ನಿರೂಪಕಿ ಶ್ವೇತಾ ಚೆಂಗಪ್ಪರನ್ನ ನೋಡಿದ್ರೆ ವಯಸ್ಸು ರಿವರ್ಸ್ ಗೇರ್ ಅಲ್ಲಿ ಹೋಗ್ತಿದ್ಯಾ ಅನ್ಸಲ್ವಾ?

ಕನ್ನಡ ಕಿರುತೆರೆ ನಟಿ, ನಿರೂಪಕಿ ಶ್ವೇತಾ ಚೆಂಗಪ್ಪ, ಬರ್ತಾ ಬರ್ತಾ ತುಂಬಾನೆ ಮುದ್ದು ಮುದ್ದಾಗಿ ಕಾಣಿಸ್ತಿದ್ದಾರೆ. ಇವರಿಗೆ ವಯಸ್ಸು ಆಗೋದೆ ಇಲ್ವ ಅಂತ ಕೇಳ್ತಿದ್ದಾರೆ ಜನ.   

ಸುಮತಿ ಧಾರಾವಾಹಿ ಮೂಲಕ 2003ರಲ್ಲಿ ಕನ್ನಡ ಕಿರುತೆರೆಗೆ ಎಂಟ್ರಿ ಕೊಟ್ಟ ನಟಿ ಶ್ವೇತಾ ಚೆಂಗಪ್ಪ (Shwetha Chengappa), ಆಮೇಲೆ ಹಿಂದಿರುಗಿ ನೋಡಿಯೇ ಇಲ್ಲ. ಕಳೆದ ಇಪ್ಪತ್ತು ವರ್ಷಗಳಿಂದ ನಟಿ ಕನ್ನಡ ಕಿರುತೆರೆಯಲ್ಲಿ ನಟಿಯಾಗಿ, ನಿರೂಪಕಿಯಾಗಿ ಮಿಂಚುತ್ತಿದ್ದಾರೆ. ಇಪ್ಪತ್ತು ವರ್ಷಗಳ ಬಳಿಕವೂ ಇವರ ಬೇಡಿಕೆ ಕಡಿಮೆಯಾಗಿಲ್ಲ, ಜೊತೆಗೆ ಇವರ ಸೌಂದರ್ಯವೂ ಕಡಿಮೆಯಾಗಿಲ್ಲ. 

ಶ್ವೇತಾ ಚೆಂಗಪ್ಪಗೆ ಹೆಚ್ಚಿನ ಜನಪ್ರಿಯತೆ ತಂದುಕೊಟ್ಟಿದ್ದು, ಕಾದಂಬರಿ ಧಾರಾವಾಹಿ (Kadambari serial). ಉದಯಟಿವಿಯಲ್ಲಿ ಪ್ರಸಾರವಾಗುತ್ತಿದ್ದ ಈ ಧಾರಾವಾಹಿ ನಾಲ್ಕು ವರ್ಷಗಳ ಕಾಲ ಪ್ರಸಾರವಾಗುವ ಮೂಲಕ ಭರ್ಜರಿ ಟಿಆರ್’ಪಿ ತಂದು ಕೊಟ್ಟಿದ್ದು. ಇದಾದ ನಂತರ ಇವರು ಸುಕನ್ಯಾ ಹಾಗೂ ಅರುಂಧತಿ ಧಾರಾವಾಹಿಯಲ್ಲೂ ನಟಿಸಿದ್ದರು. ನಾಲ್ಕು ಧಾರಾವಾಹಿಗಳಲ್ಲೂ ಟೈಟಲ್ ಪಾತ್ರವನ್ನು ಇವರು ಹೊಂದಿದ್ದರು. 

ಇದಾದ ನಂತರ ‘ಯಾರಿಗುಂಟು ಯಾರಿಗಿಲ್ಲ’ ಎನ್ನುವ ರಿಯಾಲಿಟಿ ಶೋ ನಿರೂಪಣೆ ಆರಂಭಿಸಿದರು. ಆ ಮೂಲಕ ನಟನೆಯ ಜೊತೆಗೆ ನಿರೂಪಣೆಗೂ ಸೈ ಎನಿಸಿದರು. ನಂತರ ಶ್ವೇತಾ ನಟನೆಯಿಂದ ದೂರ ಉಳಿದು ನಿರೂಪಣೆಯಲ್ಲಿ ತಮ್ಮನ್ನು ತೊಡಗಿಸಿಕೊಂಡರು. ಕುಣಿಯೋಣ ಬಾರಾ, ಡ್ಯಾನ್ಸ್ ಜ್ಯೂನಿಯರ್ಸ್ ಡ್ಯಾನ್ಸ್, ಮಜಾಟಾಕೀಸ್, ಕನ್ನಡದ ಬಿಗ್ ಬಾಸ್ ಸೀಸನ್ 2, ನಮ್ಮಮ್ಮ ಸೂಪರ್ ಸ್ಟಾರ್, ಛೋಟಾ ಚಾಂಪಿಯನ್, ಕಾಮಿಡಿ ಕಿಲಾಡಿಗಳು ರೀಲೋಡೆಡ್ ಮೊದಲಾದ ಕಾರ್ಯಕ್ರಮಗಳಲ್ಲಿ ನಿರೂಪಕಿಯಾಗಿ, ಸ್ಪರ್ಧಿಯಾಗಿ ಮಿಂಚಿದ್ದು, ಇಂದಿಗೂ ಕಿರುತೆರೆಯಲ್ಲಿ ಬಹು ಬೇಡಿಕೆಯ ನಿರೂಪಕಿಯಾಗಿದ್ದಾರೆ. 

ಸೋಶಿಯಲ್ ಮೀಡಿಯಾದಲ್ಲಿ (Social media) ಆಕ್ಟೀವ್ ಆಗಿರುವ ಶ್ವೇತಾ ಚೆಂಗಪ್ಪ ಹೆಚ್ಚಾಗಿ ತಮ್ಮ ಫೋಟೊ ಶೂಟ್ ಗಳನ್ನು, ಮಗನ ಜೊತೆಗಿನ ಮೋಜು ಮಸ್ತಿಗಳ ಫೋಟೊ, ಫ್ಯಾಮಿಲಿ ಟೂರ್ ಫೋಟೊಗಳನ್ನು ಶೇರ್ ಮಾಡುತ್ತಿರುತ್ತಾರೆ. ಇದೀಗ ನಟಿ ತಮ್ಮ ಫೋಟೊಗಳನ್ನು ಪೋಸ್ಟ್ ಮಾಡಿದ್ದು, ತುಂಬಾನೆ ಮುದ್ದಾಗಿ ಕಾಣಿಸುತ್ತಿದ್ದಾರೆ. ಇವರ ಫೋಟೊಗಳನ್ನ ನೋಡಿದ್ರೆ, ಈಗಷ್ಟೇ ಕಾಲೇಜು ಮುಗಿಸಿ ಬಂದ ಯುವತಿ ಥರ ಕಾಣಿಸ್ತಿದ್ದಾರೆ. 

ತಮ್ಮ ಫೋಟೊ ಜೊತೆಗೆ ಶ್ವೇತಾ ನೀವು ಎಂದಿಗೂ ಪಡೆಯದ ಪ್ರೀತಿ ನೀವಾಗಿ. ನಿಮ್ಮನ್ನು ನೀವು ಪ್ರೀತಿಸಿ. ಈ ಕ್ಷಣವನ್ನು ಪ್ರೀತಿಸಿ. ಯಾಕಂದ್ರೆ ಈ ನಿಮಿಷದಲ್ಲಿ ನಿಮ್ಮ ಬಳಿ ಏನಿದೆಯೋ ಅದು ಜೀವನದ ಉಡುಗೊರೆಯಾಗಿದೆ ಎಂದು ಬರೆದುಕೊಂಡಿದ್ದಾರೆ. ಫ್ಲೋರಲ್ ಸ್ಕರ್ಟ್ ಜೊತೆಗೆ ಬಿಳಿ ಬಣ್ಣದ ಕ್ರಾಪ್ ಟಾಪ್ ಧರಿಸಿರುವ ಶ್ವೇತಾ ತುಂಬಾನೆ ಸುಂದರವಾಗಿ ಕಾಣಿಸ್ತಿದ್ದಾರೆ. ಇವರ ಲುಕ್ ನೋಡಿ ಜನ ಇವರಿಗೆ ವಯಸ್ಸು ರಿವರ್ಸ್ ಗೇರಲ್ಲಿ ಸಾಗುತ್ತೆ ಅನ್ಸತ್ತೆ ಎಂದು ಹೇಳಿದ್ದಾರೆ.