BBK 12: ಆ ವಿಷ್ಯ Suraj Singh ಮುಚ್ಚಿಟ್ಟಿದ್ದ- ಸೂರಜ್​ ಎಂಗೇಜ್​ಮೆಂಟ್​ ಕುರಿತು ರಾಶಿಕಾ ಹೇಳಿದ್ದೇನು?

ಬಿಗ್​ಬಾಸ್​ ಮನೆಯಿಂದ ಹೊರಬಂದಿರುವ ರಾಶಿಕಾ ಶೆಟ್ಟಿ, ಸೂರಜ್​ ಸಿಂಗ್​ ಜೊತೆಗಿನ ಪ್ರೇಮ ಸಂಬಂಧದ ಬಗ್ಗೆ ಸ್ಪಷ್ಟನೆ ನೀಡಿದ್ದಾರೆ. ತಾವಿಬ್ಬರೂ ಕೇವಲ ಸ್ನೇಹಿತರು ಎಂದಿರುವ ಅವರು, ಸೂರಜ್​ ಸೀರಿಯಲ್​ನಲ್ಲಿ ನಟಿಸುತ್ತಿರುವ ವಿಷಯ ತನಗೆ ಮನೆಯಲ್ಲಿ ತಿಳಿದಿರಲಿಲ್ಲ ಎಂದು ಅಚ್ಚರಿ ವ್ಯಕ್ತಪಡಿಸಿದ್ದಾರೆ.

ಬಿಗ್​ಬಾಸ್​ ಲವ್​ ಸ್ಟೋರಿ

ಬಿಗ್​ಬಾಸ್​ ಮನೆಯಲ್ಲಿ (Bigg Boss 12) ಮನೆಯಲ್ಲಿ ಸೀರಿಯಲ್​ ಲವ್​ ಅಂತ ಈ ಬಾರಿ ಫೇಮಸ್​ ಆಗಿದ್ದು ರಾಶಿಕಾ ಶೆಟ್ಟಿ ಮತ್ತು ಸೂರಜ್​ ಸಿಂಗ್​ ಜೋಡಿ. ಗಿಲ್ಲಿ ನಟ ಮತ್ತು ಕಾವ್ಯಾ ಅವರು ತಮಾಷೆಯಾಗಿ ನಡೆದುಕೊಳ್ತಿರೋದರಿಂದ ಅದನ್ನು ತಮಾಷೆಯ ಲವ್​ ಎಂದೇ ಹೇಳಲಾಗ್ತಿದೆ. ಆದರೆ ಸೂರಜ್​ ಮತ್ತು ರಾಶಿಕಾ (Rashika Shetty and Suraj Singh Love story) ವಿಷ್ಯದಲ್ಲಿ ಅದನ್ನು ಸೀರಿಯಲ್​ ಎಂದೇ ಕರೆಯಲಾಗುತ್ತಿತ್ತು.

ರಾಶಿಕಾ ಶೆಟ್ಟಿ ಸ್ಪಷ್ಟನೆ

ಆದರೆ ರಾಶಿಕಾ ಶೆಟ್ಟಿ ಅವರು ಹೊರಕ್ಕೆ ಬಂದಿದ್ದು, ಈ ಬಗ್ಗೆ ಸ್ಪಷ್ಟನೆಯನ್ನೂ ಕೊಟ್ಟಾಗಿದೆ. ಅಂಥದ್ದೇನೂ ಇಲ್ಲ. ನಾನು ಮತ್ತು ಆತ ಒಳ್ಳೆಯ ಫ್ರೆಂಡ್ಸ್​ ಅಷ್ಟೇ. ನನಗೆ ಬಿಗ್​ಬಾಸ್​ ಮನೆಯಲ್ಲಿ ಮನಸ್ಸಿನಲ್ಲಿ ಇರುವುದನ್ನು ಹೇಳಿಕೊಂಡು ಕನ್​ಫರ್ಟ್​ ಎನ್ನಿಸ್ತಿದ್ದದ್ದು ಸೂರಜ್​ ಬಳಿ. ಅದನ್ನೇ ಬೇರೆ ರೀತಿ ಕಲ್ಪಿಸಿಕೊಳ್ಳಲಾಗಿತ್ತು ಎಂದಿದ್ದಾರೆ.

ಸೂರಜ್​ಸಿಂಗ್​ ಎಂಗೇಜ್​ಮೆಂಟ್​

ಆದರೆ, ಇದೇವೇಳೆ ಸೂರಜ್​ ಸಿಂಗ್​ ಎಂಗೇಜ್​ಮೆಂಟ್​ ಬಗ್ಗೆಯೂ ರಾಶಿಕಾ ಶೆಟ್ಟಿ ಮಾತನಾಡಿದ್ದಾರೆ. ಸೂರಜ್​ ಸಿಂಗ್​ ಮನೆಗೆ ಬಂದಾಗ ಅವರಿಗೆ ಎಂಗೇಜ್​ಮೆಂಟ್​ ಆಯಿತು ಎನ್ನುವಂತೆ ಮಾತನಾಡಲಾಗಿತ್ತು. ಸುದೀಪ್​ ಸರ್​ ಅವರು ಅದೇ ರೀತಿ ತಮಾಷೆ ಮಾಡಿದ್ದರು. ಅವರಿಗೆ ನಿಜವಾಗಿಯೂ ಎಂಗೇಜ್​ಮೆಂಟ್​ ಆಗಿತ್ತು ಎಂದೇ ನಾನು ಅಂದುಕೊಂಡಿದ್ದೆ. ಆಮೇಲೆ ಅದು ಸುಳ್ಳು ಎಂದು ತಿಳಿಯಿತು ಎಂದಿದ್ದಾರೆ.

ನನಗೆ ಹೇಳಲೇ ಇಲ್ಲ

ಕೊನೆಗೆ, ಸೂರಜ್‌ ಸಿಂಗ್​ ಸೀರಿಯಲ್‌ ಮಾಡ್ತಿದ್ದಾನೆ ಅಂತ ಬಿಗ್​ಬಾಸ್​ನಿಂದ ಹೊರಕ್ಕೆ ಬಂದ ಮೇಲೆ ಗೊತ್ತಾಯ್ತು. ಮನೆಯಲ್ಲಿ ಇದ್ದಾಗ ಈ ವಿಷ್ಯವನ್ನು ಆತ ಹೇಳಿರಲೇ ಇಲ್ಲ. ನನ್ನ ತಮ್ಮ ಹೇಳಿದಾಗಲೇ ಗೊತ್ತಾಯ್ತು. ಬಳಿಕ ಇನ್ಸ್ಟಾಗ್ರಾಮ್‌ನಲ್ಲಿ ಸೀರಿಯಲ್‌ ಪ್ರೋಮೋ ನೋಡಿದೆ. ತುಂಬಾ ಖುಷಿಯಾಯ್ತು. ಆದರೆ ಈ ವಿಷಯವನ್ನು ಆತ ನನಗೆ ಮೊದಲೇ ಹೇಳಿದ್ದರೆ ತುಂಬಾ ಖುಷಿಯಾಗುತ್ತಿತ್ತು ಎಂದಿದ್ದಾರೆ.

ರಾಶಿಕಾ ಹಾರೈಕೆ

ಅಷ್ಟಕ್ಕೂ ಸೂರಜ್​ ಸೀರಿಯಲ್‌ ಮಾಡ್ತಾನೆ ಅಂತ ನಾನು ನಿರೀಕ್ಷೆ ಮಾಡಿರಲಿಲ್ಲ. ನಟನೆ ಎಲ್ಲಾ ಬರಲ್ಲ ಎಂದಿದ್ದ. ಆದರೆ ನಟನೆ ನೋಡಿ ಖುಷಿ ಆಯ್ತು. ಅವನ ಆಸೆ ಎಲ್ಲಾ ಈಡೇರಲಿ. ಅವನು ಏನೆಲ್ಲಾ ಆಗಬೇಕು ಅಂದುಕೊಂಡಿದ್ದಾನೋ ಅದೆಲ್ಲವೂ ಆಗಲಿ ಎಂದು ರಾಶಿಕಾ ಹಾರೈಸಿದ್ದಾರೆ.