ಬಿಗ್ ಬಾಸ್ ತೆಲುಗು ಸ್ಪರ್ಧಿಗಳ ಸಂಭಾವನೆ, ಕನ್ನಡ ತಾರೆಯರಿಗೆಷ್ಟು? ವಿಷ್ಣುಪ್ರಿಯಾಗೆ ಅಷ್ಟೋಂದಾ!

ಬಿಗ್ ಬಾಸ್ ತೆಲುಗು ಸೀಸನ್ 8ರಲ್ಲಿ 14 ಮಂದಿ ಸ್ಪರ್ಧಿಸಿದ್ದಾರೆ. ಇವರಲ್ಲಿ ಪ್ರಸಿದ್ಧ ಸ್ಪರ್ಧಿಗಳು ಕೆಲವರು ಮಾತ್ರ. ಸ್ಪರ್ಧಿಗಳ ಸಂಭಾವನೆ ಬಗ್ಗೆ ಸಾಮಾಜಿಕ ಮಾಧ್ಯಮದಲ್ಲಿ ಸುದ್ದಿಯೊಂದು ವೈರಲ್ ಆಗುತ್ತಿದೆ. ಅದರ ಪ್ರಕಾರ ಯಾರ‍್ಯಾರಿಗೆ ಎಷ್ಟೆಷ್ಟು ಸಂಭಾವನೆ ಎಂದು ನೋಡೋಣ.  

ಬಿಗ್ ಬಾಸ್ ತೆಲುಗು ಸೀಸನ್ 8 ಮೂರನೇ ದಿನಕ್ಕೆ ಕಾಲಿಟ್ಟಿದೆ. ಕುತೂಹಲಕಾರಿ ವಿಷಯಗಳು ನಡೆಯುತ್ತಿವೆ. ಕೇವಲ 14 ಮಂದಿ ಸ್ಪರ್ಧಿಗಳು ಮಾತ್ರ ಪ್ರವೇಶಿಸಿದ್ದಾರೆ. ಇವರಲ್ಲಿ ಹೆಸರುವಾಸಿಯಾದವರು ಕೆಲವರು ಮಾತ್ರ. ಇನ್ನು 5 ಮಂದಿ ವೈಲ್ಡ್ ಕಾರ್ಡ್ ಮೂಲಕ ಎಂಟ್ರಿ ಕೊಡುವ ಸಾಧ್ಯತೆ ಇದೆ. ಬಿಗ್ ಬಾಸ್ ಶೋಗೆ ಹೋಗಬೇಕೆಂಬ ಆಸೆ  ಹುಟ್ಟಿಸುವ ಅಂಶಗಳಲ್ಲಿ ಸಂಭಾವನೆ ಕೂಡ ಒಂದು. ಈ ಶೋನ ಆಯೋಜಕರು ದೊಡ್ಡ ಮೊತ್ತದಲ್ಲಿ ಸ್ಪರ್ಧಿಗಳಿಗೆ ಹಣ ನೀಡುತ್ತಾರೆ.

ಇನ್ನು ಈ ಬಾರಿಯ ಸ್ಪರ್ಧಿಗಳ ಸಂಭಾವನೆ ಒಬ್ಬೊಬ್ಬರಾಗಿ ಗಮನಿಸಿದರೆ. ನಾಗ ಮಣಿ ಕಂಠ ಎಲ್ಲರಿಗಿಂತ ಕಡಿಮೆ ಸಂಭಾವನೆ ಪಡೆಯುತ್ತಿದ್ದಾರಂತೆ. ಇವರಿಗೆ ಯಾವುದೇ ಜನಪ್ರಿಯತೆ ಇಲ್ಲ. ಜನರಿಗೆ ನಾಗ ಮಣಿಕಂಠ ಬಗ್ಗೆ ತಿಳಿದಿರುವುದು ಕಡಿಮೆ. ನಾಗ ಮಣಿಕಂಠ ವಾರಕ್ಕೆ ರೂ.1.20 ಲಕ್ಷ ಸಂಭಾವನೆಯಾಗಿ ಪಡೆಯುತ್ತಿದ್ದಾರೆ ಎನ್ನಲಾಗಿದೆ. ಇನ್ನು ನಟಿ ಸೋನಿಯಾ ಆಕುಲಾಗೂ ಕಡಿಮೆ ಮೊತ್ತವನ್ನೇ ನೀಡುತ್ತಿದ್ದಾರಂತೆ. ಆದರೆ ನಾಗ ಮಣಿಕಂಠರಿಗಿಂತ ಇವರಿಗೆ ಉತ್ತಮ ಸಂಭಾವನೆ ನೀಡುತ್ತಿದ್ದಾರೆ. ಲಭ್ಯವಾಗುತ್ತಿರುವ ಮಾಹಿತಿ ಪ್ರಕಾರ ಸೋನಿಯಾ ಆಕುಲಾಗೆ ವಾರಕ್ಕೆ ರೂ. 1.50 ಲಕ್ಷ ನೀಡುತ್ತಿದ್ದಾರಂತೆ. ಇವರಿಗೆ ಸಾಮಾಜಿಕ ಮಾಧ್ಯಮದಲ್ಲಿ ಅಭಿಮಾನಿಗಳಿದ್ದಾರೆ. ಸುಂದರವಾಗಿದ್ದಾರೆ. ಇವೆಲ್ಲವೂ ಇವರಿಗೆ ಪ್ಲಸ್ ಪಾಯಿಂಟ್. 

ಇನ್ನು ಸಾಮಾಜಿಕ ಮಾಧ್ಯಮ ತಾರೆ ಬೆಜವಾಡ  ಬೇಬಕ್ಕಗೆ ರೂ. 1.5 ಲಕ್ಷ ನೀಡುತ್ತಿದ್ದಾರಂತೆ. ಇವರನ್ನು ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಚಾನೆಲ್‌ನಲ್ಲಿ ಹೆಚ್ಚು ಜನ ಫಾಲೋ ಮಾಡುತ್ತಿದ್ದಾರೆ. ಇನ್ನೊಬ್ಬ ಸಾಮಾಜಿಕ ಮಾಧ್ಯಮ ತಾರೆ ನಬೀಲ್ ಅಫ್ರಿದಿಯವರಿಗೆ ವಾರಕ್ಕೆ ರೂ. 2 ಲಕ್ಷ ಸಂಭಾವನೆಯಾಗಿ ನೀಡುತ್ತಿದ್ದಾರಂತೆ. ಶೇಖರ್ ಬಾಷಾ ನಿರೂಪಕರಾಗಿದ್ದಾರೆ, ಆರ್‌ಜೆ ಕೂಡ. ಉತ್ತಮ ವಾಗ್ಮಿ. ರಾಜ್ ತರುಣ್- ಲಾವಣ್ಯ ವಿವಾದದಿಂದಾಗಿ ಇನ್ನಷ್ಟು ಜನಪ್ರಿಯರಾದರು. ಇವರಿಗೆ ರೂ. 2.5 ಲಕ್ಷ ನೀಡುತ್ತಿದ್ದಾರಂತೆ. 

ಯೂಟ್ಯೂಬ್‌ನಲ್ಲಿನ ದಿಟ್ಟ ವೀಡಿಯೊಗಳ ಮೂಲಕ ಕಿರಾಕ್ ಸೀತಾ ಜನಪ್ರಿಯರಾದರು. ಅವರು ಕೆಲವು ಸಿನಿಮಾಗಳಲ್ಲಿಯೂ ನಟಿಸಿದ್ದಾರೆ. ಈ ಹಿನ್ನೆಲೆಯಲ್ಲಿ ಕಿರಾಕ್ ಸೀತಾಗೆ ವಾರಕ್ಕೆ ರೂ. 2 ಲಕ್ಷ ಸಂಭಾವನೆ  ನೀಡುತ್ತಿದ್ದಾರಂತೆ. ಕಿರುತೆರೆ ಪ್ರೇಕ್ಷಕರಲ್ಲಿ ನಿಖಿಲ್‌ಗೆ ಜನಪ್ರಿಯತೆ ಇದೆ. ಅವರು ಹಲವಾರು ತೆಲುಗು ಧಾರಾವಾಹಿಗಳಲ್ಲಿ ನಟಿಸಿದ್ದಾರೆ. ಕನ್ನಡಿಗ ನಿಖಿಲ್ ವಾರಕ್ಕೆ   ರೂ. 2.25 ಲಕ್ಷ ಸಂಭಾವನೆ ಪಡೆಯುತ್ತಾರಂತೆ.

ಒಂದು ಕಾಲದಲ್ಲಿ ನಾಯಕನಾಗಿ ಸಿనిಮಾಗಳನ್ನು ಮಾಡಿದ್ದರು ಆದಿತ್ಯ ಓಂ.  ತೆಲುಗು ಪ್ರೇಕ್ಷಕರು ಅವರನ್ನು ಗುರುತಿಸುತ್ತಾರೆ. ಹಾಗಾಗಿ ವಾರಕ್ಕೆ ಆದಿತ್ಯ ಓಂಗೆ ರೂ. 3 ಲಕ್ಷ ನೀಡುತ್ತಿದ್ದಾರಂತೆ. ಇದು ಎರಡನೇ ಅತಿ ಹೆಚ್ಚು ಸಂಭಾವನೆ ಎನ್ನಲಾಗಿದೆ. ಕನ್ನಡ ನಟಿ ಯಶ್ಮಿ ಗೌಡ ಕೂಡ ಚೆನ್ನಾಗಿಯೇ ಶುಲ್ಕ ವಿಧಿಸಿದ್ದಾರಂತೆ. ತೆಲುಗಿನಲ್ಲಿಯೂ ಧಾರಾವಾಹಿಗಳನ್ನು ಮಾಡಿ ಹೆಸರು ಪಡೆದಿರುವ ಯಶ್ಮಿ ಗೌಡ ವಾರಕ್ಕೆ ರೂ. 2.5 ಲಕ್ಷ ಪಡೆಯುತ್ತಿದ್ದಾರಂತೆ. 

ಕನ್ನಡತಿ ಪ್ರೇರಣ ಕೂಡ ಧಾರಾವಾಹಿ ನಟಿ. ತುಂಬಾ ಸುಂದರವಾಗಿದ್ದಾರೆ. ಸಾಮಾಜಿಕ ಮಾಧ್ಯಮದಲ್ಲಿ ಅಭಿಮಾನಿಗಳಿದ್ದಾರೆ. ಇವರಿಗೆ ವಾರಕ್ಕೆ ರೂ. 2 ಲಕ್ಷ ನೀಡುತ್ತಿದ್ದಾರಂತೆ.  ಹಲವಾರು ಸಿನಿಮಾಗಳು, ವೆಬ್ ಸರಣಿಗಳಲ್ಲಿ ನಟಿಸಿರುವ ಅಭಯ್ ನವೀನ್‌ಗೆ  ಅವರಿಗೆ ವಾರಕ್ಕೆ ರೂ.2 ಲಕ್ಷ ಸಂಭಾವನೆಯಾಗಿ ನೀಡುತ್ತಿದ್ದಾರಂತೆ. ಕನ್ನಡಿಗ ನಟ ಪೃಥ್ವಿರಾಜ್‌ ಶೆಟ್ಟಿಗೆ ರೂ.1.5 ಲಕ್ಷ ಮಾತ್ರ ನೀಡುತ್ತಿದ್ದಾರಂತೆ. ಇನ್ನು ನೈನಿಕಾ ಅವರ ಸಂಭಾವನೆ ರೂ. 2.2 ಲಕ್ಷ ಎನ್ನಲಾಗಿದೆ. 

ಕೊನೆಯದಾಗಿ ಎಲ್ಲರಿಗಿಂತ ಹೆಚ್ಚು ಸಂಭಾವನೆ ವಿಷ್ಣುಪ್ರಿಯ ಪಡೆಯುತ್ತಿದ್ದಾರಂತೆ. ಇವರು ಜನಪ್ರಿಯ ನಿರೂಪಕಿ. ಸಾಮಾಜಿಕ ಮಾಧ್ಯಮದಲ್ಲಿ ಅಪಾರ ಅಭಿಮಾನಿಗಳಿದ್ದಾರೆ. ಗ್ಲಾಮರಸ್ ಫೋಟೋ ಶೂಟ್‌ಗಳು, ವೀಡಿಯೊಗಳ ಮೂಲಕ ಯುವಕರಲ್ಲಿ ಕ್ರೇಜ್ ಹುಟ್ಟಿಸಿದ್ದಾರೆ. ದಯ ಎಂಬ ವೆಬ್ ಸರಣಿಯಲ್ಲಿ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ. ವಿಷ್ಣುಪ್ರಿಯ ವಾರಕ್ಕೆ ರೂ. 4 ಲಕ್ಷ ಸಂಭಾವನೆ ಪಡೆಯುತ್ತಿದ್ದಾರಂತೆ. ಈ ಸೀಸನ್‌ನಲ್ಲಿ ಅತಿ ಹೆಚ್ಚು ಸಂಭಾವನೆ ಪಡೆಯುತ್ತಿರುವ ಸ್ಪರ್ಧಿ ವಿಷ್ಣುಪ್ರಿಯ ಎನ್ನಲಾಗಿದೆ.