ColdPlay Concert ನೋಡಲು ದಕ್ಷಿಣ ಕೊರಿಯಾಕ್ಕೆ ಹಾರಿದ ಶ್ರಾವಣಿ ಸುಬ್ರಹ್ಮಣ್ಯ ಜೋಡಿ

ಕೋಲ್ಡ್ ಪ್ಲೇ ಕನ್ಸರ್ಟ್ ನೋಡೋದಕ್ಕೆ ಶ್ರಾವಣಿ ಸುಬ್ರಹ್ಮಣ್ಯ ಖ್ಯಾತಿಯ ಆಸಿಯಾ ಹಾಗೂ ಅಮೋಘ್ ದಕ್ಷಿಣ ಕೊರಿಯಾಕ್ಕೆ ತೆರಳಿ ಕನ್ಸರ್ಟ್ ಕೇಳಿ ಸಂಭ್ರಮಿಸಿದ್ದಾರೆ.   

ಶ್ರಾವಣಿ ಸುಬ್ರಹ್ಮಣ್ಯ ಸೀರಿಯಲ್ (Shravani Subramanya Serial)ಮೂಲಕ ಖ್ಯಾತಿ ಪಡೆದಿರುವ ಮುದ್ದಾದ ಜೋಡಿಗಳಾದ ಶ್ರಾವಣಿ ಖ್ಯಾತಿಯಾ ಆಸಿಯಾ ಫಿರ್ ದೋಸೆ ಹಾಗೂ ಸುಬ್ರಹ್ಮಣ್ಯ ಖ್ಯಾತಿಯ ಅಮೋಘ್ ಆದಿತ್ಯಾ ಜೊತೆಯಾಗಿ ದಕ್ಷಿಣ ಕೊರಿಯಾದ ಸಿಯೋಲ್ ಗೆ ತೆರಳಿದ್ದು, ಅಲ್ಲಿ ಜೊತೆಯಾಗಿ ಕೋಲ್ಡ್ ಪ್ಲೇ ಮ್ಯೂಸಿಕಲ್ ಕನ್ಸರ್ಟ್ ವೀಕ್ಷಿಸಿ ಸಿಕ್ಕಾಪಟ್ಟೆ ಎಂಜಾಯ್ ಮಾಡಿದ್ದಾರೆ. 

ಶ್ರಾವಣಿ -ಸುಬ್ಬು ಎಂದೇ ಖ್ಯಾತಿ ಪಡೆದಿರುವ ಈ ಮುದ್ದಾದ ಜೋಡಿ ಏಪ್ರಿಲ್ 24 ರಂದು ದಕ್ಷಿಣ ಕೊರಿಯಾದ ಸಿಯೋಲ್ ನಲ್ಲಿ ನಡೆದ ಕೋಲ್ಡ್ ಪ್ಲೇ ಕನ್ಸರ್ಟ್ ನಲ್ಲಿ (COldPlay Concert) ಭಾಗಿಯಾಗಿದ್ದು, ಅಲ್ಲಿನ ಫೋಟೊಗಳನ್ನು ಹಾಗೂ ವಿಡಿಯೋಗಳನ್ನು ಅಮೋಘ್ ಸೋಶಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿದ್ದಾರೆ.

ಕೋಲ್ಡ್‌ಪ್ಲೇ ನಿಮಗೆ ಗೊತ್ತೇ ಇದೆ ಅಲ್ವಾ? ಇದೇ ವರ್ಷ ಜನವರಿಯಲ್ಲಿ ಭಾರತದಲ್ಲಿ ಕಿಚ್ಚೆಬ್ಬಿಸಿದ್ದ ಶೋ ಇದಾಗಿತ್ತು. ತಮ್ಮ ಲೈವ್ ಶೋಗಳ ಮೂಲಕವೇ ಪ್ರಪಂಚದಾದ್ಯಂತ ಜನಪ್ರಿಯತೆ ಪಡೆದಿದೆ ಈ ಗ್ರೂಪ್. ಈ ಬಾಂಡ್‌ನಲ್ಲಿ ಕ್ರಿಸ್ ಮಾರ್ಟಿನ್ (ಪಿಯಾನೋ), ಜಾನಿ ಬಕ್‌ಲ್ಯಾಂಡ್ (ಗಿಟಾರ್), ಗೈ ಬೆರ್ರಿಮನ್ (ಬಾಸ್), ವಿಲ್ ಚಾಂಪಿಯನ್ (ಡ್ರಮ್ಸ್, ತಾಳವಾದ್ಯ) ಇದ್ದಾರೆ. ಕ್ರಿಸ್ ಮಾರ್ಟಿನ್ ಈ ಬಾಂಡ್‌ನ ಸಿಂಗರ್ ಆಗಿದ್ದಾರೆ. 

ಕೋಲ್ಡ್ ಪ್ಲೇ ಮ್ಯೂಸಿಕ್ ಗೆ ಮನಸೋಲದ ಯುವಜನತೆಯೇ ಕಡಿಮೆ. ಆಸಿಯಾ (Asiya Firdose) ಮತ್ತು ಅಮೋಘ್ (Amogh Aditya) ಕೂಡ್ ಕೋಲ್ಡ್ ಪ್ಲೇ ಆಭಿಮಾನಿಗಳಾಗಿರಬೇಕು. ಹಾಗಾಗಿ ತಮ್ಮ ಶೂಟಿಂಗ್ ನಿಂದ ಬ್ರೇಕ್ ಪಡೆದುಕೊಂಡು, ಸಿಯೋಲ್ ಗೆ ತೆರಳಿ ಅಲ್ಲಿ ಕೋಲ್ಡ್ ಪ್ಲೇ ವೀಕ್ಷಿಸಿದ್ದಾರೆ. ಇಬ್ಬರು ಜೊತೆಯಾಗಿ ಸೆಲ್ಫಿ ತೆಗೆದು ಶೇರ್ ಮಾಡಿದ್ದಾರೆ. 

ಕಿರುತೆರೆಯ ಈ ಮುದ್ದಾದ ಜೋಡಿ ಬ್ಲ್ಯಾಕ್ ಆಂಡ್ ಬ್ಲ್ಯಾಕ್ ಔಟ್ ಫಿಟ್ ನಲ್ಲಿ ಕಾಣಿಸಿಕೊಂಡಿದ್ದು, ತೆರೆ ಮೇಲೆ ಅಲ್ಲದೇ ತೆರೆ ಹೊರಗೆ ಇಬ್ಬರನ್ನು ಜೊತೆಯಾಗಿ ನೋಡಿ ಅಭಿಮಾನಿಗಳು ಸಂಭ್ರಮಿಸಿದ್ದಾರೆ. ಈ ಜೋಡಿಯ ರೀಲ್ಸ್ ಗಳು ಸಹ ಸೋಶಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿರುತ್ತವೆ. 

ಶ್ರಾವಣಿ ಸುಬ್ರಹ್ಮಣ್ಯ ಸೀರಿಯಲ್ ಬಗ್ಗೆ ಹೇಳೋದಾದ್ರೆ, ಈ ಜೋಡಿ ನಿಜವಾಗಿಯೂ ಮದುವೆಯಾಗದೇ ಇದ್ದರೂ ಸಹ ಇದೀಗ ವಿಶಾಲೂ ಸುಬ್ಬು ಕೈಯಿಂದ ಸಹಿ ಪಡೆದ ಕಾರಣ ಮ್ಯಾರೇಜ್ ರಿಜಿಸ್ಟರ್ ಅಂತೂ ಆಗಿದೆ. ಆದರೆ ಇದು ವಿಜಯಾಂಬಿಕಾ ಹಾಗೂ ಶ್ರೀವಲ್ಲಿಗೆ ಮಾತ್ರ ಇದು ನುಂಗಲಾರದ ತುತ್ತಾಗಿದೆ. ಇನ್ನು ಮುಂದೆ ಏನಾಗುತ್ತೆ? ಕೊನೆಗಾದ್ರೂ ಸುಬ್ರಹ್ಮಣ್ಯನಿಗೆ ಶ್ರಾವಣಿ ಮೇಲೆ ಲವ್ ಆಗುತ್ತಾ ಅನ್ನೋದನ್ನು ಕಾದು ನೋಡಬೇಕು. 

ಕರಿಯರ್ ಬಗ್ಗೆ ಹೇಳೋದಾದರೆ ಆಸಿಯಾ ಫಿರ್ದೋಸೆ ಈ ಹಿನ್ನೆ ಕನ್ಯಾಕುಮಾರಿ ಧಾರಾವಾಹಿಯಲ್ಲಿ ನಾಯಕಿ ಕನ್ನಿಕಾ ಆಗಿ ನಟಿಸಿದ್ದರು. ಇನ್ನು ಅಮೋಘ್ ಸತ್ಯ ಸೀರಿಯಲ್ ಸೇರಿ ಹಲವಾರು ಧಾರಾವಾಹಿಗಳ ಪೋಷಕ ನಟನ ಪಾತ್ರದಲ್ಲಿ ಮಿಂಚಿದ್ದರು. ಇದೇ ಮೊದಲ ಬಾರಿಗೆ ಶ್ರಾವಣಿ ಸುಬ್ರಹ್ಮಣ್ಯದ ಮೂಲಕ ನಾಯಕ ಆಗಿದ್ದಾರೆ.