ಬಾಲಿವುಡ್ನ ಖ್ಯಾತ ನಟ ಮತ್ತು ಪ್ರಸಿದ್ಧ 'ಡಿಸ್ಕೋ ಡ್ಯಾನ್ಸರ್' ಮಿಥುನ್ ಚಕ್ರವರ್ತಿ ನಾಲ್ಕು ದಶಕಗಳಿಗೂ ಹೆಚ್ಚು ಕಾಲ ಚಲನಚಿತ್ರಗಳಲ್ಲಿ ಕೆಲಸ ಮಾಡುತ್ತಿದ್ದಾರೆ. ಇಂದಿಗೂ ಮಿಥುನ್ ಚಕ್ರವರ್ತಿ ಬೆಳ್ಳಿತೆರೆ ಮತ್ತು ಕಿರುತೆರೆಯಲ್ಲಿ ಸಕ್ರಿಯರಾಗಿದ್ದಾರೆ. ಮಿಥುನ್ ತಮ್ಮ ವೃತ್ತಿಜೀವನದಲ್ಲಿ ಹಿಟ್ ಜೊತೆಗೆ ಅನೇಕ ಫ್ಲಾಪ್ ಚಿತ್ರಗಳನ್ನೂ ನೀಡಿರುವುದು ವಿಶೇಷ. ನೀವು ಅವರ ಚಲನಚಿತ್ರಗಳ ಪಟ್ಟಿ ನೋಡಿದರೆ ಫ್ಲಾಪ್ಗಳ ಸಂಖ್ಯೆಯೇ ಹೆಚ್ಚು ಇರುತ್ತದೆ. ಹೌದು, ಮಿಥುನ್ 250 ಕ್ಕೂ ಹೆಚ್ಚು ಚಲನಚಿತ್ರಗಳಲ್ಲಿ ಕೆಲಸ ಮಾಡಿದ್ದು, ಸತತ 30 ಕ್ಕೂ ಹೆಚ್ಚು ಫ್ಲಾಪ್ ಚಲನಚಿತ್ರಗಳನ್ನು ನೀಡಿದ್ದಾರೆ. ಇದರ ಹೊರತಾಗಿಯೂ, ಮಿಥುನ್ಗೆ ಸಿನಿಮಾ ಮತ್ತು ಹಣದ ಕೊರತೆಯಿಲ್ಲ.
24
ಚೊಚ್ಚಲ ಚಿತ್ರಕ್ಕೇ ಬಂತು ರಾಷ್ಟ್ರ ಪ್ರಶಸ್ತಿ
ಮಿಥುನ್ 270 ಚಿತ್ರಗಳಲ್ಲಿ 180 ಸೂಪರ್ ಫ್ಲಾಪ್ಗಳನ್ನು ನೀಡಿದ್ದಾರೆ. ಇದರ ಹೊರತಾಗಿಯೂ, ಮಿಥುನ್ ಅವರನ್ನು ಸೂಪರ್ ಸ್ಟಾರ್ ಎಂದು ಕರೆಯಲಾಗುತ್ತದೆ. ಮಿಥುನ್ ಒರ್ವ ನಟ ಮಾತ್ರವಲ್ಲದೇ ರಾಜಕಾರಣಿ ಕೂಡ. ಇವರು 1989 ರಲ್ಲಿ ಸತತ 19 ಚಿತ್ರಗಳನ್ನು ಮಾಡಿದರು. ಮಿಥುನ್ ಅವರ ಈ ದಾಖಲೆ ಇಂದಿಗೂ ಹಾಗೆಯೇ ಇದೆ. 'ಮೃಗಯಾ' ಮೂಲಕ ಮಿಥುನ್ ಬಾಲಿವುಡ್ಗೆ ಪಾದಾರ್ಪಣೆ ಮಾಡಿದರು. ಈ ಚಿತ್ರದ ಮೂಲಕ, ನಟನಿಗೆ ರಾಷ್ಟ್ರೀಯ ಪ್ರಶಸ್ತಿಯ ಜೊತೆಗೆ ಬಾಲಿವುಡ್ನಲ್ಲಿ ಸ್ಥಾನ ಸಿಕ್ಕಿತು. 'ಡಿಸ್ಕೋ ಡ್ಯಾನ್ಸರ್' ಚಿತ್ರದ ಯಶಸ್ಸಿನ ನಂತರ, ಮಿಥುನ್ ಅವರ ಹೆಸರು ದೊಡ್ಡ ತಾರೆಯರ ತುಟಿಗಳಲ್ಲಿತ್ತು.
34
90 ರ ದಶಕದಲ್ಲಿ ಕುಸಿದ ತಾರಾಪಟ್ಟ
80ರ ದಶಕ ಮಿಥುನ್ ದಾದ ಅವರ ಯುಗವಾಗಿತ್ತು. ಆದರೆ 90ರ ದಶಕದಲ್ಲಿ ಸತತವಾಗಿ ಫ್ಲಾಪ್ ಚಿತ್ರಗಳು ಮಿಥುನ್ ಚಕ್ರವರ್ತಿ ಅವರ ತಾರಾಪಟ್ಟದ ಮೇಲೆ ದೊಡ್ಡ ಪರಿಣಾಮ ಬೀರಿತು. ಒಂದು ವರದಿಯ ಪ್ರಕಾರ, ಬಾಲಿವುಡ್ನಲ್ಲಿ ಅತಿ ಹೆಚ್ಚು ಫ್ಲಾಪ್ ಚಿತ್ರಗಳನ್ನು ನೀಡಿದ ದಾಖಲೆಯನ್ನು ಮಿಥುನ್ ಹೊಂದಿದ್ದಾರೆ. ಮಿಥುನ್ ನಂತರ, ನಟ ಜಿತೇಂದ್ರ ಫ್ಲಾಪ್ ಚಿತ್ರಗಳನ್ನು ನೀಡಿದ ದಾಖಲೆಯನ್ನು ಹೊಂದಿದ್ದಾರೆ. ಹಲವಾರು ಫ್ಲಾಪ್ ಚಿತ್ರಗಳನ್ನು ನೀಡಿದ ನಂತರವೂ ಮಿಥುನ್ ಧೈರ್ಯ ಕಳೆದುಕೊಳ್ಳಲಿಲ್ಲ. ಮಿಥುನ್ ತಮ್ಮ ಸಿನಿ ಜೀವನದಲ್ಲಿ 50 ಕ್ಕೂ ಹೆಚ್ಚು ಹಿಟ್ ಚಿತ್ರಗಳನ್ನು ನೀಡಿದ್ದಾರೆ. ಇದರಲ್ಲಿ 9 ಬ್ಲಾಕ್ಬಸ್ಟರ್ಗಳು ಮತ್ತು 9 ಸೂಪರ್ಹಿಟ್ ಚಿತ್ರಗಳು ಸೇರಿವೆ. ಮಿಥುನ್ ದೊಡ್ಡ ಬಜೆಟ್ನಿಂದ ಸಣ್ಣ ಬಜೆಟ್ವರೆಗೆ ಎಲ್ಲಾ ತರಹದ ಸಿನಿಮಾಗಳನ್ನು ಮಾಡಿದ್ದಾರೆ.
44
ಮಿಥುನ್ ಚಕ್ರವರ್ತಿ ನಿವ್ವಳ ಮೌಲ್ಯ
ವರದಿಗಳ ಪ್ರಕಾರ, ಮಿಥುನ್ ಹಲವು ಸಿನಿಮಾಗಳಲ್ಲಿ ನಟಿಸುವ ಮೂಲಕ ಸಾಕಷ್ಟು ಹಣ ಸಂಪಾದಿಸಿದ್ದಾರೆ. ಚುನಾವಣಾ ಅಫಿಡವಿಟ್ನಲ್ಲಿ ನೀಡಲಾದ ಮಾಹಿತಿಯ ಪ್ರಕಾರ, ನಟನ ಆಸ್ತಿ 101 ಕೋಟಿ ರೂ.ಎಂದು ಅಂದಾಜಿಸಲಾಗಿದೆ. ಮಿಥುನ್ ಅವರ ಕಾರ್ ಕಲೆಕ್ಷನ್ನಲ್ಲಿ ಇನ್ನೋವಾ, ಮರ್ಸಿಡಿಸ್ ಬೆಂಜ್ ಇ ಕ್ಲಾಸ್, ಮರ್ಸಿಡಿಸ್, ಫಾರ್ಚೂನರ್, ವೋಕ್ಸ್ವ್ಯಾಗನ್ ಸೇರಿದಂತೆ ಹಲವು ಕಾರುಗಳು ಸೇರಿವೆ.
