Naa Ninna Bidalaare: ಲೇ ದೆವ್ವಾ, ಗಂಡನ ಬೆಡ್​ರೂಮ್​ ಬಿಟ್ಟು ಹೋಗಮ್ಮಾ, ಅಲ್ಲಿ ನಿನ್ನ ಮಗಳು ಹಿತಾ ಪ್ರಾಣ ಹೋಗ್ತಿದೆ!

'ನಾ ನಿನ್ನ ಬಿಡಲಾರೆ' ಧಾರಾವಾಹಿಯಲ್ಲಿ, ಮಾಳವಿಕಾ ತಾಂತ್ರಿಕನ ಸಹಾಯದಿಂದ ಹಿತಾಳ ಪ್ರಾಣ ತೆಗೆಯಲು ಮಾಯಾವಿ ಬ್ರೇಸ್​​ಲೈಟ್​ ಬಳಸಿ ಸಂಚು ರೂಪಿಸಿದ್ದಾಳೆ. ಹಿತಾಳ ರಕ್ಷಣಾ ಸರ ಹರಿದಿರುವುದು ಅಕ್ಕ ಅಂಬಿಕಾ ಆತ್ಮಕ್ಕೆ ತಿಳಿಯದ ಕಾರಣ, ಮಗಳ ಪ್ರಾಣಕ್ಕೆ ಕುತ್ತು ಬಂದಿದೆ.

ಅಕ್ಕ-ತಂಗಿ ಮಿಲನ

ನಾ ನಿನ್ನ ಬಿಡಲಾರೆ (Naa Ninna Bidalaare) ಸೀರಿಯಲ್​ನಲ್ಲಿ ಸದ್ಯ ಅಂಬಿಕಾ ಆತ್ಮ ಮತ್ತೆ ದುರ್ಗಾಳಿಗೆ ಕಾಣಿಸಿಕೊಳ್ಳುತ್ತಿದೆ. ಶರತ್​ ಮತ್ತು ದುರ್ಗಾ ಮರುಮಾಂಗಲ್ಯಧಾರಣೆ ಆಗುತ್ತಿದ್ದಂತೆಯೇ ಮತ್ತು ಅಂಬಿಕಾ ದುರ್ಗಾಗೆ ಕಾಣಿಸಿಕೊಳ್ತಿದ್ದಾಳೆ.

ದೆವ್ವ ಬೆಡ್​ರೂಮ್​ನಲ್ಲಿ

ಆದರೆ ಸದಾ ಈ ಆತ್ಮ, ದುರ್ಗಾ ಮತ್ತು ಶರತ್​ ಮಧ್ಯೆಯೇ ಇರುವುದಕ್ಕೆ ನೆಟ್ಟಿಗರು ಸದಾ ತಮಾಷೆ ಮಾಡುತ್ತಲೇ ಇರುತ್ತಾರೆ. ಈ ದೆವ್ವದ ಕಾಟದಲ್ಲಿ, ಗಂಡ-ಹೆಂಡತಿ ಒಂದು ಆಗೋದೇ ಇಲ್ಲ. ಯಾವಾಗ್ಲೂ ಬೆಡ್​ರೂಮ್​ನಲ್ಲೇ ಬಂದು ನಿಲ್ಲುತ್ತಾಳೆ ಎಂದು.

ತಾಂತ್ರಿಕನ ಮೊರೆ

ಇದೀಗ ಹಿತಾಳ ಪ್ರಾಣವನ್ನು ತೆಗೆದು ಸರ್ವಶಕ್ತಿಯನ್ನು ಪಡೆಯುವ ಉದ್ದೇಶದಿಂದ ಮಾಳವಿಕಾ ಮತ್ತೆ ತಾಂತ್ರಿಕನ ಮೊರೆ ಹೋಗಿದ್ದಾಳೆ. ಈ ಹಿಂದೆ ಮಾಡಿದ್ದ ಪ್ಲ್ಯಾನ್​ ಎಲ್ಲವೂ ಠುಸ್​ ಆಗಿದೆ. ಆದರೆ ಈ ಬಾರಿ ಆಕೆ ಬೇರೆಯದ್ದೇ ತಂತ್ರ ಹೂಡಿದ್ದಾಳೆ.

ಹರಿದ ಸರ

ಹಿತಾಳ ರಕ್ಷಣೆಗೆ ಇದ್ದ ಸರ ಹರಿದು ಹೋಗಿದೆ. ಅದು ಅಮ್ಮ ಅಂಬಿಕಾಗೂ ಗೊತ್ತಿಲ್ಲ. ಇದನ್ನೇ ಬಂಡವಾಳ ಮಾಡಿಕೊಂಡು ಮಾಳವಿಕಾ, ಮಾಯಾ ಬ್ರೇಸ್​ಲೈಟ್​ ತಂದಿದ್ದಾಳೆ.

ಮಾಯಾವಿ ಬ್ರೇಸ್​​ಲೈಟ್​

ಅಪ್ಪ-ಅಮ್ಮನ ಸ್ಪರ್ಧೆಯಲ್ಲಿ ಶರತ್​ ಮತ್ತು ದುರ್ಗಾ ಗೆದ್ದ ಕಾರಣ, ಆಕೆ ತುಂಬಾ ಖುಷಿಯಾಗಿದ್ದಾಳೆ. ಇದೇ ಖುಷಿಯನ್ನು ಇಮ್ಮಡಿ ಮಾಡುವುದಾಗಿ ಹೇಳಿದ ಮಾಳವಿಕಾ ಅವಳಿಗೆ ಬ್ರೇಸ್​​ಲೈಟ್​ ಹಾಕಿದ್ದಾಳೆ.

ಬೆಡ್​​ರೂಮ್​ ಬಿಟ್ಟುಹೋಗು

ಇದು ಮಾಯಾವಿ ಬ್ರೇಸ್​​ಲೈಟ್​ ಆಗಿರೋ ಕಾರಣ, ಹಿತಾಳ ಪ್ರಾಣಕ್ಕೆ ಕುತ್ತು ಬಂದಿದೆ. ಆದರೆ ಇದು ಅಂಬಿಕಾಗೆ ಗೊತ್ತಾಗೇ ಇಲ್ಲ. ಆದ್ದರಿಂದ ಗಂಡನ ಬೆಡ್​ರೂಮ್​ ಬಿಟ್ಟು ಮಗಳ ಕಡೆ ಸ್ವಲ್ಪ ಗಮನ ಕೊಡು ಎಂದು ನೆಟ್ಟಿಗರು ತಮಾಷೆ ಮಾಡುತ್ತಿದ್ದಾರೆ.

ಮುಂದೇನು?

ಸದ್ಯ ಹಿತಾಳ ಪ್ರಾಣಕ್ಕೆ ಸಂಚಕಾರ ಇದೆ. ಮುಂದೇನಾಗುತ್ತೋ ಎನ್ನುವುದು ನೋಡಬೇಕಿದೆ. ದೈವೀ ಶಕ್ತಿಯ ಮುಂದೆ ಕಾಲಾ ಜಾದೂ ಸೋಲುತ್ತಾ ಬಂದಿದೆ. ಈಗೇನಾಗುತ್ತೋ ನೋಡಬೇಕಿದೆ.