41 ಕೋಟಿ ರೂ. ಅಂದರೆ 5 ಮಿಲಿಯನ್ ಡಾಲರ್‌ ಹಣ ಉಳಿಸಿದ ನಂತರ ಗೂಗಲ್ ಕಂಪನಿಯ 22 ವರ್ಷದ ಟೆಕ್ಕಿಯೊಬ್ಬ 35 ವರ್ಷಕ್ಕೇ ನಿವೃತ್ತಿಯಾಗಿ ಆರಾಮಾಗಿರ್ತೇನೆ ಎಂದು ಹೇಳಿದ್ದಾನೆ.
ಇತ್ತೀಚಿನ ಸ್ಪರ್ಧಾತ್ಮಕ ಯುಗದಲ್ಲಿ ಕೆಲಸದಲ್ಲಿ ಒತ್ತಡ, ಕುಟುಂಬಕ್ಕೆ ಹೆಚ್ಚು ಸಮಯ ಕೊಡಲು ಸಾಧ್ಯವಾಗದ ಪರಿಸ್ಥಿತಿ ಬಹುತೇಕರಿಗಿದೆ. ಇನ್ನು, ಟೆಕ್ಕಿಗಳಿಗೆ ಸಾಮಾನ್ಯವಾಗಿ ಸಂಬಳ ಹೆಚ್ಚಿರುತ್ತದೆ. ಈ ಹಿನ್ನೆಲೆ ಗೂಗಲ್ ಕಂಪನಿಯ 22 ವರ್ಷದ ಟೆಕ್ಕಿಯೊಬ್ಬ 35 ವರ್ಷಕ್ಕೇ ನಿವೃತ್ತಿಯಾಗಿ ಆರಾಮಾಗಿರ್ತೇನೆ ಎಂದು ಹೇಳಿದ್ದಾನೆ.
41 ಕೋಟಿ ರೂ. ಅಂದರೆ 5 ಮಿಲಿಯನ್ ಡಾಲರ್‌ ಹಣ ಉಳಿಸಿದ ನಂತರ 35ನೇ ವಯಸ್ಸಿನಲ್ಲಿ ನಿವೃತ್ತಿ ಹೊಂದಲು ಯೋಜಿಸಿದ್ದೇನೆ ಎಂದು 22 ವರ್ಷದ ಗೂಗಲ್ ಟೆಕ್ಕಿ ಇತ್ತೀಚೆಗೆ ಹೇಳಿದರು ಎಂದು ಸಿಎನ್‌ಬಿಸಿ ವರದಿ ತಿಳಿಸಿದೆ. ಉಳಿತಾಯ ಖಾತೆಯಲ್ಲಿ ಹಣವನ್ನು ಉಳಿಸುವ ಬದಲು ಹಣವನ್ನು ಹೂಡಿಕೆ ಮಾಡುವ ಪ್ರಾಮುಖ್ಯತೆಯ ಬಗ್ಗೆ ಆತನ ಹೆತ್ತವರು Ethan Nguonlyಗೆ ಚಿಕ್ಕವನಿದ್ದಾಗಲೇ ಹೇಳಿಕೊಟ್ಟಿದ್ದಾರೆ ಎಂದು ತಿಳಿದುಬಂದಿದೆ. ಏಕೆಂದರೆ, ಬ್ಯಾಂಕ್‌ ಉಳಿತಾಯ ಖಾತೆಯ ಬಡ್ಡಿ ದರ ಕಡಿಮೆಯಾಗ್ಬೋದು ಅಂತ ಅವರು ಭಾವಿಸಿದ್ದಾರೆ.
ಈ ಹಿನ್ನೆಲೆ ಚಿಕ್ಕ ವಯಸ್ಸಿನಲ್ಲೇ ಹೂಡಿಕೆ ಮಾಡಲು ಈತ ಪ್ರಾರಂಭಿಸಿದ್ದು, ಇದು ಆತನ ಜೀವನದಲ್ಲಿ ಮೂಲಭೂತ ಪಾತ್ರ ವಹಿಸಿದೆ. "(ನನ್ನ ಪೋಷಕರು) ಅದನ್ನು ನನಗೆ ಚೆನ್ನಾಗಿ ವಿವರಿಸಿದ್ದಾರೆ. ನೀವು ನಿಮ್ಮ ಹಣವನ್ನು ಇಲ್ಲಿ (ಉಳಿತಾಯ ಖಾತೆಯಲ್ಲಿ) ಬಿಟ್ಟರೆ, ಕಾಲಾನಂತರದಲ್ಲಿ, ಅದು ನಿಷ್ಪ್ರಯೋಜಕವಾಗುತ್ತದೆ. ಮತ್ತು ನೀವು ಅದನ್ನು ಏನನ್ನಾದರೂ ಹೂಡಿಕೆ ಮಾಡಲು ನಿಜವಾಗಿಯೂ ಕಲಿಯಬೇಕು ಎಂದು ಅವರು ಹೇಳಿದರು’’ ಎಂದು ಟೆಕ್ಕಿ ಹೇಳಿಕೊಂಡಿದ್ದಾನೆ.
ಕ್ಯಾಲಿಫೋರ್ನಿಯಾ ವಿಶ್ವವಿದ್ಯಾನಿಲಯದಿಂದ ಕಂಪ್ಯೂಟರ್ ಸೈನ್ಸ್ ಪದವೀಧರನಾದ Nguonly ತನ್ನ ಪದವಿಯನ್ನು ಎರಡು ವರ್ಷಗಳಲ್ಲಿ ಪೂರ್ಣಗೊಳಿಸಿದನು. ಪದವಿಯ ನಂತರ, ಕ್ವಾಲ್ಟ್ರಿಕ್ಸ್-ಸಾಫ್ಟ್‌ವೇರ್ ಕಂಪನಿಯಲ್ಲಿ ಉದ್ಯೋಗವನ್ನು ಪಡೆದು ಮತ್ತು ಏಕಕಾಲದಲ್ಲಿ ಮಾಹಿತಿ ಮತ್ತು ಡೇಟಾ ವಿಜ್ಞಾನದಲ್ಲಿ ಸ್ನಾತಕೋತ್ತರ ಪದವಿಯನ್ನು ಪ್ರಾರಂಭಿಸಿ ಆಗಸ್ಟ್ 2022 ರಲ್ಲಿ ಕೋರ್ಸ್ ಪೂರ್ಣಗೊಳಿಸಿದ್ದಾನೆ.
ಈ ಮದ್ಯೆ, ಡಿಸೆಂಬರ್ 2021 ರಲ್ಲಿ Google ನಲ್ಲಿ ಕೆಲಸ ಮಾಡಲು ಪ್ರಾರಂಭಿಸಿದ ಮತ್ತು ಪ್ರಸ್ತುತ ಬೋನಸ್‌ಗಳನ್ನು ಒಳಗೊಂಡಂತೆ ಸುಮಾರು 1.6 ಕೋಟಿ ವಾರ್ಷಿಕ ಆದಾಯವನ್ನು ಹೊಂದಿದ್ದಾನೆ. ಈ ಪೈಕಿ ನಿವೃತ್ತಿ ಮತ್ತು ಇತರ ಹೂಡಿಕೆ ಖಾತೆಗಳಲ್ಲಿ ಹಾಗೂ ಕ್ಯಾಲಿಫೋರ್ನಿಯಾ ಮತ್ತು ಫ್ಲೋರಿಡಾದಲ್ಲಿನ ನಿವಾಸಗಳಲ್ಲಿ 1.1 ಕೋಟಿ ರೂ. ($135,000) ಹೂಡಿಕೆ ಮಾಡಿದ್ದಾನೆ. ಭವಿಷ್ಯದಲ್ಲಿ ರಿಯಲ್ ಎಸ್ಟೇಟ್ ಪೋರ್ಟ್‌ಫೋಲಿಯೋ ವಿಸ್ತರಿಸಲು ಯೋಜಿಸಿದ್ದಾನೆ.
"ನಾನು ಚಿಕ್ಕವನಿದ್ದಾಗ, ನಾನು ಯೋಚಿಸುತ್ತಿದ್ದ ಮುಖ್ಯ ವಿಷಯವೆಂದರೆ, 'ಈ ಎಲ್ಲಾ ಹಣವು ದೊಡ್ಡದಾಗುತ್ತಲೇ ಇರುತ್ತದೆ, ಬೆಳೆಯುತ್ತಲೇ ಇರುತ್ತದೆ, ಮತ್ತು ಇದಕ್ಕಾಗಿ ನಾನು ಯಾವುದೇ ಕೆಲಸವನ್ನು ಮಾಡುತ್ತಿಲ್ಲ,'. ಇದು ನಿಜವಾಗಿಯೂ ಹೂಡಿಕೆಗಳನ್ನು ಮಾಡಬಹುದೆಂಬ ಕಲ್ಪನೆಯನ್ನು ನನಗೆ ಬಹಿರಂಗಪಡಿಸಿತು’’ ಎಂದೂ ಹೇಳಿದ್ದಾನೆ.
Nguonly 2022 ರ ಆರಂಭದಲ್ಲಿ ಫ್ಲೋರಿಡಾದ ರಿವರ್‌ವ್ಯೂನಲ್ಲಿ ಹೂಡಿಕೆ ಆಸ್ತಿ ಖರೀದಿಸಿದ ಮತ್ತು ಸುಮಾರು ಒಂದು ವರ್ಷದ ನಂತರ, ಕ್ಯಾಲಿಫೋರ್ನಿಯಾದ ಲಾ ಪಾಲ್ಮಾದಲ್ಲಿ ಪ್ರಾಥಮಿಕ ನಿವಾಸ ಕೊಂಡುಕೊಂಡ ಎಂದೂ ತಿಳಿದುಬಂದಿದೆ. "ನಾನು ಆರೆಂಜ್ ಕೌಂಟಿಯಲ್ಲಿ ವಾಸಿಸಲು ಇಷ್ಟಪಡುತ್ತೇನೆ, ಅಲ್ಲಿ ಸೂರ್ಯನ ಬೆಳಕು ಎಂದಿಗೂ ಕೊನೆಗೊಳ್ಳುವುದಿಲ್ಲ ಮತ್ತು ಕಡಲತೀರಗಳು ಬೆರಗುಗೊಳಿಸುತ್ತದೆ" ಎಂದೂ ಹೇಳಿದ್ದಾನೆ.
ಗೂಗಲ್ ವಾರಕ್ಕೆ ಕನಿಷ್ಠ ಮೂರು ಬಾರಿ ಉಪಹಾರ ಮತ್ತು ಮಧ್ಯಾಹ್ನದ ಊಟವನ್ನು ಉಚಿತವಾಗಿ ನೀಡುವುದರಿಂದ Nguonly ಆಹಾರಕ್ಕಾಗಿ ಹೆಚ್ಚಿನ ಹಣವನ್ನು ಖರ್ಚು ಮಾಡುವುದಿಲ್ಲ. ಜಾಗತಿಕವಾಗಿ ವಿವಿಧ ಸ್ಥಳಗಳಿಗೆ ಪ್ರಯಾಣಿಸಲು ಖರ್ಚು ಮಾಡಲು ಇಷ್ಟಪಡುತ್ತಾನೆ ಮತ್ತು ಪ್ರತಿ ವರ್ಷ ಮೂರರಿಂದ ನಾಲ್ಕು ಪ್ರವಾಸಕ್ಕೆ ಹೋಗುತ್ತಾನೆ ಎಂದೂ ತಿಳಿದುಬಂದಿದೆ.