ದೀರ್ಘ ಬ್ರೇಕ್‌ ಬಳಿಕ ಶಿವಣ್ಣ ಶೂಟಿಂಗ್‌ಗೆ ಹಾಜರ್‌: ಸೋಷಿಯಲ್ ಮೀಡಿಯಾದಲ್ಲಿ ಫೋಟೋ ಟ್ರೆಂಡಿಂಗ್‌

ಕ್ಯಾನ್ಸರ್‌ ಚಿಕಿತ್ಸೆ ಪಡೆದು ಬಂದಿರುವ ಶಿವಣ್ಣ ಅವರನ್ನು ಚಿತ್ರತಂಡ ಸಂಭ್ರಮದಿಂದ ಸೆಟ್‌ಗೆ ಬರಮಾಡಿಕೊಂಡಿದೆ. ಈ ಫೋಟೋ ಸೋಷಿಯಲ್ ಮೀಡಿಯಾದಲ್ಲಿ ಟ್ರೆಂಡಿಂಗ್‌ ಆಗಿದೆ.

ಎರಡು ತಿಂಗಳ ಬ್ರೇಕ್‌ ಬಳಿಕ ಶಿವರಾಜ್‌ ಕುಮಾರ್‌ ಮತ್ತೆ ಸಿನಿಮಾ ಶೂಟಿಂಗ್‌ನಲ್ಲಿ ಭಾಗಿಯಾಗಿದ್ದಾರೆ. ಕಾರ್ತಿಕ್‌ ಅದ್ವೈತ್‌ ನಿರ್ದೇಶನದ ಶಿವಣ್ಣ ಅಭಿನಯದ 131ನೇ ಸಿನಿಮಾ ಶೂಟಿಂಗ್‌ನಲ್ಲಿ ಲವಲವಿಕೆಯಿಂದ ಭಾಗಿಯಾಗಿದ್ದಾರೆ. 

ಕ್ಯಾನ್ಸರ್‌ ಚಿಕಿತ್ಸೆ ಪಡೆದು ಬಂದಿರುವ ಶಿವಣ್ಣ ಅವರನ್ನು ಚಿತ್ರತಂಡ ಸಂಭ್ರಮದಿಂದ ಸೆಟ್‌ಗೆ ಬರಮಾಡಿಕೊಂಡಿದೆ. ಈ ಫೋಟೋ ಸೋಷಿಯಲ್ ಮೀಡಿಯಾದಲ್ಲಿ ಟ್ರೆಂಡಿಂಗ್‌ ಆಗಿದೆ.

ಕಳೆದ ವರ್ಷ ಸೆಪ್ಟೆಂಬರ್‌ನಲ್ಲಿ ‘ಶಿವಣ್ಣ 131’ ಸಿನಿಮಾದ ಮೊದಲ ಹಂತದ ಚಿತ್ರೀಕರಣ ಮುಕ್ತಾಯವಾಗಿತ್ತು. ಇದೀಗ ಎರಡನೇ ಹಂತದ ಶೂಟಿಂಗ್‌ ಆರಂಭವಾಗಿದೆ. ಕ್ಯಾನ್ಸರ್‌ ಚಿಕಿತ್ಸೆ ಸಂದರ್ಭ ತಿರುಪತಿಗೆ ಮುಡಿಕೊಟ್ಟ ಕಾರಣ ವಿಗ್‌ ಧರಿಸಿ ಚಿತ್ರೀಕರಣದಲ್ಲಿ ಪಾಲ್ಗೊಳ್ಳುತ್ತಿದ್ದಾರೆ. 

ಶಿವಣ್ಣ ಈ ಸಿನಿಮಾದ ಚಿತ್ರೀಕರಣದಲ್ಲಿ ಮೊದಲ ದಿನ ಪಾಲ್ಗೊಂಡ ವೀಡಿಯೋವನ್ನು ಚಿತ್ರತಂಡ ಬಿಡುಗಡೆ ಮಾಡಿದೆ. ಶೀಘ್ರದಲ್ಲೇ ತೆಲುಗಿನ ರಾಮ್‌ಚರಣ್‌ ಸಿನಿಮಾ ಚಿತ್ರೀಕರಣದಲ್ಲೂ ಶಿವಣ್ಣ ಭಾಗಿಯಾಗಲಿದ್ದಾರೆ.

ಮೂತ್ರಕೋಶದ ಕ್ಯಾನ್ಸರ್‌ಗೆ ತುತ್ತಾಗಿದ್ದ ಶಿವಣ್ಣ ಚಿಕಿತ್ಸೆಗೆಂದು ಅಮೆರಿಕಾಗೆ ತೆರಳಿದ್ದು, ಅವರ ನಟನೆಯ ಸಾಲು ಸಾಲು ಸಿನಿಮಾ ಶೂಟಿಂಗ್‌ಗೆ ಬ್ರೇಕ್‌ ಬಿದ್ದಿತ್ತು. ಇದೀಗ ಮತ್ತೆ ಸಿನಿಮಾ ಸೆಟ್‌ನಲ್ಲಿ ಕಾಣಿಸಿಕೊಂಡಿದ್ದು ಶಿವಣ್ಣ ಅವರ ಕಂಬ್ಯಾಕ್‌ಗೆ ಅಭಿಮಾನಿಗಳು ಹರ್ಷ ವ್ಯಕ್ತಪಡಿಸಿದ್ದಾರೆ.