ಕನ್ನಡ ಕಿರುತೆರೆ ತಾರೆಯರಾದ ಅಮೂಲ್ಯ ಗೌಡ- ನಿರಂಜನ್ ಸಿನಿಮಾ ರಂಗದ ಖ್ಯಾತ ನಟ ಸೋನು ಸೂದ್ ಜೊತೆ ಫೋಟೊ ತೆಗೆಸಿಕೊಂಡಿದ್ದು, ಅಮೂಲ್ಯ-ನಿರಂಜನ್ ಜೋಡಿಯನ್ನು ಜೊತೆಯಾಗಿ ನೋಡಿ ಅಭಿಮಾನಿಗಳು ಖುಷಿಯಾಗಿದ್ದಾರೆ.
ಶ್ರೀ ಗೌರಿ ಧಾರಾವಾಹಿಯಲ್ಲಿ ಗೌರಿಯಾಗಿ ನಟಿಸುತ್ತಿರುವ ನಟಿ ಅಮೂಲ್ಯ ಗೌಡ (Amulya Gowda) ಇದೀಗ ತಮ್ಮ ಸೋಶಿಯಲ್ ಮೀಡಿಯಾದಲ್ಲಿ ಬಾಲಿವುಡ್ ಸ್ಟಾರ್ ನಟ ಸೋನು ಸೂದ್ ಜೊತೆಗೆ ತೆಗೆಸಿಕೊಂಡಿರುವ ಫೋಟೊವನ್ನು ಅಪ್ ಲೋಡ್ ಮಾಡಿದ್ದು, ಕೊರೋನಾ ಹೀರೋನ ಭೇಟಿ ಮಾಡಿದ ಸಂಭ್ರಮವನ್ನು ಅಭಿಮಾನಿಗಳೊಂದಿಗೆ ಹಂಚಿಕೊಂಡಿದ್ದಾರೆ.
ವಿಮಾನ ನಿಲ್ಡಾಣದಲ್ಲಿ ಸೋನು ಸೂದ್ (Sonu Sood) ಅವರನ್ನ ಭೇಟಿಯಾಗಿರುವ ಬಗ್ಗೆ ಬರೆದಿರುವ ಅಮೂಲ್ಯ ಹಿಂದಿನ ದಿನ ನಾನು ಸೋನು ಸೂದ್ ಸರ್ ಅವರನ್ನು ವಿಮಾನ ನಿಲ್ದಾಣದಲ್ಲಿ ಭೇಟಿಯಾಗಿದ್ದು, ನನ್ನ ಜೀವನದ ಮರೆಯಲಾಗದ ಕ್ಷಣವಾಗಿತ್ತು, ಮತ್ತು ಕಾಕತಾಳೀಯವಾಗಿ, ನಾವು ಒಂದೇ ವಿಮಾನದಲ್ಲಿ ಪ್ರಯಾಣ ಮಾಡುತ್ತಿದ್ದೆವು.
ಸಾಮಾನ್ಯವಾಗಿ, ನಾನು ತುಂಬಾನೆ ನಾಚಿಕೆ ಸ್ವಭಾವದವಳು ಮತ್ತು ಸೆಲೆಬ್ರಿಟಿಗಳೊಂದಿಗೆ ಸೆಲ್ಫಿಗಳನ್ನು ಕೇಳುವ ಅಭ್ಯಾಸವೂ ಇಲ್ಲ, ಆದರೆ ಸೋನು ಸರ್ ಬಗ್ಗೆ ಏನೋ ಅಭಿಮಾನ. ಅವರು ಸೂಪರ್ಸ್ಟಾರ್ ಎಂಬ ಕಾರಣಕ್ಕಾಗಿ ಅಲ್ಲ, ಆದರೆ ಅವರೊಬ್ಬ ಅದ್ಭುತ ವ್ಯಕ್ತಿಯಾಗಿರೋದಕ್ಕೆ. ಕೋವಿಡ್ ಸಮಯದಲ್ಲಿ ಅವರು ಜನರಿಗೆ ಮಾಡಿದಂತಹ ಸಹಾಯಗಳು ನನಗೆ ಸ್ಫೂರ್ತಿ ನೀಡಿವೆ. ಜಗತ್ತಿನಲ್ಲಿ ಅಂತಹ ನಿಜವಾದ ಒಳ್ಳೆಯ ಹೃದಯದ ಜನರಿದ್ದಾರೆ ಎಂದು ನಂಬುವುದು ಕಷ್ಟ, ಆದರೆ ಸೋನು ಸೂದ್ ಸರ್ ಅವರಲ್ಲಿ ಒಬ್ಬರು ಎಂದು ಬರೆದುಕೊಂಡಿದ್ದಾರೆ.
ಅಷ್ಟೇ ಅಲ್ಲ ನಾನು ನನ್ನನ್ನು ಪರಿಚಯಿಸಿಕೊಂಡಾಗ, ನಾನು ಮನರಂಜನಾ ಇಂಡಸ್ಟ್ರಿಯಲ್ಲಿ ಕೆಲಸ ಮಾಡುತ್ತಿದ್ದೇನೆ ಎಂದು ನಾನು ಆರಂಭದಲ್ಲಿ ಹೇಳಿರಲಿಲ್ಲ, ಆದರೆ ನನ್ನ ಸ್ನೇಹಿತ ಅವರ ಬಳಿ ಎಲ್ಲವನ್ನೂ ಹೇಳಿದರು, ಆಶ್ಚರ್ಯ ಎಂಬಂತೆ, ಸೋನು ಸರ್ ನಿಜವಾಗಿಯೂ ನಮ್ಮ ಬಗ್ಗೆ ತಿಳಿದುಕೊಳ್ಳೊದಕ್ಕೆ ಉತ್ಸುಕರಾಗಿದ್ದರು. ಇಂಡಷ್ತ್ರಿ ನಮ್ಮನ್ನು ಹೇಗೆ ನಡೆಸಿಕೊಳ್ಳುತ್ತಿದೆ ಎಂದು ಅವರು ಕೇಳಿದರು. ಅಷ್ಟೇ ಅಲ್ಲ ಗುಡ್ ಲಕ್ ಎಂದು ಹಾರೈಸಿದರು ಎಂದು ಅಮೂಲ್ಯ ಭಾವುಕರಾಗಿ ಬರೆದುಕೊಂಡಿದ್ದಾರೆ.
ನಮ್ಮ ಮಾತುಕತೆ ಸಣ್ಣದಾಗಿದ್ದರೂ ಸಹ, ಅವರ ಮಾತುಗಳು ನನ್ನ ಜೀವನದಲ್ಲಿ ಶಾಶ್ವತ ಪರಿಣಾಮ ಬೀರಿದೆ. ಅವರ ಎಲ್ಲಾ ಖ್ಯಾತಿ ಮತ್ತು ಯಶಸ್ಸಿನ ಹೊರತಾಗಿಯೂ, ಅವರು ತುಂಬಾ ಡೌನ್ ಟು ಅರ್ತ್ ಮತ್ತು ವಿನಮ್ರರಾಗಿ ಉಳಿದಿದ್ದಾರೆ. ಇಷ್ಟು ದೊಡ್ಡ ಹೃದಯ ಮತ್ತು ಆತ್ಮವನ್ನು ಹೊಂದಿರುವ ವ್ಯಕ್ತಿಯನ್ನು ಭೇಟಿಯಾಗಿ ತುಂಬಾನೆ ಖುಷಿಯಾಗಿದೆ ಎಂದಿದ್ದಾರೆ ಅಮೂಲ್ಯ.
ಇನ್ನು ಅಮೂಲ್ಯ ಇದಕ್ಕೆ ಸಂಬಂಧಿಸಿದ ಎರಡು ಫೋಟೊಗಳನ್ನು ಹಾಕಿದ್ದು, ಒಂದರಲ್ಲಿ ಸೋನು ಸೂದ್ ಜೊತೆ ತಾವು ನಿಂತು ತೆಗೆಸಿಕೊಂಡಿರೋ ಫೋಟೊ ಇದೆ, ಇನ್ನೊಂದರಲ್ಲಿ ಸೋನು ಸೂದ್ ಜೊತೆ ಅಮೂಲ್ಯ ಮತ್ತು ನಿರಂಜನ್ (Niranjan) ಜೊತೆಯಾಗಿ ನಿಂತು ಫೋಟೊ ತೆಗೆಸಿಕೊಂಡಿದ್ದಾರೆ. ನಿರಂಜನ್ ಮತ್ತು ಅಮೂಲ್ಯರನ್ನು ಜೊತೆಯಾಗಿ ನೋಡಿ ಅಭಿಮಾನಿಗಳಂತೂ ಸಖತ್ ಖುಷಿಪಟ್ಟಿದ್ದಾರೆ. ಕಮಲಿ ಸೀರಿಯಲ್ ನಲ್ಲಿ ಅಮೂಲ್ಯ ಕಮಲಿಯಾಗಿ ಹಾಗೂ ನಿರಂಜನ್ ರಿಷಿ ಸರ್ ಆಗಿ ನಟಿಸಿದ್ದರು. ಇವರಿಬ್ಬರ ಜೋಡಿ ಭಾರಿ ಜನಪ್ರಿಯತೆ ಪಡೆದಿತ್ತು.
ಇನ್ನು ಅಮೂಲ್ಯ ಸದ್ಯ ಕಲರ್ಸ್ ಕನ್ನಡದ ಶ್ರೀ ಗೌರಿ ಧಾರಾವಾಹಿಯಲ್ಲಿ ನಟಿಸುತ್ತಿದ್ದರೆ, ನಿರಂಜನ್ ಸ್ಟಾರ್ ಸುವರ್ಣದಲ್ಲಿ ಹೊಸದಾಗಿ ಆರಂಭವಾಗಿರುವ ನಿನ್ನ ಜೊತೆ ನನ್ನ ಕಥೆ ಧಾರಾವಾಹಿಯಲ್ಲಿ ಇನ್ಸ್ಪೆಕ್ಟರ್ ಅಜಿತ್ ಆಗಿ ನಟಿಸುತ್ತಿದ್ದಾರೆ. ಇಬ್ಬರನ್ನು ವರ್ಷಗಳ ನಂತ್ರ ಜೊತೆಯಾಗಿ ನೋಡಿರೋದಕ್ಕೆ ಅಭಿಮಾನಿಗಳು ಸಂತಸ ವ್ಯಕ್ತಪಡಿಸಿದ್ದಾರೆ. ನಿರುಲ್ಯಾ ಜೋಡಿ ಮತ್ತೆ ಒಂದಾಗಿರೋದು ಕಣ್ಣಿಗೆ ಹಬ್ಬ ಅಂತಿದ್ದಾರೆ ಜನ, ಅಷ್ಟೇ ಅಲ್ಲ ಇಬ್ಬರು ಯಾವಾಗ ಮದ್ವೆ ಆಗ್ತೀರಿ ಅಂತಾನೂ ಕೇಳಿದ್ದಾರೆ.