ಅಕ್ಕಾರೆ..ಅಕ್ಕೋರೆ ಎನ್ನುತ್ತಾ ಭೂಮಿಕಾ ಹಿಂದೆ ಸುತ್ತೋ ಅಮೃತಧಾರೆಯ ಮುಗ್ಧೆ ಮಲ್ಲಿ ಇವರೇನಾ?

ಅಮೃತಧಾರೆಯಲ್ಲಿ ಹಳ್ಳಿಯ ಮುಗ್ಧ ಹುಡುಗಿ ಮಲ್ಲಿ ಪಾತ್ರದಲ್ಲಿ ರಾಧಾ ಭಗವತಿ ನಟಿಸುತ್ತಿದ್ದು, ನಿಜ ನೀಜನದಲ್ಲಿ ಇವರು ಸಖತ್ ಸ್ಟೈಲಿಶ್ ಆಗಿದ್ದಾರೆ.   

ಝೀ ಕನ್ನಡದಲ್ಲಿ ಪ್ರಸಾರವಾಗುತ್ತಿರುವ ಜನಪ್ರಿಯ ಅಮೃತಧಾರೆ (Amruthadhare) ಧಾರಾವಾಹಿಯಲ್ಲಿ ಮುಗ್ಧ ಹಳ್ಳಿ ಹುಡುಗಿ ಮತ್ತು ಕೆಡಿ ಜೈದೇವ್ ಹೆಂಡ್ತಿಯಾಗಿ ಅದ್ಭುತವಾಗಿ ನಟಿಸುತ್ತಿರುವ ನಟಿ ರಾಧಾ ಭಗವತಿ ನಿಜ ಜೀವನದಲ್ಲಿ ಸಖತ್ ಸ್ಟೈಲಿಶ್. 

ಧಾರಾವಾಹಿಯಲ್ಲಿ ಯಾವಾಗ್ಲೂ ಸೀರೆಯುಟ್ಟು, ತಲೆತುಂಬಾ ಹೂ ಮುಡಿದು, ಕೈತುಂಬಾ ಬಳೆ ತೊಟ್ಟು ಮೋಸ ಮಾಡುತ್ತಿರುವ ಗಂಡನ ಬುದ್ದಿಯನ್ನೂ ತಿಳಿಯದೇ ಆತ ಹೇಳ್ತಿರೋದನ್ನೆಲ್ಲಾ ನಂಬಿಕೊಂಡು, ಗಂಡನನ್ನು ದೇವರಂತೆ ಪ್ರೀತಿ ಮಾಡುವ ಹಳ್ಳಿ ಹುಡುಗಿ ಪಾತ್ರದಲ್ಲಿ ಅಪ್ಪಟ ಗ್ರಾಮೀಣ ಪ್ರತಿಭೆಯಂತೆ ನಟಿಸಿ ಸೈ ಎನಿಸಿಕೊಂಡಿದ್ದಾರೆ ರಾಧಾ. (Radha Bhagavathi) 

ರಾಧಾ ನಿಜ ಜೀವನದಲ್ಲಿ ಸಖತ್ ಸ್ಟೈಲಿಶ್. ಈಕೆ ಮಾಡೆಲ್ ಕೂಡ ಹೌದು. ಹಲವಾರು ಫ್ಯಾಷನ್ ಶೋಗಳಲ್ಲಿ (fashion show) ರ್ಯಾಂಪ್ ವಾಕ್ ಮಾಡಿರುವ ಈಕೆಯ ಹೊಸ ಫೋಟೋಗಳು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿವೆ. ಇವರೇನಾ ಅಮೃತಧಾರೆಯ ಮಲ್ಲಿ ಎನ್ನುವಷ್ಟು ವಿಭಿನ್ನವಾಗಿ ಕಾಣುತ್ತಿದ್ದಾರೆ ನಟಿ. 

ಕೆಂಪು ಬಣ್ಣದ ಫುಲ್ ಲೆಂಗ್ತ್ ಹೆವಿ ಗೌನ್ ಧರಿಸಿರುವ ರಾಧ ಬೋಲ್ಡ್ ಆಗಿ ಪೋಸ್ ನೀಡಿದ್ದು, ತುಂಬಾ ಸ್ಟೈಲಿಶ್ ಆಗಿ ಕಾಣಿಸುತ್ತಿದ್ದಾರೆ. ಇವರ ಫೋಟೋಗಳಿಗೆ ಭಾರಿ ಮೆಚ್ಚುಗೆ ಕೂಡ ವ್ಯಕ್ತವಾಗಿದ್ದು, ಅಭಿಮಾನಿಗಳಿಗೆ ರಾಧಾ ಹೊಸ ಲುಕ್ ತುಂಬಾ ಇಷ್ಟವಾಗಿದೆ. 

ನಿನ್ನ ಅಂದ ನೋಡಿ ಏಂಜಲ್‌ಗಳಿಗೆ ಭಯ ಹುಟ್ಟಿದೆ, ತುಂಬಾ ಸುಂದರವಾಗಿ ಕಾಣಿಸ್ತಿದ್ದೀರಿ, ಮಾಡರ್ನ್ ಮಲ್ಲಿ, ಬ್ಯೂಟಿಫುಲ್, ಎಂದು ಕಾಮೆಂಟ್ ಮಾಡುತ್ತಾ ಹಾರ್ಟ್ ಇಮೋಜಿಗಳ ಸುರಿಮಳೆಯನ್ನೇ ಸುರಿಸಿದ್ದಾರೆ ಅಭಿಮಾನಿಗಳು. 

ಈ ಹಿಂದೆ ರಾಮಾಚಾರಿ ಧಾರಾವಾಹಿಯಲ್ಲಿ ರಾಮಾಚಾರಿಯ ತಂಗಿ ಪಾತ್ರದಲ್ಲಿ ನಟಿಸಿದ್ದ ರಾಧಾ, ನಂತರ ಅಮೃತಧಾರೆಯಲ್ಲಿ ಕಾಣಿಸಿಕೊಂಡರು. ಅಷ್ಟೇ ಅಲ್ಲ ಇವರು ಈಗಾಗಲೇ ಅಪಾಯವಿದೆ ಎಚ್ಚರಿಕೆ, ವಸಂತ ಕಾಲದ ಹೂವುಗಳು, ಒಂದ್ಸಲ ಮೀಟ್ ಮಾಡೋಣ ಮೊದಲಾದ ಸಿನಿಮಾಗಳಲ್ಲೂ ನಟಿಸಿದ್ದಾರೆ. ಈಕೆ ಹಿನ್ನೆಲೆ ಗಾಯಕಿ, ಕಂಠದಾನ ಕಲಾವಿದೆಯೂ ಹೌದು.