಲಿ ಪ್ರಸಿದ್ಧ ನಟಿಯಾಗಿ ಬೆಳೆದ ನಟಿ ಅಶ್ನೂರ್ ಕೌರ್, ಮುಂಬೈನಲ್ಲಿ ಐಷಾರಾಮಿ ಮನೆಯ ಒಡತಿಯೂ ಆಗಿದ್ದಾರೆ. ಕೇವಲ 19 ನೇ ವಯಸ್ಸಿನಲ್ಲಿ ಅವರು ಮುಂಬೈನಲ್ಲಿ ಸ್ವಂತ ಮನೆ ಕಟ್ಟಿದರು.

ರುಹಾನಿಕಾ ಧವನ್

'ಯೇ ಹೈ ಮೊಹಬ್ಬತೇ' ಧಾರಾವಾಹಿಯ ರೂಹಿ ಪಾತ್ರದಲ್ಲಿ ಎಲ್ಲರ ಹೃದಯ ಗೆದ್ದ ರುಹಾನಿಕಾ ಧವನ್, ಚಿಕ್ಕ ವಯಸ್ಸಿನಲ್ಲಿಯೇ ಕೋಟ್ಯಂತರ ರೂಪಾಯಿ ಮೌಲ್ಯದ ಮನೆಯ ಒಡತಿಯಾಗಿದ್ದಾರೆ. ಕೇವಲ 15 ನೇ ವಯಸ್ಸಿನಲ್ಲಿಯೇ ಅವರು ಸ್ವಂತ ಮನೆ ಖರೀದಿಸಿದರು.

ಅನುಷ್ಕಾ ಸೇನ್

ಅನುಷ್ಕಾ ಸೇನ್ ಕೇವಲ ಹಿಂದಿ ಧಾರಾವಾಹಿಗಳು ಅಥವಾ ಚಲನಚಿತ್ರಗಳಿಗೆ ಸೀಮಿತವಾಗಿಲ್ಲ, ಜೊತೆಗೆ ಕೊರಿಯನ್ ಸರಣಿಗಳಲ್ಲಿಯೂ ನಟಿಸುತ್ತಿದ್ದಾರೆ. ಇವರು 21 ನೇ ವಯಸ್ಸಿನಲ್ಲಿ ಮುಂಬೈನಲ್ಲಿ ಸ್ವಂತ ಮನೆಯನ್ನು ಸಹ ಖರೀದಿಸಿದರು.