BBK 12: ಅಶ್ವಿನಿ ಗೌಡ, ಧ್ರುವಂತ್​ ಮೋಸದಿಂದ ಟಾಸ್ಕ್​ ಗೆದ್ರಾ? ಸಾಕ್ಷಿ ತೋರಿದ ನೆಟ್ಟಿಗರು! ಏನಿದು ಬಿಸಿಬಿಸಿ ಚರ್ಚೆ?

ಬಿಗ್​ಬಾಸ್​ ಸೀಸನ್​ 12 ಫಿನಾಲೆ ಹತ್ತಿರವಾಗುತ್ತಿದ್ದಂತೆ, ಟಾಸ್ಕ್​ವೊಂದರಲ್ಲಿ ವಿವಾದ ಭುಗಿಲೆದ್ದಿದೆ. ಕಂಬ ಹಿಡಿದು ನಿಲ್ಲುವ ಟಾಸ್ಕ್​ನಲ್ಲಿ ಅಶ್ವಿನಿ ಗೌಡ ಮತ್ತು ಧ್ರುವಂತ್ ನಿಯಮ ಉಲ್ಲಂಘಿಸಿ ಮೋಸದಿಂದ ಗೆದ್ದಿದ್ದಾರೆ ಎಂದು ವೀಕ್ಷಕರು ಆರೋಪಿಸುತ್ತಿದ್ದಾರೆ. ಜಾಲತಾಣದಲ್ಲಿ ಫೋಟೋಗಳು ವೈರಲ್ ಆಗಿವೆ. 

ಕೆಲವೇ ದಿನ ಬಾಕಿ

ಬಿಗ್​ಬಾಸ್​​ ಸೀಸನ್​ 12 (Bigg Boss 12) ಮುಗಿಯಲು ಇನ್ನೇನು ಕೆಲವೇ ದಿನಗಳು ಬಾಕಿ ಇರುವ ಕಾರಣ, ಬಿಗ್​ಬಾಸ್​ ಸ್ಪರ್ಧಿಳಿಗೆ ಮಾತ್ರವಲ್ಲದೇ ಅವರ ಅಭಿಮಾನಿಗಳ ಎದೆಯೂ ಡವಡವ ಎನ್ನುತ್ತಿದೆ. ಯಾವುದೋ ಯುದ್ಧ ಗೆದ್ದು ಬಂದಂಥ ಅನುಭವದಲ್ಲಿದ್ದ ಬಿಗ್​ಬಾಸ್​​ ವೀಕ್ಷಕರು.

ಟಾಸ್ಕ್​ಗಳ ಭರಾಟೆ

ಅದೇ ರೀತಿ, ಫಿನಾಲೆ ಹತ್ತಿರ ಬರುತ್ತಿದ್ದಂತೆಯೇ ಟಾಸ್ಕ್​ಗಳ ಭರಾಟೆ ಕೂಡ ಜೋರಾಗಿ ನಡೆಯುತ್ತಿದೆ. ಆದರೆ ಇದೇ ವೇಳೆ ಅಪಸ್ವರವೊಂದು ಕೇಳಿ ಬರುತ್ತಿದೆ. ಅದೇನೆಂದರೆ ನಿನ್ನೆ ನಡೆದಿರುವ ಟಾಸ್ಕ್​ ಒಂದರಲ್ಲಿ ಅಶ್ವಿನಿ ಗೌಡ (Bigg Boss Ashwini Gowda) ಹಾಗೂ ಧ್ರುವಂತ್​ ಅವರು ಮೋಸದಿಂದ ಟಾಸ್ಕ್​ ಗೆದ್ದರು ಎನ್ನುವ ಗಂಭೀರ ಆರೋಪ ಇದಾಗಿದೆ.

ಮೋಸ ಮಾಡಿದ್ರಾ?

ಈ ಟಾಸ್ಕ್​ನಲ್ಲಿ ಸ್ಪರ್ಧಿಗಳು ಪೋಲ್ ಹಿಡಿದು ನಿಲ್ಲಬೇಕಿತ್ತು. ಅವರಿಗೆ ಕೊಟ್ಟಿರುವ ರೂಲ್ಸ್​ ಪ್ರಕಾರ, ಸ್ಪರ್ಧಿಗಳೆಲ್ಲಾ ಹೇಳೀರುವ ಗೆರೆಯನ್ನು ದಾಟದೇ, ಕಂಬಿಯನ್ನ ಬಿಗಿಯಾಗಿ ಹಿಡಿದುಕೊಂಡು ನಿಲ್ಲಬೇಕಿತ್ತು. ಆದರೆ, ಅಶ್ವಿನಿ ಗೌಡ ಮತ್ತು ಧ್ರುವಂತ್‌ ಟಾಸ್ಕ್‌ನಲ್ಲಿ ನಿಯಮಗಳನ್ನು ಉಲ್ಲಂಘಿಸಿದ್ದಾರೆ ಎಂದು ಕೆಲವರು ಸಾಕ್ಷಿ ಸಹಿತ ತೋರಿಸಿದ್ದಾರೆ.

ಏನಿದು ಆರೋಪ?

ಈಗ ವೈರಲ್​ ಆಗ್ತಿರೋ ಫೋಟೋದಲ್ಲಿ, ಅಶ್ವಿನಿ ಗೌಡ ಹಾಗೂ ಧ್ರುವಂತ್‌ ಮೊಣಕಾಲಿನ ಸಪೋರ್ಟ್‌ ತೆಗೆದುಕೊಂಡು ಕಂಬ ಹಿಡಿದು ನಿಂತಿರುವುದನ್ನು ನೋಡಬಹುದು. ಆದರೆ, ರಾಶಿಕಾ ಮತ್ತು ರಘು ಸಪೋರ್ಟ್‌ ಇಲ್ಲದೇ ನಿಂತಿದ್ದರು. ಮಾತ್ರವಲ್ಲದೇ ಅಶ್ವಿನಿ ಹಾಗೂ ಧ್ರುವಂತ್‌ ಎಕ್​ಟ್ರಾ ಬಟ್ಟೆ ಧರಿಸಿದ್ದರು. ಆದರೆ, ರಾಶಿಕಾ ಶೆಟ್ಟಿ ಮತ್ತು ರಘು ಹಾಕಿರಲಿಲ್ಲ. ಇದರಿಂದಾಗಿ ಅವರ ಮೈ ಮೇಲೆ ನೀರು ಬಿದ್ದಾಗ ಹೆಚ್ಚು ಹೊತ್ತು ಕಂಬವನ್ನ ಹಿಡಿದು ನಿಲ್ಲೋಕೆ ಆಗದೇ ರಾಶಿಕಾ ಮತ್ತು ರಘು ಔಟ್​ ಆದರು ಎನ್ನುವುದು ವೀಕ್ಷಕರ ವಾದ.

ಸುಳ್ಳು ಆರೋಪ ಬೇಡ!

ಇಷ್ಟಾದರೂ ಬಿಗ್​ಬಾಸ್​​ ಯಾಕೆ ಇದನ್ನು ಗಮನಿಸಿಲ್ಲ. ಅಶ್ವಿನಿ ಗೌಡ ಮತ್ತು ಧ್ರುವಂತ್​ ಚೀಟಿಂಗ್​ ಮಾಡಿದ್ದಾರೆ ಎನ್ನುತ್ತಿದ್ದಾರೆ. ಇದನ್ನು ಪ್ರಿಯಾಂಕಾ ಜೈಸ್ವಾಲ್​ ಎನ್ನುವವರು ಎಕ್ಸ್​ ಖಾತೆಯಲ್ಲಿ ಶೇರ್​ ಮಾಡಿಕೊಂಡಿದ್ದಾರೆ. ಆದರೆ ಕೆಲವರು ಇದನ್ನು ಒಪ್ಪುತ್ತಿಲ್ಲ. ಅವರು ನಿಯಮದ ಪ್ರಕಾರವೇ ಆಡಿದ್ದಾರೆ. ಇಲ್ಲದಿದ್ದರೆ ಬಿಗ್​ಬಾಸ್​ ಸುಮ್ಮನೇ ಇರುತ್ತಿರಲಿಲ್ಲ. ಸುಖಾಸುಮ್ಮನೆ ಸುಳ್ಳು ಆರೋಪ ಹೊರಿಸುವುದನ್ನು ನಿಲ್ಲಿಸಿ ಎನ್ನುತ್ತಿದ್ದಾರೆ.