ಬೆಂಗಳೂರು (ಡಿ.09): ಹೆಣ್ಮಕ್ಕಳ ವಿಚಾರದಲ್ಲಿ ಬಿಗ್ಬಾಸ್ ಯಾಕೆ ನಿರ್ಲಕ್ಷ್ಯ ಮಾಡ್ತಿದ್ದಾರೆ ಎಂಬ ಪ್ರಶ್ನೆ ಸಾರ್ವಜನಿಕ ವಲಯದಲ್ಲಿ ಉದ್ಭವವಾಗಿದೆ. ಬ್ರಿಟಿಷ್ ರಿಯಾಲಿಟಿ ಶೋ ನಲ್ಲಿ ಜಾತಿ ನಿಂದನೆಗೆ ಒಳಗಾಗಿದ್ದ ಶಿಲ್ಪಾ ಶೆಟ್ಟಿ ಟಾರ್ಗೆಟ್ ಆದಾಗಲೂ ಬಿಗ್ ಬ್ರದರ್ ರಕ್ಷಣೆಗೆ ಬರಲಿಲ್ಲ. ಈಗ ಕನ್ನಡ ಬಿಗ್ಬಾಸ್ ಸೀಸನ್ 10ರಲ್ಲಿ ಸಂಗೀತಾ ಶೃಂಗೇರಿ ಟಾರ್ಗೆಟ್ ಆಗಿದ್ದರೂ ಬಿಗ್ಬಾಸ್ ನಿರ್ಲಕ್ಷ್ಯ ಮಾಡಿದ್ದಾರಾ ಎಂಬ ಮಾತು ಕೇಳಿಬರುತ್ತಿದೆ.
ಪ್ರತಿಯೊಂದು ವೈಯಕ್ತಿಕ ವ್ಯಕ್ತಿತ್ದ ಕುರಿತ ರಿಯಾಲಿಟಿ ಶೋ ನಡೆಯುವಾಗಲೂ ಹೆಣ್ಣು ಮಕ್ಕಳು ಅಥವಾ ಮಹಿಳೆಯರು ಟಾರ್ಗೆಟ್ ಆದರೂ ಬಿಗ್ಬಾಸ್ ಕಾರ್ಯಕ್ರಮ ನಡೆಸಿ ಕೊಡುವವರು ಯಾಕೆ ರಕ್ಷಣೆಗೆ ಮುಂದಾಗುವುದಿಲ್ಲ ಎಂಬ ಮಾತು ಸಾರ್ವಜನಿಕ ವಲಯದಲ್ಲಿ ಕೇಳಿ ಬರುತ್ತಿದೆ.
211
ಲಂಡನ್ನಲ್ಲಿ 2007ರಲ್ಲಿ ಬ್ರಿಟೀಷ್ ರಿಯಾಲಿಟಿ ಶೋ ಬಿಗ್ ಬ್ರದರ್ ರಿಯಾಲಿಟಿ ಶೋನಲ್ಲಿ ಜೆಡ್ಗೂಡಿಯಿಂದ ಜಾತಿನಿಂದನೆಗೆ ಒಳಗಾದ ಶಿಲ್ಪಾಶೆಟ್ಟಿಯ ನೆರವಿಗೆ ಬಿಗ್ ಬ್ರದರ್ ಕೂಡ ಬರಲಿಲ್ಲ. ಆದೇ ರೀತಿ ಶೋಷಣೆಗೆ ಒಳಗಾದ ಸಂಗೀತಾ ಶೃಂಗೇರಿ ನೆರವಿಗೆ ಇಂದಿನ ಬಿಗ್ಬಾಸ್ ಕೂಡ ಬರಲಿಲ್ಲ.
311
ಕೊನೆಗೆ ಬಿಗ್ ಬ್ರದರ್ ರಿಯಾಲಿಟಿ ಶೋನಲ್ಲಿ ಎಲ್ಲವನ್ನು ಸಹಿಸಿಕೊಂಡಿದ್ದ ಶಿಲ್ಪಾ ಶೆಟ್ಟಿ ಅವರು ತಮ್ಮ 32ನೇ ವಯಸ್ಸಿನಲ್ಲಿ ಅಂತಾರಾಷ್ಟ್ರೀಯ ಮಟ್ಟದ ಸೆಲೆಬ್ರಿಟಿಗಳ ರಿಯಾಲಿಸಿ ಶೋನಲ್ಲಿ ಗೆದ್ದು ಬಂದು ಇಡೀ ದೇಶಕ್ಕೆ ಕೀರ್ತಿ ತಂದಿದ್ದರು. ಈ ಶೋ ಅವರಿಗೆ ಹೆಚ್ಚಿ ಪ್ರಸಿದ್ಧಿಯನ್ನೂ ತಂದುಕೊಟ್ಟಿತ್ತು.
411
ಶಿಲ್ಪಾಶೆಟ್ಟಿಗೆ ಮಾಡಿದ ಜನಾಂಗೀಯ ನಿಂದನೆ ಸೇರಿದಂತೆ ಬ್ರಿಟಿಷ್ ರಿಯಾಲಿಟಿ ಶೋ ಬಿಗ್ ಬ್ರದರ್ನಲ್ಲಿ ನಡೆದ ಕೆಲವು ಘಟನೆಗಳಿಂದ ಸಂಪೂರ್ಣವಾಗಿ ರಿಯಾಲಿಟಿ ಶೋ ಸ್ಥಗಿತಗೊಳಿಸಲಾಗಿದೆ.
511
ಬ್ರಿಟೀಷ್ ಬಿಗ್ ಬ್ರದರ್ ಮಾದರಿಯಲ್ಲಿಯೇ ಭಾರತದಲ್ಲಿ ಬಿಗ್ಬಾಸ್ ರಿಯಾಲಿಟಿ ಶೋ ನಡೆಯುತ್ತಿದ್ದು, ಹಿಂದಿಯಲ್ಲಿ 17 ಸೀಸನ್ಗಳು ನಡೆಯುತ್ತಿದೆ. ಕನ್ನಡದಲ್ಲಿ 10ನೇ ಸೀಸನ್ ನಡೆಯುತ್ತಿದೆ.
611
711
ಕಲರ್ಸ್ ಕನ್ನಡ ವಾಹಿನಿಯಲ್ಲಿ ನಡೆಯುತ್ತಿರುವ ಬಿಗ್ಬಾಸ್ ಕನ್ನಡ ರಿಯಾಲಿಟಿ ಶೋ 10ರಲ್ಲಿ ಈ ವಾರ ಸ್ಪರ್ಧಿಗಳನ್ನು ಗಂಧರ್ವರು ಹಾಗೂ ರಾಕ್ಷಸರು ಎಂದು ಎರಡು ಗುಂಪುಗಳಾಗಿ ವಿಂಗಡಿಸಿ ಟಾಸ್ಕ್ಗಳನ್ನು ನೀಡಲಾಗಿತ್ತು. ಆದರೆ ಟಾಸ್ಕ್ ವೇಲೆ ಸಂಗೀತಾ ಶೃಂಗೇರಿ ಹಾಗೂ ಡ್ರೋನ್ ಪ್ರತಾಪ್ ಗಾಯಗೊಂಡು ಚಿಕಿತ್ಸೆ ಪಡೆದು ಪುನಃ ಮನೆಗೆ ವಾಪಸ್ ಬಂದಿದ್ದಾರೆ.
811
ಮುಖ್ಯವಾಗಿ ಇದರಲ್ಲಿ ಡ್ರೋನ್ ಪ್ರತಾಪ್ ಅವರಿಗಿಂತಲೂ ಹೆಚ್ಚಾಗಿ ಸಂಗೀತಾ ಶೃಂಗೇರಿ ಅವರನ್ನು ಟಾರ್ಗೆಟ್ ಮಾಡಿ ಇಲ್ಲಿ ಹಿಂಸೆ ಮಾಡಲಾಗಿರುವುದು ಮೇಲ್ನೋಟಕ್ಕೆ ಹೆಚ್ಚಾಗಿ ಕಂಡುಬರುತ್ತಿದೆ.
911
ಬಿಗ್ಬಾಸ್ ಮನೆಯಲ್ಲಿ ರಾಕ್ಷಸರ ಗುಂಪಿಗೆ ಸೇರಿದವರು ಕುರ್ಚಿಯಲ್ಲಿ ಕೂತಿದ್ದ ಗಂಧರ್ವರ ಗುಂಪಿನ ಸಂಗೀತಾ ಹಾಗೂ ಡ್ರೋನ್ ಪ್ರತಾಪ್ ಅವರನ್ನು ಎಬ್ಬಿಸಲು ಸೋಪು, ಡೆಟಾಲ್, ಖಾರದ ಪುಡಿ ಇನ್ನಿತರೆ ರಾಸಾಯನಿಕ ಬೆರೆಸಿದ ನೀರನ್ನು ಸತತವಾಗಿ ಮತ್ತು ಬಲವಾಗಿ ಮುಖಕ್ಕೆ ಎರಚಲಾಗಿದೆ. ರಾಸಾಯನಿಕಯುಕ್ತ ನೀರು ಸಂಗೀತಾ ಕಣ್ಣು, ಮೂಗು ಹಾಗೂ ಬಾಯಿಗೆ ಹೋಗಿ ತೀವ್ರ ಸಮಸ್ಯೆಯಾಗಿದೆ.
1011
ಮೊದಲೇ ಕಣ್ಣಿನ ಸಮಸ್ಯೆಯನ್ನು ಅನುಭವಿಸುತ್ತಿರುವ ಸಂಗೀತಾ ಶೃಂಗೇರಿ ಅವರು ಮೊದಲಿನಿಂದಲೂ ಕನ್ನಡಕವನ್ನು ಬಂಸುತ್ತಿದ್ದಾರೆ. ಹೀಗಿರುವಾಗ ರಾಕ್ಷಸರ ಗುಂಪು ಒಂದು ಹೆಣ್ಣನ್ನು ಟಾರ್ಗೆಟ್ ಮಾಡಿದರೂ ಯಾಕೆ ಬಿಗ್ಬಾಸ್ ಬೇಗನೇ ತಡೆಯಲಿಲ್ಲ ಎನ್ನುವುದು ಚರ್ಚೆಗೆ ಗ್ರಾಸವಾಗಿದೆ.
1111
ಬಿಗ್ ಬಾಸ್ ಮನೆ ಸುರಕ್ಷತೆಯ ಸ್ವರ್ಗ ಎಂದು ಹೇಳಲಾಗುತ್ತಿತ್ತು. ಸಂಗೀತಾ ಶೃಂಗೇರಿ ಮೇಲೆ ನಡೆದ ಘಟನೆಯಿಂದ ಇದು ಆಕ್ರಮಣ ಮತ್ತು ಹಿಂಸೆಯ ಅಖಾಡವಾಗಿ ಮಾರ್ಪಟ್ಟಿದೆ ಎಂದು ಜನರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ಕನ್ನಡ ಸಿನಿಮಾ (Kannada Cinema News), ಟಿವಿ ಕಾರ್ಯಕ್ರಮಗಳು (Kannada TV Shows), ಸೆಲೆಬ್ರಿಟಿ ಸುದ್ದಿಗಳು ಮತ್ತು ಇತ್ತೀಚಿನ ಸುದ್ದಿಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ನಲ್ಲಿ ಮನರಂಜನಾ ವಿಭಾಗ ನೋಡಿ. ಸಿನಿಮಾ ವಿಮರ್ಶೆಗಳು (Kannada Movies Review), ತಾರೆಯರ ಸಂದರ್ಶನಗಳು, ಧಾರಾವಾಹಿ ಅಪ್ಡೇಟ್ಸ್, ತೆರೆಮರೆಯ ಕಥೆಗಳು, OTT ರಿಲೀಸ್ಗಳ ಬಗ್ಗೆ ಮಾಹಿತಿಯೂ ಇಲ್ಲಿದೆ.
