ಕೆಜಿಎಫ್‌-2 ಸ್ಟೋರಿ ಕಾಪಿ ಮಾಡಿದ ಪುಷ್ಪ-2; ಇಷ್ಟೆಲ್ಲಾ ಕಾಕತಾಳೀಯ ಇರೋಕೆ ಹೇಗೆ ಸಾಧ್ಯ?

ಪುಷ್ಪ 2 ಚಿತ್ರದ ಟೀಸರ್ ಬಿಡುಗಡೆಯಾದ ಬಳಿಕ, ಅಭಿಮಾನಿಗಳು ಕೆಜಿಎಫ್ 2 ಸಿನಿಮಾದ ಹಲವು ಅಂಶಗಳನ್ನು ಪುಷ್ಪ 2 ರಲ್ಲಿ ಕಾಣುತ್ತಿದ್ದಾರೆ. ತಾಯಿಯ ಸೆಂಟಿಮೆಂಟ್, ಅಧಿಕಾರ ದಾಹ, ಅಂತಾರಾಷ್ಟ್ರೀಯ ವಿಸ್ತಾರ, ಬಾಲ್ಯದ ಕಥೆ, ಪ್ರೀತಿ-ಪ್ರಣಯದಂತಹ ಹಲವು ಅಂಶಗಳು ಎರಡೂ ಚಿತ್ರಗಳಲ್ಲಿ ಹೋಲುತ್ತಿವೆ. ಚಿನ್ನಕ್ಕಾಗಿ ರಾಕಿ ಹೋರಾಡಿದರೆ, ರಕ್ತ ಚಂದನಕ್ಕಾಗಿ ಪುಷ್ಪ ಹೋರಾಡುವುದೇ ವ್ಯತ್ಯಾಸ.

ಅಲ್ಲು ಅರ್ಜುನ್‌ ಅಭಿನಯದ ಪುಷ್ಪ-2 ಸಿನಿಮಾ ರಿಲೀಸ್‌ಗೆ ರೆಡಿ ಆಗುತ್ತಿದೆ. ಇತ್ತೀಚೆಗೆ ಚಿತ್ರದ ಟೀಸರ್‌ ಬಿಡುಗಡೆ ಆದ ಬೆನ್ನಲ್ಲಿಯೇ ಇದರಲ್ಲಿ ಯಶ್‌ ಅಭಿನಯದ ಕೆಜಿಎಫ್‌-2 ಸಿನಿಮಾದ ಸಾಕಷ್ಟು ಪಡಿಯಚ್ಚು ಕಾಣುತ್ತಿದೆ ಎಂದು ಅಭಿಮಾನಿಗಳು ನೋಟ್‌ ಮಾಡಿದ್ದಾರೆ. ಇದು ಕೆಜಿಎಫ್‌-2 ಸಿನಿಮಾದ ಲೋ ಬಜೆಟ್‌ ಕಾಪಿ ಎಂದು ಟೀಕಿಸಿದ್ದಾರೆ. ಅಷ್ಟಕ್ಕೂ ಕಾರಣವಾಗಿರುವ ಅಂಶಗಳು ಯಾವವು ಅನ್ನೋದರ ವಿವರ ಇಲ್ಲಿದೆ.

ತಾಯಿಯ ಸೆಂಟಿಮೆಂಟ್‌: ಕೆಜಿಎಫ್‌ ಸಿನಿಮಾದಲ್ಲಿ ತಾಯಿಯ ಸಾವಿನ ಬಳಿಕ ಆಕೆಯ ಆಸೆಯಂತೆ ರಾಕಿ ಬಾಯ್‌ ಶ್ರೀಮಂತನಾಗುವ ಕನಸು ಕಾಣುವ ಕಥೆ ಹೊಂದಿದೆ.

ಪುಷ್ಪ-2 ಸಿನಿಮಾದಲ್ಲೂ ಇಂಥದ್ದೇ ದೃಶ್ಯಗಳಿದ್ದು ಅದರಲ್ಲಿ ಮದುವೆ ಮನೆಯಲ್ಲಿ ತಾಯಿಗೆ ಆದ ಅವಮಾನವನ್ನು ಕಂಡ ಬಳಿಕ ಪುಷ್ಪನ ಕಥೆ ಆರಂಭವಾಗುತ್ತದೆ.

ಅಧಿಕಾರ ದಾಹ: ಅಧಿಕಾರ ಪಡೆಯುವ ನಿಟ್ಟಿನಲ್ಲಿ ರಾಕಿಯ ಮೊದಲ ಹೆಜ್ಜೆ ಆರಂಭವಾಗುವುದು ಗರುಡನ ಸಾವು. ಅಲ್ಲಿಂದಲೇ ರಾಕಿ ಜೀವನದಲ್ಲಿ ಹೊಸ ಅಧ್ಯಾಯ ಆರಂಭವಾಗುತ್ತದೆ.

ಪುಷ್ಪ-2 ಸಿನಿಮಾದಲ್ಲೂ ಇದೇ ರೀತಿಯ ಕಥೆ ಇದೆ. ಕೊಂಡಾರೆಡ್ಡಿಯ ಸಾವಿನ ಬಳಿಕ ಪುಷ್ಪಗೆ ಅಧಿಕಾರದ ಆಸೆ ಅಮಲೇರುತ್ತದೆ.

ಅಂತಾರಾಷ್ಟ್ರೀಯ ವಿಸ್ತಾರ: ತನ್ನ ಗೋಲ್ಡ್‌ ಮೈನಿಂಗ್‌ ಉದ್ಯಮವನ್ನು ವಿಸ್ತಾರ ಮಾಡುವ ನಿಟ್ಟಿನಲ್ಲಿ ದುಬೈಗೆ ಭೇಟಿ ನೀಡುವ ರಾಕಿ ಅಲ್ಲಿ ಇನಾಯತ್‌ ಖಲೀಲ್‌ನನ್ನು ಭೇಟಿ ಮಾಡುವ ಕಥೆ ಕೆಜಿಎಫ್‌ನಲ್ಲಿದೆ.

ಪುಷ್ಪ-2 ಸಿನಿಮಾದಲ್ಲಿ ತನ್ನ ರಕ್ತ ಚಂದನ ಉದ್ಯಮವನ್ನು ವಿಸ್ತಾರ ಮಾಡುವ ಸಲುವಾಗಿ ಜಪಾನ್‌ಗೆ ಪುಷ್ಪ ಜಪಾನ್‌ಗೆ ಭೇಟಿ ನೀಡುವ ಕಥೆ ಹೊಂದಿರುವ ಹಾಗೆ ಕಾಣುತ್ತಿದೆ.

ಬಾಲ್ಯ ಹಾಗೂ ಪೂರ್ವದ ಕಥೆ: ಕೆಜಿಎಫ್‌ನಲ್ಲಿ ರಾಕಿ ಬಾಯ್‌ಗೆ ಉತ್ತಮವಾದ ಬಾಲ್ಯ ಇದ್ದಿರಲಿಲ್ಲ. ತಾಯಿಯ ಸಾವಿನೊಂದಗೆ ಆತನ ಬಾಲ್ಯ ಕೂಡ ಹೋರಾಟವೇ ಆಗಿರುವ ಕಥೆ ಹೊಂದಿತ್ತು.

ಪುಷ್ಪ-2 ಸಿನಿಮಾದಲ್ಲೂ ಇದೇ ರೀತಿಯ ಬಾಲ್ಯದ ಸಂಕಷ್ಟಗಳನ್ನು ಪುಷ್ಪ ಎದುರಿಸುವ ಕಥೆ ಹೊಂದಿದೆ. ಕೆಲವೊಂದು ದೃಶ್ಯಗಳು ಕಾಪಿಕ್ಯಾಟ್‌ ಕೂಡ ಆಗಿರುವ ಹಾಗೆ ಕಾಣ್ತಿದೆ.

ಪ್ರೀತಿ, ಪ್ರಣಯ: ಕೆಜಿಎಫ್‌ನಲ್ಲಿ ರಾಕಿ ಬಾಯ್‌ನ ಆಟಿಟ್ಯೂಡ್‌ನ ಕಾರಣಕ್ಕಾಗಿ ಆತನ ಲವ್‌ ಇಂಟ್ರಸ್ಟ್‌ ರೀನಾ ಮೊದಲು ಇಷ್ಟಪಡ್ತಾ ಇರ್ಲಿಲ್ಲ. ಕೊನೆಗೆ ಆಕೆ ಆತನನ್ನೇ ಮದುವೆಯಾಗುವ ಕಥೆ ಹೊಂದಿದೆ.

ಪುಷ್ಪ-2 ಸಿನಿಮಾದಲ್ಲೂ ಶ್ರೀವಲ್ಲಿ ಆರಂಭದಲ್ಲಿ ಪುಷ್ಪನನನ್ನು ದ್ವೇಷ ಮಾಡುವ ಕಥೆಯೇ ಇದೆ. ಕೊನೆಗ ಆಕೆ ಆತನನ್ನು ಮದುವೆಯಾಗುತ್ತಾಳೆ.

ಇದೊಂದೇ ವ್ಯತ್ಯಾಸ: ಪುಷ್ಪ-2 ಹಾಗೂ ಕೆಜಿಎಫ್‌ ಸಿನಿಮಾದಲ್ಲಿ ಎಲ್ಲವೂ ಕಾಕತಾಳೀಯ ಎನ್ನುವಂತಿಲ್ಲ. ಒಂದು ಅಂಶದಲ್ಲಿ ಬದಲಾವಣೆ ಇದೆ. ಅದೇನೆಂದರೆ, ರಾಕಿ ಬಾಯ್‌ ಚಿನ್ನಕ್ಕೋಸ್ಕರ ಹೋರಾಟ ಮಾಡಿದರೆ, ಪುಷ್ಪ ರಕ್ತ ಚಂದನಕ್ಕಾಗಿ ಹೋರಾಟ ಮಾಡ್ತಾನೆ.