Karna Serial: ಎಷ್ಟು ಕ್ಯೂಟ್​ರೀ ನಿಮ್​ ಜೋಡಿ, ಕಣ್ಣು ಬೀಳಬಾರದೆಂದು ಟಿವಿ ಪರದೆಗೇ ದೃಷ್ಟಿ ತೆಗೆದುಬಿಟ್ಟೆ ಕಣ್ರೀ!

ಕರ್ಣ ಸೀರಿಯಲ್​ನಲ್ಲಿ ಪ್ರವಾಸಕ್ಕೆ ತೆರಳಿರುವ ನಿಧಿ ಮತ್ತು ಕರ್ಣರ ಬ್ಯಾಗ್ ಅದಲು ಬದಲಾಗುತ್ತದೆ. ಕರ್ಣನ ಷರ್ಟ್ ಧರಿಸಿ ನಿಧಿ ಖುಷಿಪಡುತ್ತಿರುವಾಗ, ಇಬ್ಬರ ರೊಮ್ಯಾಂಟಿಕ್ ಕ್ಷಣದ ಮಧ್ಯೆ ನಿತ್ಯಾ ಬಂದು ಬಾಗಿಲು ತಟ್ಟುತ್ತಾಳೆ. ಆಗ ಕರ್ಣ ಬಾತ್​ರೂಮ್​ನಲ್ಲಿ ಅಡಗಿಕೊಳ್ಳುತ್ತಾನೆ.

ನಿಧಿ-ಕರ್ಣ ರೊಮಾನ್ಸ್​

ಕರ್ಣ ಸೀರಿಯಲ್​ (Karna Serial) ನಲ್ಲಿ ಇದೀಗ ನಿಧಿ ಮತ್ತು ಕರ್ಣನ ರೊಮಾನ್ಸ್​ ಶುರುವಾಗಿದೆ. ನಿಧಿ ಮತ್ತು ನಿತ್ಯಾ ಒಂದು ಕೋಣೆಯಲ್ಲಿ ಹಾಗೂ ಎರಡು ಪ್ರತ್ಯೇಕ ಕೋಣೆಗಳಲ್ಲಿ ತೇಜಸ್​ ಮತ್ತು ಕರ್ಣ ರೂಮ್​ ಮಾಡಿಕೊಂಡು ಪ್ರವಾಸದ ಮೂಡ್​ನಲ್ಲಿದ್ದಾರೆ.

ಬ್ಯಾಗ್​ ಎಕ್ಸ್​ಚೇಂಜ್​

ನಿಧಿ ಮತ್ತು ಕರ್ಣನ ಬ್ಯಾಗ್​ ಎಕ್ಸ್​ಚೇಂಜ್​ ಆಗಿಬಿಟ್ಟಿದೆ. ಕರ್ಣ ಬೇಕಂತನೇ ಈ ರೀತಿ ಮಾಡಿದ್ದಾನೆ ಎಂದು ಆತನ ಷರ್ಟ್​ ಹಾಕಿಕೊಂಡು ಖುಷಿ ಪಡುತ್ತಿದ್ದಾಳೆ ನಿಧಿ.

ಕರ್ಣನ ಷರ್ಟ್​

ಅತ್ತ ಕರ್ಣ ಬ್ಯಾಗ್​ ತೆಗೆದುಕೊಂಡು ಬಂದಾಗ, ನಿಧಿ ತನ್ನ ಷರ್ಟ್​ ಹಾಕಿಕೊಂಡಿದ್ದನ್ನು ನೋಡಿ ಖುಷಿಪಟ್ಟುಕೊಂಡಿದ್ದಾನೆ. ಹೀಗೆ ಇವರಿಬ್ಬರ ರೊಮಾನ್ಸ್​ ನಡೆದಿದೆ. ಒಬ್ಬರಿಗೊಬ್ಬರು ನೋಡುವುದರಲ್ಲಿಯೇ ಕಳೆದು ಹೋಗಿದ್ದಾರೆ.

ನಿಧಿ-ಕರ್ಣನಿಗೆ ಪೇಚಾಟ

ಅಷ್ಟರಲ್ಲಿ ನಿತ್ಯಾ ಬಂದು ಬಾಗಿಲು ಬಡಿದಿದ್ದಾಳೆ. ಒಳಗಡೆಯಿಂದ ಲಾಕ್​ ಹಾಕಿರೋ ನಿಧಿ ಮತ್ತು ಕರ್ಣನಿಗೆ ಏನು ಮಾಡಬೇಕು ಎಂದೇ ತಿಳಿಯದಾಗಿದೆ. ಕರ್ಣನನ್ನು ಬಾತ್​ರೂಮ್​ ಒಳಗೆ ದಬ್ಬಿ ನಿಧಿ ಡೋರ್​ ಓಪನ್​ ಮಾಡಲು ಹೋಗಿದ್ದಾಳೆ.

ನಿತ್ಯಾ ಬಂದೇ ಬಿಟ್ಟಳು!

ಷರ್ಟ್​ ಮೇಲೆ ಟವಲ್​ ಸುತ್ತುಕೊಂಡು ನಿತ್ಯಾಗೆ ಡೌಟ್​ ಬರದ ಹಾಗೆ, ಬಾಗಿಲು ತೆರೆದಿದ್ದಾಳೆ. ಅಕ್ಕಳನ್ನು ಹೇಗಾದರೂ ಅಲ್ಲಿಂದ ಸಾಗ ಹಾಕುವ ಪ್ಲ್ಯಾನ್​ ಮಾಡಿದ್ರೆ ನಿತ್ಯಾ ನೇರವಾಗಿ ಒಳಗೇ ಬಂದುಬಿಟ್ಟಿದ್ದಾಳೆ.

ಟಿವಿ ಪರದೆಗೆ

ಇವುಗಳ ನಡುವೆಯೇ, ನಿಧಿ ಮತ್ತು ಕರ್ಣನ ಮುದ್ದಾದ ರೊಮಾನ್ಸ್​ಗೆ ನೆಟ್ಟಿಗರು ಫಿದಾ ಆಗಿದ್ದಾರೆ. ನಿಮ್ಮ ಜೋಡಿ ಸಕತ್​ ಕ್ಯೂಟ್​, ಯಾರ ಕಣ್ಣೂ ಬೀಳದಿರಲಿ ಎಂದು ಕೆಲವರು ಹೇಳಿದ್ರೆ, ನೇರವಾಗಿ ನಿಮ್ಮ ದೃಷ್ಟಿ ತೆಗೆಯಲು ಆಗಲ್ಲ ಎಂದು ಟಿವಿ ಪರದೆಗೇ ದೃಷ್ಟಿ ತೆಗೆದೆ ಎಂದೂ ಕಮೆಂಟ್​ ಹಾಕಿದ್ದಾರೆ.