ಕನ್ನಡ ಬಿಗ್ ಬಾಸ್ ಸೀಸನ್ 5ರಲ್ಲಿ ಟಾಪ್ 5 ಕಂಟೆಸ್ಟಂಟ್ ಆಗಿ ಕನ್ನಡಿಗರಿಗೆ ತುಂಬಾ ಹತ್ತಿರವಾದ ನಟಿ ಎಂದರೆ ಅದು ಶ್ರುತಿ ಪ್ರಕಾಶ್. ಅವರ ಮುಗ್ಧತೆ, ನಗು ಮತ್ತು ಆಟ ಎಲ್ಲವೂ ಜನರಿಗೆ ಇಷ್ಟವಾಗಿತ್ತು. ಈ ನಟಿ ಈವಾಗ ಏನು ಮಾಡ್ತಾ ಇದ್ದಾರೆ ಗೊತ್ತಾ?
ಶ್ರುತಿ ಪ್ರಕಾಶ್ (Shruti Prakash) ಅಂದ್ರೆ ಯಾರಿಗೆ ಗೊತ್ತಿಲ್ಲಾ ಹೇಳಿ…. ಬಿಗ್ ಬಾಸ್ ಸೀಸನ್ 5ರಲ್ಲಿ ಭಾಗವಹಿಸಿ ಜನರಿಂದ ಮೆಚ್ಚುಗೆ ಪಡೆದ ಸುಂದ್ರಿ ಈಕೆ. ಅಷ್ಟೇ ಅಲ್ಲದೇ ಬಿಗ್ ಬಾಸ್ ನಲ್ಲಿ ಜೆಕೆ ಮತ್ತು ಚಂದನ್ -ಶ್ರುತಿ ಪ್ರಕಾಶ್ ತ್ರಿಕೋನ ಪ್ರೇಮ ಕತೆ ಕೂಡ ಸಖತ್ ಫೇಮಸ್ ಆಗಿದ್ದು. ಅಂತಹ ನಟಿ ಈವಾಗ ಏನು ಮಾಡ್ತಾ ಇದ್ದಾರೆ?
ಕನ್ನಡದವರೇ ಆದ ಈ ನಟಿ ಮೊದಲಿಗೆ ಹೆಸರು ಮಾಡಿದ್ದು ಮಾತ್ರ ಹಿಂದಿ ಕಿರುತೆರೆಯಲ್ಲಿ (hindi small screen). ಅಲ್ಲಿ ಸೀರಿಯಲ್, ಸಿಂಗಿಂಗ್ ಕಾಂಪಿಟೀಶನ್, ರಿಯಾಲಿಟಿ ಶೋಗಳಲ್ಲಿ ಭಾಗವಹಿಸಿ, ಮತ್ತೆ ಕನ್ನಡಕ್ಕೆ ಬಂದ ಇವರು ಬಿಗ್ ಬಾಸ್ ಮೂಲಕ ಕನ್ನಡಿಗರಿಗೆ ಹತ್ತಿರವಾದ್ರು.
ಶ್ರುತಿ ಪ್ರಕಾಶ್ ಕನ್ನಡ ಮತ್ತು ಹಿಂದಿ ಕಿರುತೆರೆಯ ಜನಪ್ರಿಯ ನಟಿ. ಇವರು ಗಾಯಕಿಯೂ ಹೌದು. ಇವರು ಜನಿಸಿದ್ದು ಕರ್ನಾಟಕದ ಬೆಳಗಾವಿಯಲ್ಲಿ. ಜೈನ್ ಕಾಲೇಜಿನಿಂದ ಪದವಿ ಪಡೆದಿದ್ದಾರೆ. ಪದವಿ ಮುಗಿಸಿದ ಶೃತಿ ಮುಂಬೈನ `ಎಜು' ಮೀಡಿಯಾ ಸಂಸ್ಥೆಯಲ್ಲಿ ಕೆಲಕಾಲ ಸಂಪಾದಕರಾಗಿ ಕೆಲಸ ಮಾಡಿದರು.
ಹಿಂದಿಯ ಸ್ಟಾರ್ ಪ್ಲಸ್ ವಾಹಿನಿಯ `ಸಾಥ್ ನಿಬಾನಾ ಸಾಥಿಯಾ' ಸೀರಿಯಲ್ ಮೂಲಕ ಹಿಂದಿ ಕಿರುತೆರೆ ಪ್ರಿಯರ ಜನಮನ ಗೆದ್ದಿದ್ದಾರೆ ಈ ನಟಿ. ನಂತರ ಹಿಂದಿಯ `ಕ್ಲೋಸ್-ಅಪ್' ವೆಬ್‌ಸಿಂಗರ್ (close up websinger) ಸ್ಪರ್ಧೆಯಲ್ಲಿ ಭಾಗವಹಿಸಿ ಸೆಮಿಫೈನಲ್‌ವರೆಗೂ ಹೋಗಿದ್ದರು.
ವಿ ಚಾನೆಲ್‌ನ `ದಿಲ್ ದೋಸ್ತಿ ಡ್ಯಾನ್ಸ್',`ಇಷ್ಕ್ ಅನಪ್ಲಗಡ್' ಕಾರ್ಯಕ್ರಮಗಳಲ್ಲಿ ಭಾಗವಹಿಸಿದ ಶ್ರುತಿ ಸ್ಟಾರ್‌ಪ್ಲಸ್‌ನ `ಸಾಥ್ ನಿಭಾನಾ ಸಾಥಿಯಾ' ಟೆಲಿ ಸೀರಿಯಲ್‌ನಲ್ಲಿ ಅಭಿನಯಿಸಿದರು. ನಂತರ 2017 ರಲ್ಲಿ `ಬಿಗ್‌ಬಾಸ್ ಕನ್ನಡ ಸೀಸನ್ 5 (Bigg Boss Season 5) ರಲ್ಲಿ ಭಾಗವಹಿಸಿ ಟಾಪ್ 5 ಫೈನಲಿಸ್ಟ್ ಆಗಿ ಸ್ಥಾನ ಪಡೆದಿದ್ದರು.
ಹಾಗಿದ್ರೆ ಸದ್ಯ ಈ ನಟಿ ಏನು ಮಾಡ್ತಾ ಇದ್ದಾರೆ? ನಿಮಗೂ ಈ ಪ್ರಶ್ನೆ ಕಾಡಿದ್ರೆ ಇಲ್ಲಿದೆ ಉತ್ತರ. ಶ್ರುತಿ ಪ್ರಕಾಶ್ ಸದ್ಯ ಕನ್ನಡದ ಕಡಲ ತೀರದ ಭಾರ್ಗವ ಚಿತ್ರದಲ್ಲಿ ಸಖತ್ ಬ್ಯುಸಿಯಾಗಿದ್ದಾರೆ. ಚಿತ್ರೀಕರಣ ಈಗಾಗಲೇ ಮುಕ್ತಾಯವಾಗಿದ್ದು, ಬಿಡುಗಡೆಗೆ ಸಿದ್ಧವಾಗಿದೆ. ಈ ಚಿತ್ರದಲ್ಲಿ ಶ್ರುತಿ ಪ್ರಕಾಶ್ ನಾಯಕಿಯಾಗಿ ನಟಿಸ್ತಾ ಇದ್ದಾರೆ.
ಪಟೇಲ್ ವರುಣ್ ರಾಜು ಹಾಗೂ ಭರತ್ ಗೌಡ ನಿರ್ಮಿಸಿರುವ, ಪನ್ನಗ ಸೋಮಶೇಖರ್ ನಿರ್ದೇಶಿಸಿರುವ ಕಡಲ ತೀರದ ಭಾರ್ಗವ ಚಿತ್ರದಲ್ಲಿ ಶ್ರುತಿ ಪ್ರಕಾಶ್ ಗೆ ನಾಯಕನಾಗಿ ಭರತ್ ಗೌಡ ನಟಿಸುತ್ತಿದ್ದಾರೆ. ಈ ಚಿತ್ರದ ಮಧುರ ಮಧುರ ಹಾಡು ಬಿಡುಗಡೆಯಾಗಿ ಜನಪ್ರಿಯತೆ ಗಳಿಸಿದೆ.
ಇನ್ ಸ್ಟಾಗ್ರಾಂ (nstagram) ನಲ್ಲಿ ವಿವಿಧ ಫೋಟೋ, ಸಿನಿಮಾ ಬಗ್ಗೆ ಮಾಹಿತಿ ಶೇರ್ ಮಾಡುತ್ತಿರುವ ಶ್ರುತಿ ಈಗಾಗಲೆ ಕನ್ನಡದ ಕಸ್ತೂರಿ ಮಹಲ್, ಲಂಡನ್ ನಲ್ಲಿ ಲಂಭೋದರ, ಶ್ರೀ ಭರತ ಬಾಹುಬಲಿ ಮೊದಲಾದ ಚಿತ್ರಗಳಲ್ಲಿ ನಟಿಸಿದ್ದಾರೆ, ಶ್ರುತಿ, ಸದ್ಯ ಕನ್ನಡದ ಮತ್ತೊಂದು ಚಿತ್ರದ ಬಿಡುಗಡೆಗೆ ಕಾಯ್ತಾ ಇದ್ದಾರೆ. ಈ ಚಿತ್ರದಲ್ಲಿ ಅವರಿಗೆ ಯಶಸ್ಸು ಸಿಗಲಿ ಎಂದು ಹಾರೈಸೋಣ.