ಕಷ್ಟಪಡೋರು ನೀವು, ನಾವು ಪೇಂಟಿಂಗ್​ನಲ್ಲಿ ಬಣ್ಣಗಳಷ್ಟೇ: Amruthadhaare ನಟಿ ಛಾಯಾ ಸಿಂಗ್​

'ಅಮೃತಧಾರೆ' ಖ್ಯಾತಿಯ ನಟಿ ಛಾಯಾ ಸಿಂಗ್ 'ಜೋಡಿ ನಂಬರ್ 1' ರಿಯಾಲಿಟಿ ಶೋನಲ್ಲಿ ತೀರ್ಪುಗಾರರಾಗಿದ್ದಾರೆ. ಈ ವೇಳೆ ಸ್ಪರ್ಧಿಗಳನ್ನು ಉದ್ದೇಶಿಸಿ ಮಾತನಾಡಿದ ಅವರು, 'ನಿಜವಾಗಿಯೂ ಕಷ್ಟಪಡುವುದು ನೀವು, ನಾವಲ್ಲ' ಎಂದು ಹೇಳಿರುವ ಮಾತುಗಳು ವೈರಲ್ ಆಗಿವೆ.

ಜೋಡಿ ನಂಬರ್​ 1 ನಲ್ಲಿ ಛಾಯಾ ಸಿಂಗ್

ಅಮೃತಧಾರೆ ಸೀರಿಯಲ್​ (Amruthadhaare Serial) ಭೂಮಿಕಾ ಉರ್ಫ್​ ನಟಿ ಛಾಯಾ ಸಿಂಗ್​ ಅವರು ಸದ್ಯ ಜೀ ಕನ್ನಡದ ಜೋಡಿ ನಂಬರ್​ 1 ರಿಯಾಲಿಟಿ ಷೋನಲ್ಲಿ ತೀರ್ಪುಗಾರರಾಗಿ ಆಗಮಿಸಿದ್ದಾರೆ.

ಸ್ಪರ್ಧಿಗಳನ್ನು ಹುರಿದುಂಬಿಸಲು ಮಾತು

ಸ್ಪರ್ಧಿಗಳನ್ನು ಹುರಿದುಂಬಿಸಲು ಅವರು ಆಡಿರುವ ಮಾತುಗಳು ಈಗ ಸೋಷಿಯಲ್​ ಮೀಡಿಯಾದಲ್ಲಿ ಸಾಕಷ್ಟು ವೈರಲ್​ ಆಗುತ್ತಿದೆ.

ನಾವು ಪೇಂಟಿಂಗ್​ನಲ್ಲಿ ಬಣ್ಣಗಳಷ್ಟೇ

ಕಷ್ಟಪಡೋರು ನೀವು, ನಾವು ಪೇಂಟಿಂಗ್​ನಲ್ಲಿ ಬಣ್ಣಗಳಷ್ಟೇ. ನಾವೇನು ಮಾಡ್ತೀವಿ, ದಿನ ಪೂರ್ತಿ ಈ ಸೀಟ್​ನಲ್ಲಿ ಕುಳಿತುಕೊಂಡು ಇರ್ತೇವೆ. ಬೇಕಾದಾಗ ಎಲ್ಲಾ ಸಿಗುತ್ತೆ. ನೀವು ಕಷ್ಟಪಡ್ತಾ ಇರೋರು ಎಂದಿದ್ದಾರೆ.

ನಾವು ಹೈಲೈಟ್​ ಆಗ್ತೇವೆ

ನಾವು ಈ ಜಾಗದಲ್ಲಿ ಇರೋದಕ್ಕೆ ಹೈಲೈಟ್​ ಆಗ್ತಾಇದ್ದೇವೆ ಅಷ್ಟೇ. ನನ್ನ ಅಮ್ಮ ಕೂಡ ಅಯ್ಯೋ ಬೆಳಿಗ್ಗೆಯಿಂದ ಸಂಜೆಯವರೆಗೆ ಜೋಡಿ ನಂಬರ್​ 1ನಲ್ಲಿ ಕೆಲಸ ಮಾಡಿ ಬಂದು ಸುಸ್ತಾಗಿದ್ಯಾ ಅಂತಾರೆ. ಆದರೆ ನಿಜಕ್ಕೂ ಕಷ್ಟ ಪಡೋದು ನಾವಲ್ಲ ಎಂದಿದ್ದಾರೆ.

ಸ್ಪರ್ಧಿಗಳಿಂದಾಗಿಯೇ ನಾವು ಇರೋದು

ಸ್ಪರ್ಧಿಗಳಿಂದಾಗಿಯೇ ನಾವು ಇರೋದು, ನೀವೇ ಎಲ್ಲರಿಗೂ ಮುಖ್ಯ. ನಾವಲ್ಲ. ನಿಮ್ಮ ಸಾಧನೆನೇ ಮುಖ್ಯ ಎಂದು ನಟಿ ಛಾಯಾ ಸಿಂಗ್​ ಹೇಳಿದ್ದಾರೆ.