ಅಂಜನ್‌ ಚಿತ್ರದ ಟ್ರೇಲರ್‌ ಬಿಡುಗಡೆ!

ಶಾಸಕ ರವಿ ಸುಬ್ರಮಣ್ಯ ಅವರು ಅಂಜನ್‌ ಚಿತ್ರದ ಟ್ರೇಲರ್‌ ಬಿಡುಗಡೆ ಮಾಡಿದ್ದಾರೆ. ನಿರ್ದೇಶಕ ಆರ್‌ ಸಾಗರ್‌ಗೆ ಶುಭಾ ಹಾರೈಸಿದ್ದಾರೆ.   

‘ಅಂಜನ್‌’ ಚಿತ್ರದ ಟ್ರೇಲರ್‌ ಅನ್ನು ಶಾಸಕ ರವಿ ಸುಬ್ರಮಣ್ಯ ಬಿಡುಗಡೆ ಮಾಡಿದ್ದಾರೆ. ‘ನಾನು ಈ ಚಿತ್ರದ ದೃಶ್ಯಗಳನ್ನು ನೋಡಿದ್ದೇನೆ. ಆ್ಯಕ್ಷನ್‌ ಸಿನಿಮಾ.

ಕುತೂಹಲಕಾರಿ ಆಗಿದೆ. ಈ ಚಿತ್ರಕ್ಕೆ ಯಶಸ್ಸು ಸಿಗಲಿ’ ಎಂದು ಶಾಸಕರು ಹಾರೈಸಿದ್ದಾರೆ. ಯೂರೋಪ್‌ನಲ್ಲಿ ನೆಲೆಸಿರುವ ಇಂಜಿನಿಯರ್‌ ಪ್ರದೀಪ್‌ ಸೋನ್ಸ್‌ ಈ ಚಿತ್ರವನ್ನು ನಿರ್ಮಿಸಿದ್ದಾರೆ, ಚಿತ್ರದಲ್ಲಿ ಡಾನ್‌ ಪಾತ್ರದಲ್ಲೂ ನಟಿಸಿದ್ದಾರೆ.

ನಾಯಕನಾಗಿ ಅಂಜನ್‌, ತಂಗಿ ಪಾತ್ರದಲ್ಲಿ ಮಂಜುಳಮ್ಮ ನಟಿಸಿದ್ದಾರೆ. ‘ನಟನಾಗಬೇಕು ಎಂಬುದು ಚಿಕ್ಕಂದಿನಿಂದಲೂ ನನಗೆ ಇದ್ದ ಆಸೆ. 

ಅದು ಈ ಚಿತ್ರದ ಮೂಲಕ ಈಡೇರುತ್ತಿದೆ. ಒಳ್ಳೆಯ ಕತೆ ಇರುವ ಸಿನಿಮಾ’ ಎಂದರು ಅಂಜನ್‌. ಆರ್‌ ಸಾಗರ್‌ ಈ ಚಿತ್ರಕ್ಕೆ ಕತೆ, ಚಿತ್ರಕಥೆ ಬರೆದು ನಿರ್ದೇಶನ ಮಾಡಿದ್ದಾರೆ. 

ಗುರುದತ್‌ ಮುಸುರಿ ಕ್ಯಾಮೆರಾ ಚಿತ್ರಕ್ಕಿದೆ. ನಿರ್ದೇಶಕ ಗುರುಪ್ರಸಾದ್‌, ವಿತರಕ ಭಾಷಾ, ರಾಜುರೆಡ್ಡಿ, ಮೈಕೋಶಿವು ಚಿತ್ರತಂಡಕ್ಕೆ ಶುಭ ಕೋರಿದರು.