ಒಂದೇ ಫ್ರೇಮ್​ನಲ್ಲಿ ಸ್ಟಾರ್​ ನಟರ ಯುಗಾದಿ ವಿಷ್​: ರಾಜ್​, ಅಪ್ಪು, ವಿಷ್ಣು, ಅಂಬಿ ​ಕಂಡು ಫ್ಯಾನ್ಸ್​ ಪುಳಕ- AI Video Viral

ಕೃತಕ ಬುದ್ಧಿಮತ್ತೆ (AI) ಬಳಸಿ ರಚಿಸಲಾದ ವಿಡಿಯೋವೊಂದು ಯುಗಾದಿ ಹಬ್ಬದಂದು ವೈರಲ್ ಆಗಿದೆ. ಈ ವಿಡಿಯೋದಲ್ಲಿ ಡಾ.ರಾಜ್‌ಕುಮಾರ್, ಪುನೀತ್ ರಾಜ್‌ಕುಮಾರ್ ರಿಂದ ಹಿಡಿದು ಯಶ್, ದರ್ಶನ್, ಸುದೀಪ್‌ರಂತಹ ಇಂದಿನ ನಟರವರೆಗೆ ಎಲ್ಲರನ್ನೂ ಒಂದೇ ಫ್ರೇಮ್‌ನಲ್ಲಿ ಒಟ್ಟಿಗೆ ತರಲಾಗಿದೆ.

ಸ್ಟಾರ್​ ನಟರು

ಹೇಳಿ ಕೇಳಿ ಇದು ಕೃತಕ ಬುದ್ಧಿಮತ್ತೆ (AI) ಯುಗ. ಸತ್ತವರನ್ನೂ ಬದುಕಿಸಬಲ್ಲ, ಎಲ್ಲೋ ಇರುವವರನ್ನು ತಂದು ನಿಲ್ಲಿಸುವ, ದೂರ ದೂರ ಇದ್ದವರನ್ನು ಒಟ್ಟಿಗೇ ಮಾಡಿ ಖುಷಿಪಡಿಸುವ ತಾಕತ್ತು ಇರುವುದು ಈ ಎಐಗೆ ಮಾತ್ರ.

ಎಐ ಯುಗ

ಸೋಷಿಯಲ್ ಮೀಡಿಯಾದಲ್ಲಿ ಇಂಥ ಹಲವಾರು ವಿಡಿಯೋಗಳನ್ನು ನೋಡಬಹುದು. ಎಐನಿಂದ ಅದೆಷ್ಟೋ ಉದ್ಯೋಗಿಗಳು ಕೆಲಸ ಇಲ್ಲದೇ ಮನೆಗೆ ಹೋಗಬೇಕಾದ ಸ್ಥಿತಿ ಒಂದೆಡೆ ಇದ್ದರೆ, ಇದೇ ಎಐ ಬಳಸಿಕೊಂಡು ತಮ್ಮ ಇಷ್ಟದವರನ್ನು ಕರೆಸಿಕೊಳ್ಳುತ್ತಿದ್ದಾರೆ ಅಭಿಮಾನಿಗಳು.

ಯುಗಾದಿಗೆ ವಿಷ್​

ಇಂದು ಯುಗಾದಿ. ಯುಗಾದಿ ಹಬ್ಬಕ್ಕೆ ಇದಾಗಲೇ ಸಾಕಷ್ಟು ಸಿನಿಮಾ ತಾರೆಯರು ತಮ್ಮದೇ ಆದ ರೀತಿಯಲ್ಲಿ ವಿಷ್​ ಮಾಡಿದ್ದಾರೆ. ತಮ್ಮ ತಮ್ಮ ಸೋಷಿಯಲ್ ಮೀಡಿಯಾ ಖಾತೆಗಳಲ್ಲಿ ಶುಭಾಶಯ ಸಲ್ಲಿಸಿದ್ದಾರೆ.

ವಿಭಿನ್ನ ವಿಡಿಯೋ

ಆದರೆ, ಇದೀಗ ವಿಭಿನ್ನ ಎನ್ನುವ ವಿಡಿಯೋ ವೈರಲ್​ ಆಗುತ್ತಿದೆ. ಇದು ಎಐ ಮೂಲಕ ಮಾಡಿರುವ ವಿಡಿಯೋ ಆಗಿದ್ದು, ಬಹಳಷ್ಟು ಸ್ಟಾರ್​ ನಟರನ್ನು ಇದರಲ್ಲಿ ಒಟ್ಟಿಗೇ ನೋಡಬಹುದಾಗಿದೆ.

ಬಾಲಕ ಲೋಹಿತ್​

ಡಾ.ರಾಜ್​ ಮತ್ತು ಬಾಲಕ ಪುನೀತ್​ ರಾಜ್​ಕುಮಾರ್​ (ಲೋಹಿತ್​)ನನ್ನು ಹಿಡಿದುಕೊಂಡಿರುವುದರಿಂದ ಹಿಡಿದು ಇಂದಿನ ನಟರವರೆಗೆ ಈ ವಿಡಿಯೋದಲ್ಲಿ ನೋಡಬಹುದಾಗಿದೆ.

ಹಲವರು ಒಂದೇ ಫ್ರೇಮ್​ನಲ್ಲಿ

ಪುನೀತ್​ ರಾಜ್​ಕುಮಾರ್, ದರ್ಶನ್​, ಯಶ್​, ಸುದೀಪ್​, ಶಿವರಾಜ್​ ಕುಮಾರ್​, ರಿಷಬ್ ಶೆಟ್ಟಿ, ಉಪೇಂದ್ರ, ವಿಷ್ಣುವರ್ಧನ್​, ಅಂಬರೀಷ್​, ರಾಜ್​ ಬಿ.ಶೆಟ್ಟಿ ಸೇರಿದಂತೆ ಹಲವರನ್ನು ಒಂದೇ ಫ್ರೇಮ್​ನಲ್ಲಿ ನೋಡಬಹುದಾಗಿದೆ. siddarth_edits38 ಇನ್​ಸ್ಟಾಗ್ರಾಮ್​ನಲ್ಲಿ ಇದನ್ನು ಶೇರ್​ ಮಾಡಲಾಗಿದೆ.