ಈಗಿನ ಕಾಲದಲ್ಲಿ ಚಿಕ್ಕ ಮಕ್ಕಳಿಗೂ ಬಿಳಿ ಕೂದಲು ಬರ್ತಿದೆ. ಬಿಳಿ ಕೂದಲು ಕಪ್ಪಾಗಿಸೋಕೆ ಏನ್ ಮಾಡಬೇಕು ಅಂತ ನೆಟ್‌ನಲ್ಲಿ ಹುಡುಕಾಡ್ತಾರೆ. ಬಗೆಬಗೆಯ ಪ್ರಯೋಗ ಮಾಡ್ತಾನೆ ಇದ್ದಾರೆ. ಆದರೆ ಸಮಸ್ಯೆ ಬಗೆಹರಿಯುತ್ತಿಲ್ಲ. ಬಿಳಿ ಕೂದಲು ಹೊಂದಿದ್ದಲ್ಲಿ ಈ ಎಣ್ಣೆ ಬಳಸುವ ಮೂಲಕ ಬಿಳಿ ಕೂದಲು ಬರೋದು ಕಡಿಮೆಯಾಗುತ್ತೆ. ಕೂದಲು ಕಪ್ಪಾಗುತ್ತೆ. ಯಾವುದೆಂದು ತಿಳಿಯೋಣ.
ಒಂದು ಕಾಲದಲ್ಲಿ ಬಿಳಿ ಕೂದಲು 40, 50 ವರ್ಷದವರಿಗೆ ಮಾತ್ರ ಬರ್ತಿತ್ತು. ಈಗ ಚಿಕ್ಕ ಮಕ್ಕಳಿಂದ ಹಿಡಿದು ಎಲ್ಲರಿಗೂ ಬಿಳಿ ಕೂದಲು ಬರ್ತಿದೆ. ಬಿಳಿ ಕೂದಲು ಕೂದಲಿನ ಸೌಂದರ್ಯವನ್ನ ಕಡಿಮೆ ಮಾಡುತ್ತೆ. ಮುದುಕರ ಹಾಗೆ ಕಾಣುವಂತೆ ಮಾಡುತ್ತೆ. ಅದಕ್ಕೆ ಬಿಳಿ ಕೂದಲು ಇರೋರು ಕಪ್ಪು ಬಣ್ಣ ಹಾಕ್ತಾರೆ. ಆದ್ರೆ ಈ ಬಣ್ಣ ಕೆಲವು ದಿನಗಳಲ್ಲಿ ಮಾಯವಾಗುತ್ತೆ. ಪದೇ ಪದೇ ಕೆಮಿಕಲ್ ಕಲರ್ ಹಚ್ಚೋದ್ರಿಂದ ಕೂದಲು ಹಾಳಾಗುತ್ತೆ.
ಕಲರ್‌ಗಳಿಂದ ಕೂದಲು ಉದುರುವುದು, ಒಣಗುವುದು ಹೀಗೆ ಸಮಸ್ಯೆಗಳು ಬರುತ್ತೆ. ಅದಕ್ಕೆ ಇನ್ಮೇಲೆ ಕೆಮಿಕಲ್ ಕಲರ್ ಬಳಸೋದನ್ನ ಬಿಡಿ. ಬಣ್ಣ ಹಾಕದೇನೆ ಕೂದಲನ್ನ ಕಪ್ಪಗೆ ಮಾಡಬಹುದು. ಇದಕ್ಕೆ ನೀವು ಹೆಚ್ಚು ಕಷ್ಟ ಪಡಬೇಕಾಗಿಲ್ಲ. ಮನೆಯಲ್ಲೇ ಕಪ್ಪು, ಸುಂದರ ಕೂದಲಿಗೆ ಹೇರ್ ಡೈ ತಯಾರಿಸಬಹುದು. ಇದಕ್ಕೆ ತೆಂಗಿನ ಎಣ್ಣೆ ಇದ್ರೆ ಸಾಕು. ಬಿಳಿ ಕೂದಲನ್ನ ಕಪ್ಪಗೆ ಮಾಡೋ ಎಣ್ಣೆ ತಯಾರಿಸೋದು ಹೇಗೆ ಅಂತ ತಿಳಿದುಕೊಳ್ಳೋಣ ಬನ್ನಿ.
ಕೂದಲಿಗೆ ತೆಂಗಿನ ಎಣ್ಣೆಯ ಲಾಭಗಳು
ತೆಂಗಿನ ಎಣ್ಣೆಯಲ್ಲಿ ಔಷಧೀಯ ಗುಣಗಳಿವೆ. ಇದು ನಮ್ಮ ಚರ್ಮಕ್ಕೆ, ಕೂದಲಿಗೆ ತುಂಬಾ ಒಳ್ಳೆಯದು. ಅದಕ್ಕೆ ಇದನ್ನ ಹಲವು ರೀತಿಯಲ್ಲಿ ಉಪಯೋಗಿಸಬಹುದು. ತೆಂಗಿನ ಎಣ್ಣೆಯನ್ನ ಅಡುಗೆಗೆ ಮಾತ್ರವಲ್ಲದೆ ಕೂದಲು, ಚರ್ಮದ ಸಮಸ್ಯೆಗಳಿಗೆ ಉಪಯೋಗಿಸಬಹುದು.
ಕರಿಮೆಣಸಿನ ಉಪಯೋಗ
ಕರಿಮೆಣಸು ಎಲ್ಲರಿಗೂ ಗೊತ್ತು. ಇದು ಒಂದು ಮಸಾಲೆ ಪದಾರ್ಥ. ಇದನ್ನ ಅಡುಗೆ ರುಚಿ ಹೆಚ್ಚಿಸೋಕೆ ಬಳಸ್ತೀವಿ. ಇದು ಎಲ್ಲರಿಗೂ ಗೊತ್ತು. ಆದ್ರೆ ಇದು ನಮ್ಮ ಕೂದಲಿಗೂ ಒಳ್ಳೆಯದು. ಇದನ್ನ ಬಳಸಿ ಬಿಳಿ ಕೂದಲನ್ನ ಕಪ್ಪಗೆ ಮಾಡಬಹುದು. ನಿಮಗೆ ಗೊತ್ತಾ? ಕರಿಮೆಣಸು ಮೆಲನಿನ್ ಉತ್ಪತ್ತಿಯನ್ನ ಹೆಚ್ಚಿಸುತ್ತೆ. ಇದರಿಂದ ಕೂದಲು ಬಿಳಿಯಾಗೋದು ಕಡಿಮೆಯಾಗುತ್ತೆ.
ನೆಲ್ಲಿ ಪುಡಿ
ನೆಲ್ಲಿಕಾಯಿ ನಮ್ಮ ಆರೋಗ್ಯಕ್ಕೆ ಮಾತ್ರವಲ್ಲ ಕೂದಲಿಗೂ ಒಳ್ಳೆಯದು. ಈ ನೆಲ್ಲಿ ಪುಡಿಯಿಂದ ಬಿಳಿ ಕೂದಲನ್ನ ಕಡಿಮೆ ಮಾಡಬಹುದು. ಕೂದಲನ್ನ ಕಪ್ಪಗೆ, ಹೊಳೆಯುವಂತೆ ಮಾಡಬಹುದು. ಕೂದಲಿಗೆ ನೆಲ್ಲಿ ಪುಡಿ ಹಚ್ಚೋದ್ರಿಂದ ಕೂದಲು ಗಟ್ಟಿಯಾಗಿ, ಹೊಳೆಯುತ್ತೆ. ನೆಲ್ಲಿಕಾಯಿಯನ್ನ ನಮ್ಮ ದಿನನಿತ್ಯದ ಆಹಾರದಲ್ಲಿ ಸೇರಿಸಿಕೊಂಡ್ರೆ ಕೂದಲು ಸಹಜವಾಗಿಯೇ ಕಪ್ಪಾಗುತ್ತೆ.
ಕರಿಬೇವು
ಕರಿಬೇವನ್ನ ನಾವು ಪ್ರತಿ ಅಡುಗೆಯಲ್ಲೂ ಹಾಕ್ತೀವಿ. ಈ ಕರಿಬೇವು ಅಡುಗೆಗೆ ಒಳ್ಳೆಯ ವಾಸನೆ, ರುಚಿ ಕೊಡುತ್ತೆ. ಅಷ್ಟೇ ಅಲ್ಲ ಇದು ನಮ್ಮ ಕೂದಲಿಗೂ ಒಳ್ಳೆಯದು. ತಜ್ಞರ ಪ್ರಕಾರ ಕರಿಬೇವನ್ನ ಕೂದಲಿಗೆ ಹಚ್ಚೋದ್ರಿಂದ ಕೂದಲು ಉದುರುವುದು ಕಡಿಮೆಯಾಗುತ್ತೆ. ಕೂದಲು ಆರೋಗ್ಯವಾಗಿ, ಕಪ್ಪಗೆ ಆಗುತ್ತೆ.
ತೆಂಗಿನ ಎಣ್ಣೆ ಡೈ ತಯಾರಿಸಲು ಬೇಕಾಗುವ ಸಾಮಗ್ರಿಗಳು
ಬಿಳಿ ಕೂದಲನ್ನ ಕಪ್ಪಗೆ ಮಾಡಲು ಒಂದು ಬಟ್ಟಲಿನಲ್ಲಿ ಸ್ವಲ್ಪ ತೆಂಗಿನ ಎಣ್ಣೆ ತಗೊಳ್ಳಿ. ಇದಕ್ಕೆ ಒಂದು ಟೀ ಚಮಚ ಕರಿಮೆಣಸಿನ ಪುಡಿ ಹಾಕಿ. ಇದಕ್ಕೆ ಎರಡು ಟೇಬಲ್ ಚಮಚ ನೆಲ್ಲಿ ಪುಡಿ, 10 ರಿಂದ 12 ಕರಿಬೇವಿನ ಎಲೆಗಳನ್ನ ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿ. ಇದನ್ನ ಕಡಿಮೆ ಉರಿಯಲ್ಲಿ 10 ರಿಂದ 15 ನಿಮಿಷ ಕುದಿಸಿ. ಇದು ತಣ್ಣಗಾದ ಮೇಲೆ ಸೋಸಿ ಒಂದು ಡಬ್ಬದಲ್ಲಿ ಇಟ್ಟುಕೊಳ್ಳಿ. ಇದನ್ನ ಕೂದಲಿನ ಬುಡದಿಂದ ತುದಿವರೆಗೂ ಚೆನ್ನಾಗಿ ಹಚ್ಚಿ. 1 ರಿಂದ 2 ಗಂಟೆ ಬಿಟ್ಟು ತಲೆ ಸ್ನಾನ ಮಾಡಿದ್ರೆ ಸಾಕು. ನೀವು ತಲೆ ಸ್ನಾನ ಮಾಡುವಾಗಲೆಲ್ಲಾ ಹಚ್ಚಿದ್ರೆ ಒಳ್ಳೆಯ ರಿಸಲ್ಟ್ ಸಿಗುತ್ತೆ.