ಇದು ರಕ್ಷಿತಾ ಶೆಟ್ಟಿ ಪವಾಡ: Bigg Boss ಕರಿಬಸಪ್ಪ ಸಕತ್​ ಫೇಮಸ್​- ವಿಶೇಷ ವಿಡಿಯೋ ಮೂಲಕ ಥ್ಯಾಂಕ್ಸ್​

ಅಂತಾರಾಷ್ಟ್ರೀಯ ಬಾಡಿ ಬಿಲ್ಡರ್ ಕರಿಬಸಪ್ಪ ಅವರು ಬಿಗ್ ಬಾಸ್ ನಂತರವೂ ಟ್ರೆಂಡಿಂಗ್‌ನಲ್ಲಿದ್ದಾರೆ. ಇದಕ್ಕೆ ಕಾರಣ, ಸಹ ಸ್ಪರ್ಧಿ ರಕ್ಷಿತಾ ಶೆಟ್ಟಿ . ಈ ತಮಾಷೆಯ ಘಟನೆಗಾಗಿ ಮತ್ತು ತನ್ನನ್ನು ಟ್ರೆಂಡಿಂಗ್‌ನಲ್ಲಿಟ್ಟಿದ್ದಕ್ಕಾಗಿ ಕರಿಬಸಪ್ಪ ರಕ್ಷಿತಾಗೆ ಧನ್ಯವಾದ ತಿಳಿಸಿದ್ದಾರೆ.

ಬಾಡಿ ಬಿಲ್ಡರ್​ ಕರಿಬಸಪ್ಪ

ಅಂತಾರಾಷ್ಟ್ರೀಯ ಮಟ್ಟದ ದೇಹದಾರ್ಢ್ಯ ಪಟು (ಬಾಡಿ ಬಿಲ್ಡರ್) ಕರಿಬಸಪ್ಪ ಅವರು, ಬಿಗ್​ಬಾಸ್​ ಮನೆಗೆ ಪ್ರವೇಶಿಸಿ ಕೆಲವೇ ದಿನಗಳಲ್ಲಿ ಮನೆಯಿಂದ ಹೊರಕ್ಕೆ ಬಂದಿದ್ದರು. ದೇಹದಾಢ್ಯತೆಯಿಂದ ಸೋಶಿಯಲ್ ಮೀಡಿಯಾದಲ್ಲಿ ಜನಪ್ರಿಯರಾಗಿರುವ ಕರಿಬಸಪ್ಪ ಕೆಲವೇ ದಿನ ಇದ್ದರೂ ಇದೀಗ ಬಿಗ್​ಬಾಸ್​ ಕರಿಬಸಪ್ಪ ಎಂದೇ ಪ್ರಸಿದ್ಧಿ ಹೊಂದಿದ್ದಾರೆ.

ಕೆಲವೇ ದಿನವಿದ್ದ ಕರಿಬಸಪ್ಪ

ಇದಾಗಲೇ ಜನಪ್ರಿಯತೆ ಪಡೆದುಕೊಂಡಿದ್ದರೂ, ಬಿಗ್​ಬಾಸ್​ನಲ್ಲಿ ಕೆಲವೇ ದಿನ ಇದ್ದ ಹಿನ್ನೆಲೆಯಲ್ಲಿ ಜನರು ಅವರನ್ನು ಅಷ್ಟಾಗಿ ಬಿಗ್​ಬಾಸ್​ ಕರಿಬಸಪ್ಪ ಎಂದು ಗುರುತಿಸುತ್ತಿಲ್ಲ. ಇದಕ್ಕೆ ಕಾರಣ, ಇದಕ್ಕಿಂತಲೂ ದೊಡ್ಡ ಮಟ್ಟದ ಹೆಸರು ಅವರು ಬಾಡಿ ಬಿಲ್ಡಿಂಗ್​ ಕ್ಷೇತ್ರದಲ್ಲಿ ಮಾಡಿದ್ದಾರೆ.

ರಕ್ಷಿತಾ ಶೆಟ್ಟಿ ಹವಾ

ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಚಿನ್ನದ ಪದಕ ಗೆದ್ದಿರುವ ಕರಿಬಸಪ್ಪ ಅವರನ್ನು ಈಗಲೂ ಜನ ಬಿಗ್​ಬಾಸ್​​ ಹೆಸರಿನಲ್ಲಿ ನೆನಪಿಟ್ಟುಕೊಳ್ಳುವಂತೆ ಮಾಡಿರುವ ಹಿಂದೆ ಇರೋದು ಮಂಗಳೂರು ಪುಟ್ಟಿ, ಬಿಗ್​ಬಾಸ್​ 12ರ ಮೊದಲ ರನ್ನರ್​ ಅಪ್​ ರಕ್ಷಿತಾ ಶೆಟ್ಟಿ (Bigg Boss Rakshita Shetty).

ರಕ್ಷಿತಾಗೆ ಥ್ಯಾಂಕ್ಸ್​

ಅದಕ್ಕಾಗಿಯೇ ಕರಿಬಸಪ್ಪ ಅವರು ವಿಶೇಷ ವಿಡಿಯೋ ಶೇರ್​ ಮಾಡಿ ರಕ್ಷಿತಾ ಶೆಟ್ಟಿ ಅವರಿಗೆ ಕರಿಬಸಪ್ಪ ಅವರು ಧನ್ಯವಾದ ಸಲ್ಲಿಸಿದ್ದಾರೆ. ನನ್ನ ತಂಗಿಯಿಂದ ನಾನು ಈಗಲೂ ಟ್ರೆಂಡಿಂಗ್​ನಲ್ಲಿ ಇದ್ದೇನೆ ಎಂದಿದ್ದಾರೆ.

ರಕ್ಷಿತಾ ಶೆಟ್ಟಿ ಹೇಳಿದ್ದೇನು?

ಅಷ್ಟಕ್ಕೂ ಆಗಿದ್ದೇನೆಂದರೆ, ಮಾಧ್ಯಮವೊಂದರ ಸಂದರ್ಶನದ ವೇಳೆ, ಕರಿಬಸಪ್ಪ ಅವರ ಬಗ್ಗೆ ನಿಮಗೆ ಏನು ಅನ್ನಿಸುತ್ತದೆ ಎಂದು ಪ್ರಶ್ನಿಸಿದಾಗ, 'ಕರಿಬಸೊಪ್ಪು ಅವರು...' ಎಂದಿದ್ದರು ರಕ್ಷಿತಾ ಶೆಟ್ಟಿ. ಇದರ ಸೋಷಿಯಲ್​ ಮೀಡಿಯಾದಲ್ಲಿ ಭಾರಿ ಟ್ರೆಂಡ್​ ಆಗೋಯ್ತು.

ಕರಿಬಸೊಪ್ಪು ಆದ ಕರಿಬಸಪ್ಪ

ಇದಾದ ಮೇಲೆ ಕರಿಬಸಪ್ಪ ಅವರನ್ನು ಕೂಡ ಎಲ್ಲರೂ ಕರಿಬಸೊಪ್ಪು ಎಂದೇ ಕರೆಯತೊಡಗಿದ್ದರಂತೆ. ಅದಕ್ಕಾಗಿಯೇ ಈ ಮೂಲಕ ಇನ್ನೂ ಎಲ್ಲರೂ ನನ್ನ ಹೆಸರು ಕರೆಯುವಂತೆ ಮಾಡಿರುವೆ ತಂಗಿ ಎಂದು ಧನ್ಯವಾದ ಸಲ್ಲಿಸಿದ್ದ ಕರಿಬಸಪ್ಪನವರು. ಈ ವಿಡಿಯೋದಲ್ಲಿ ಸರಿಯಾಗಿ ಒಮ್ಮೆ ಹೆಸರು ಹೇಳು ಎಂದಾಗಲೂ ರಕ್ಷಿತಾ ಅವರು, ಕರಿಬಸಪ್ಪೋ ಎಂದು ಬೇರೆ ರೀತಿ ಹೇಳುವ ಮೂಲಕ ಮತ್ತೊಂದು ಟ್ರೆಂಡ್​ ಸೃಷ್ಟಿ ಮಾಡಿದ್ದಾರೆ.