Lakshmi Nivasa: ಜಯಂತ್ ಈಗ ಮಾಸ್ಕ್​ಮ್ಯಾನ್​! ಚಿನ್ನುಮರಿ ಕಥೆ ಫಿನಿಷ್​? ವಿಶ್ವನ ಪ್ರಾಣಕ್ಕೂ ಕಂಟಕ

ಲಕ್ಷ್ಮೀ ನಿವಾಸ ಧಾರಾವಾಹಿಯಲ್ಲಿ, ಜಾಹ್ನವಿ ಬದುಕಿರುವ ಸತ್ಯ ತಿಳಿದ ಜಯಂತ್ ಆಕೆಯನ್ನು ಹುಡುಕಲು ಮಾಸ್ಕ್ ಧರಿಸಿ ಚಿತ್ರಮಂದಿರಕ್ಕೆ ಬರುತ್ತಾನೆ. ಅಲ್ಲಿ ಜಾಹ್ನವಿಯನ್ನು ನೋಡಿದಾಗ, ಈ ವಿಷಯ ವಿಶ್ವನಿಗೆ ತಿಳಿದು ಆತಂಕಗೊಳ್ಳುತ್ತಾನೆ.   ವಿಶ್ವನು ಜಾಹ್ನವಿಯನ್ನು ರಕ್ಷಿಸುತ್ತಾನಾ ಎಂಬುದು ಕಥೆಯ ರೋಚಕ ತಿರುವು.

ರೋಚಕ ಟ್ವಿಸ್ಟ್​

ಲಕ್ಷ್ಮೀ ನಿವಾಸ (Lakshmi Nivasa) ಇದೀಗ ಭಾರಿ ರೋಚಕ ಟ್ವಿಸ್ಟ್​ ಪಡೆದುಕೊಂಡಿದೆ. ಜಾಹ್ನವಿ ಬದುಕಿದ್ದಾಳೆ ಎನ್ನುವ ಸತ್ಯ ತಿಳಿಯುತ್ತಲೇ ಜಯಂತ್​ ಆಕೆಯನ್ನು ಹುಡುಕಲು ಜನರನ್ನು ಬಿಟ್ಟಿದ್ದ. ಅವಳ ಬಳೆ ಮನೆಯಲ್ಲಿ ಸಿಕ್ಕಿದ್ದರಿಂದ ಜಾಹ್ನವಿ ಬದುಕಿದ್ದಾಳೆ ಎನ್ನುವುದು ಅವನಿಗೆ ತಿಳಿದಿತ್ತು.

ಜಯಂತ್​ಗೆ ಸತ್ಯದ ಅರಿವು

ಅದೇ ರೀತಿ ವಿಶ್ವ ಆಕೆಯನ್ನು ರಕ್ಷಿಸ್ತಿರೋ ವಿಷಯವೂ ಜಯಂತ್​ಗೆ ಅರಿವಾಗಿತ್ತು. ವಿಶ್ವನನ್ನು ಮನೆಗೆ ಕರೆಸಿ ಬಾಯಿ ಬಿಡಿಸಲು ನೋಡಿದ್ದ. ಆದರೆ ವಿಶ್ವ ಜಯಂತ್​ಗೇ ಚಾಲೆಂಜ್​ ಹಾಕಿ ಹೋಗಿದ್ದ.

ವಿಶ್ವನ ಚಾಲೆಂಜ್​

ಜಾಹ್ನವಿ ಬದುಕಿದ್ದಾಳೆ. ತಾಕತ್ತು ಇದ್ದರೆ ನೀನೇ ಹುಡುಕು ನೋಡುವ ಎಂದು ಚಾಲೆಂಜ್​ ಹಾಕಿದ್ದ. ಹೇಳಿಕೇಳಿ ಸೈಕೋ ಈತ, ಬಿಡ್ತಾನಾ? ಪತ್ನಿಯನ್ನು ಹುಡುಕಿಸಲು ಏನೇನು ಬೇಕೋ ಎಲ್ಲವನ್ನೂ ಮಾಡಿದ್ದ.

ಮಾಸ್ಕ್​ಮ್ಯಾನ್​

ಇದೀಗ ಸಿನಿಮಾ ಒಂದನ್ನು ನೋಡಲು ಜಾಹ್ನವಿ ಮತ್ತು ವಿಶ್ವ ಬರುವ ಸುದ್ದಿ ತಿಳಿಯುತ್ತಲೇ ಶಾಂತಮ್ಮನ ಜೊತೆ ಮಾಸ್ಕ್​ಮ್ಯಾನ್​ ಆಗಿ ಬಂದಿದ್ದಾನೆ ಜಯಂತ್​. ಅಷ್ಟರಲ್ಲಿ ಜಾಹ್ನವಿ ಎದ್ದು ಹೋದಾಗ ಜಯಂತ್​ ಆಕೆಯನ್ನು ನೋಡಿದ್ದಾನೆ.

ವಿಶ್ವನಿಗೆ ವಿಷಯ

ಇತ್ತ ಶಾಂತಮ್ಮ ಓಡಿ ಹೋಗಿ ವಿಶ್ವನಿಗೆ ವಿಷಯ ತಿಳಿಸಿದ್ದಾಳೆ. ಜಾಹ್ನವಿಯನ್ನು ಹುಡುಕಿ ಜಯಂತ್​ ಬಂದಿರುವುದಾಗಿ ಅವಳು ಹೇಳಿದ್ದಾಳೆ. ವಿಶ್ವನಿಗೆ ಗಾಬರಿಯಾಗಿದೆ.

ರಕ್ಷಿಸ್ತಾನಾ ವಿಶ್ವ?

ಜಯಂತ್​ ಕಣ್ಣಿನಿಂದ ಜಾಹ್ನವಿಯನ್ನು ರಕ್ಷಿಸ್ತಾನಾ ವಿಶ್ವ? ಜಯಂತ್​ ಅಂತೂ ಚಿನ್ನುಮರಿಯನ್ನು ನೋಡಿಯಾಗಿದೆ. ಅವನು ಸುಮ್ನೆ ಬಿಡ್ತಾನಾ? ಮುಂದೇನು ಎನ್ನುವುದು ಸದ್ಯಕ್ಕಿರುವ ಕುತೂಹಲ