Bigg Bossನಲ್ಲಿ 10 ಪಟ್ಟು ಹೆಚ್ಚು ಸಂಭಾವನೆ ಸಿಕ್ಕಿದ್ದು ನಿಜ: ರಜತ್, ಚೈತ್ರಾ​ ಕುಂದಾಪುರ ರಿವೀಲ್​ ಮಾಡಿದ್ದೇನು?

ಬಿಗ್​ಬಾಸ್​ ಸೀಸನ್​ 12ಕ್ಕೆ ಅತಿಥಿಗಳಾಗಿ ಪ್ರವೇಶಿಸಿದ್ದ ರಜತ್​ ಮತ್ತು ಚೈತ್ರಾ ಕುಂದಾಪುರ ಇದೀಗ ಮನೆಯಿಂದ ಹೊರಬಂದಿದ್ದಾರೆ. ತಮ್ಮ ಎರಡನೇ ಬಾರಿಯ ಬಿಗ್​ಬಾಸ್​ ಅನುಭವವನ್ನು ಹಂಚಿಕೊಂಡ ಅವರು, ಸೀಸನ್ 11 ಕ್ಕಿಂತ 10 ಪಟ್ಟು ಹೆಚ್ಚು ಸಂಭಾವನೆ ಪಡೆದಿರುವುದಾಗಿ ರಜತ್ ಬಹಿರಂಗಪಡಿಸಿದ್ದಾರೆ.

ರಜತ್​ ಮತ್ತು ಚೈತ್ರಾ ಕುಂದಾಪುರ

ಬಿಗ್​ಬಾಸ್​ ಸೀಸನ್​ 12 (Bigg Boss Season 12)ರಲ್ಲಿ ವೈಲ್ಡ್​ಕಾರ್ಡ್​ ಮೂಲಕ ಎಂಟ್ರಿ ಕೊಟ್ಟಿದ್ದ 11ನೇ ಸೀಸನ್​ ಸ್ಪರ್ಧಿಗಳಾದ ರಜತ್​ ಮತ್ತು ಚೈತ್ರಾ ಕುಂದಾಪುರ ಇದೀಗ ಹೊರಕ್ಕೆ ಬಂದಿದ್ದಾರೆ. ಅತಿಥಿಗಳಾಗಿ ಮೂರು ವಾರ ಇದ್ದ ಅವರು ಇದೀಗ ಮನೆಯಿಂದ ಹೊರಕ್ಕೆ ಬಂದಿದ್ದಾರೆ.

ಬಿಗ್​ಬಾಸ್​​ ಅನುಭವ

ಎರಡನೆಯ ಬಾರಿ ಬಿಗ್​ಬಾಸ್​ ಮನೆ ಪ್ರವೇಶ ಮಾಡಿರುವ ಕುರಿತಂತೆ ಅವರು ಮಾಧ್ಯಮಗಳ ಜೊತೆ ತಮ್ಮ ಅನುಭವವನ್ನು ಹಂಚಿಕೊಂಡಿದ್ದಾರೆ. ಅಲ್ಲಿ ಯಾರು ಹೇಗೆ ಆಡುತ್ತಿದ್ದಾರೆ, ಯಾರು ಗೆಲ್ಲಬೇಕು, ಯಾರು ಟಾಪ್​ 5 ಎನ್ನುವ ಇತ್ಯಾದಿಗಳ ಕುರಿತು ಮಾಹಿತಿ ಹಂಚಿಕೊಂಡಿದ್ದಾರೆ.

ವಿನ್ನರ್​ ಯಾರು?

ಚೈತ್ರಾ ಕುಂದಾಪುರ ಗಿಲ್ಲಿ ನಟ, ರಕ್ಷಿತಾ, ಅಶ್ವಿನಿ ಗೌಡ, ಕಾವ್ಯಾ ಸೇರಿದಂತೆ ಕೆಲವರ ಹೆಸರನ್ನು ಫೈನಲಿಸ್ಟ್​ನಲ್ಲಿ ತೆಗೆದುಕೊಂಡಿದ್ದರೆ, ರಜತ್​ ಮಾತ್ರ ಜಾಣ್ಮೆಯಿಂದ ಉತ್ತರಿಸಿದ್ದು, ಎಲ್ಲರೂ ಚೆನ್ನಾಗಿ ಆಡ್ತಿದ್ದಾರೆ. ಯಾರು ಚೆನ್ನಾಗಿ ಆಡುತ್ತಾರೋ ಅವರು ಬರಲಿ ಎಂದಿದ್ದಾರೆ. ವಿನ್ನರ್​ (Bigg Boss 12 Kannada winner) ಜನರ ಮೇಲಿದೆ. ಚೆನ್ನಾಗಿ ಆಡುವವರು ಬರಲಿ ಎಂದಿದ್ದಾರೆ.

10 ಪಟ್ಟು ಹೆಚ್ಚು ನಿಜ

ಇದೇ ವೇಳೆ ಇಬ್ಬರಿಗೂ ಸಂಭಾವನೆ ಬಗ್ಗೆ ಪ್ರಶ್ನೆ ಕೇಳಲಾಗಿದೆ. ಅದಕ್ಕೆ ರಜತ್​ (Bigg Boss Rajath) ಅವರು ಸಂಭಾವನೆ ಎಷ್ಟು ಎಂದು ಹೇಳದಿದ್ದರೂ 11ನೇ ಸೀಸನ್​ಗಿಂತಲೂ 10 ಪಟ್ಟು ಹೆಚ್ಚು ಸಂಭಾವನೆ ಸಿಕ್ಕಿರೋದು ನಿಜ ಎಂದು ಹೇಳಿದ್ದಾರೆ. ತಮಗೆ ಹಿಂದಿನ ಸೀಸನ್​ನಲ್ಲಿ ತುಂಬಾ ಕಡಿಮೆ ಸಂಭಾವನೆ ಸಿಕ್ಕಿತ್ತು. ಈಗ ಹೆಚ್ಚು ಸಿಕ್ಕಿದೆ. ನಾನು ಏನಿದ್ದೇನೋ, ಎಲ್ಲವೂ ಬಿಗ್​ಬಾಸ್​ನಿಂದ ಎಂದು ಹೇಳಿದ್ದಾರೆ.

ಚೈತ್ರಾ ಕುಂದಾಪುರ ಹೇಳಿದ್ದೇನು?

ಆದರೆ, ಈ ಪ್ರಶ್ನೆಗೆ ಚೈತ್ರಾ ಕುಂದಾಪುರ (Bigg Boss Chaitra Kundapura) ಜಾಣ್ಮೆಯಿಂದ ಉತ್ತರ ಕೊಟ್ಟಿದ್ದು, ಕಳೆದ ಸೀಸನ್​ನಲ್ಲಿಯೂ ನನಗೆ ಉತ್ತಮ ಸಂಭಾವನೆಯೇ ಸಿಕ್ಕಿತ್ತು. ಆದರೆ ಅದಕ್ಕಿಂತಲೂ ಇಲ್ಲಿ ಹೆಚ್ಚು ಸಿಕ್ಕಿರೋದು ನಿಜ, ಆದರೆ ಎಷ್ಟು ಎಂದು ಹೇಳಲು ಆಗುವುದಿಲ್ಲ ಎಂದಿದ್ದಾರೆ. ಜೊತೆಗೆ, ನನ್ನ ಪತಿ ಚೆನ್ನಾಗಿ ದುಡಿಯುತ್ತಾರೆ. ಆದ್ದರಿಂದ ಸಂಭಾವನೆ ಬಗ್ಗೆ ನಾನು ತಲೆ ಕೆಡಿಸಿಕೊಳ್ಳುವುದಿಲ್ಲ ಎಂದಿದ್ದಾರೆ.