ನೀವು ರಾತ್ರಿವರೆಗೂ ಎಚ್ಚರವಿದ್ದು ಒಂದೇ ಬಾರಿಗೆ ಎಲ್ಲಾ ಸೀರಿಸ್ ನೋಡುವ ಮೂಲಕ ವೆಬ್ ಸೀರಿಸ್ ಪೂರ್ತಿಯಾಗಿ ಮುಗಿಸೋರು ನೀವಾ? ಹಾಗಿದ್ರೆ ನಿಮ್ಮ ಈ ಅಭ್ಯಾಸದ ಬಗ್ಗೆ ನೀವು ಯೋಚಿಸಬೇಕು, ಏಕೆಂದರೆ ಇದು ನಿಮ್ಮ ಮಾನಸಿಕ ಮತ್ತು ದೈಹಿಕ ಆರೋಗ್ಯಕ್ಕೆ ಮಾರಕವಾಗಬಹುದು.
ಡಿಜಿಟಲ್ ಯುಗದಲ್ಲಿ (Digital Era) ನಮ್ಮ ಜೀವನಶೈಲಿ ಸಂಪೂರ್ಣವಾಗಿ ಬದಲಾಗಿದೆ... ನಮ್ಮ ಸಾಮಾಜಿಕ ಜೀವನವು (Social Life) ಸಾಮಾಜಿಕ ಮಾಧ್ಯಮ ವೇದಿಕೆಗಳ ವರ್ಚುವಲ್ ಜಗತ್ತಿಗೆ (Virtual World) ಸೀಮಿತವಾಗಿದ್ದರೂ, ವೈಯಕ್ತಿಕ ಜೀವನದ ಮಾರ್ಗಗಳು ಸಹ ವಿಭಿನ್ನ ರೂಪಗಳನ್ನು ತೆಗೆದುಕೊಂಡಿವೆ. ಒಟಿಟಿ ಪ್ಲಾಟ್ಫಾರ್ಮ್ (OTT Platform) ಆಗಿ, ಜನರು ಮನರಂಜನೆಯ ಹೊಸ ಮಾರ್ಗವನ್ನು ಕಂಡುಕೊಂಡಿದ್ದಾರೆ, ಅಲ್ಲಿ ಜನರು ಮನೆಯಲ್ಲಿ ಕುಳಿತು ತಮ್ಮ ಆಯ್ಕೆಯ ಯಾವುದೇ ಟಿವಿ ಕಾರ್ಯಕ್ರಮ, ಚಲನಚಿತ್ರ ಅಥವಾ ವೆಬ್ ಸೀರೀಸ್ ಗಳನ್ನು ವೀಕ್ಷಿಸಬಹುದು.
ಒಟಿಟಿ (OTT) ಜನರಿಗೆ ಮನರಂಜನೆಯನ್ನು ಸುಲಭಗೊಳಿಸಿದೆ ನಿಜ, ಆದರೆ ಇದು ಜನರ ಜೀವನದ ಮೇಲೆ ನಕಾರಾತ್ಮಕ ಪರಿಣಾಮವೂ ಹೆಚ್ಚಾಗಿ ಬೀರುತ್ತಿದೆ. ಆರೋಗ್ಯದ ದೃಷ್ಟಿಯಿಂದ ನೋಡಿದರೆ, ಟಿವಿ ಕಾರ್ಯಕ್ರಮಗಳು ಅಥವಾ ವೆಬ್ ಸೀರೀಸ್ ವ್ಯಸನವು ಜನರನ್ನು ದೈಹಿಕ ಮತ್ತು ಮಾನಸಿಕವಾಗಿ ಅಸ್ವಸ್ಥರನ್ನಾಗಿ ಮಾಡುತ್ತದೆ.ಗಂಟೆಗಟ್ಟಲೆ ಕುಳಿತು ವೆಬ್ ಸೀರೀಸ್ ನೋಡುವ ವ್ಯಸನ ನಿಮ್ಮನ್ನು ಹೇಗೆ ಅನಾರೋಗ್ಯಕ್ಕೆ ದೂಡುತ್ತದೆ ಎಂಬುದರ ಬಗ್ಗೆ ನಾವು ನಿಮಗೆ ಹೇಳಲಿದ್ದೇವೆ. ನಿಮಗೂ ಗಂಟೆ ಗಟ್ಟಲೆ ವೆಬ್ ಸೀರೀಸ್ (Web series) ನೋಡುವ ಕೆಟ್ಟ ಅಭ್ಯಾಸ ಇದ್ದರೆ, ಈವಾಗ್ಲೆ ಬದಲಾಯಿಸಿ, ಇಲ್ಲಾಂದ್ರೆ ಅನಾರೋಗ್ಯಕ್ಕೆ ಒಳಗಾಗಬೇಕಾಗಿ ಬರುತ್ತೆ ಹುಷಾರು.
ಒಬ್ಬ ವ್ಯಕ್ತಿಯನ್ನು ಮಾನಸಿಕವಾಗಿ ಆರೋಗ್ಯವಾಗಿಡಲು (Mentally Healthy) ಮನರಂಜನೆಯು ತುಂಬಾನೆ ಮುಖ್ಯ ನಿಜಾ. ಆದರೆ ಇದು ನಿಗದಿತ ಸಮಯವನ್ನು ಸಹ ಹೊಂದಿರಬೇಕು, ಇದರಿಂದ ಅದು ನಿಮ್ಮ ಇತರ ಚಟುವಟಿಕೆಗಳು ಮತ್ತು ಆರೋಗ್ಯದ ಮೇಲೆ ಯಾವುದೇ ಪ್ರತಿಕೂಲ ಪರಿಣಾಮ ಬೀರುವುದಿಲ್ಲ. ಆದರೆ ಒಟಿಟಿ ಪ್ಲಾಟ್ಫಾರ್ಮ್ (OTT Platform) ಮನರಂಜನೆಯ ಜಗತ್ತನ್ನು ಸಂಪೂರ್ಣವಾಗಿ ಬದಲಾಯಿಸಿದೆ. ಈ ಹಿಂದೆ, ಜನರು ಚಲನಚಿತ್ರಗಳನ್ನು ನೋಡಲು ಮನೆಯಿಂದ ಹೊರಗೆ ಹೋಗುತ್ತಿದ್ದರು, ಈಗ ಮನೆಯ ನಾಲ್ಕು ಗೋಡೆಗಳಲ್ಲಿ ಎಲ್ಲಾ ರೀತಿಯ ಮನರಂಜನೆ ನಿಮಗಾಗಿ ಲಭ್ಯವಿದೆ. ಹೀಗಿರೋವಾಗ, ಜನ ಯೋಚಿಸದೆ ಹೆಚ್ಚು ಹೆಚ್ಚು ಸಮಯ ಸ್ಕ್ರೀನ್ ಮುಂದೆ ಅದೆಷ್ಟೋ ಸೀರೀಸ್, ಸಿನಿಮಾಗಳನ್ನು ನೋಡುತ್ತಾ ಕಳೆಯುತ್ತಾರೆ.
ನೀವು ಪರದೆ ಮೇಲೆ ಹೆಚ್ಚು ಸಮಯ ಕಳೆಯುತ್ತಿದ್ದಂತೆ ಅದು ನಿಮ್ಮ ಆರೋಗ್ಯದ ಮೇಲೆ ಹೆಚ್ಚು ಪ್ರತಿಕೂಲ ಪರಿಣಾಮ ಬೀರುತ್ತದೆ. ಟಿವಿ ಕಾರ್ಯಕ್ರಮಗಳು ಅಥವಾ ವೆಬ್ ಸರಣಿಗಳನ್ನು ಗಂಟೆಗಳ ಕಾಲ ನೋಡುವ ಚಟದಿಂದಾಗಿ ಆರೋಗ್ಯದ ಮೇಲೆ ಉಂಟಾಗುವ ದುಷ್ಪರಿಣಾಮಗಳ ಬಗ್ಗೆ ವಿವರವಾಗಿ ಅರ್ಥಮಾಡಿಕೊಳ್ಳೋಣ.
ನಿದ್ರೆಯ ಸಮಸ್ಯೆಗಳು
ಒಟಿಟಿ ಪ್ಲಾಟ್ಫಾರ್ಮ್ ಟಿವಿ ಕಾರ್ಯಕ್ರಮಗಳು ಮತ್ತು ಚಲನಚಿತ್ರಗಳ ಹೊರತಾಗಿ ವೆಬ್ ಸೀರೀಸ್ ಟ್ರೆಂಡ್ (web series trend) ಪ್ರಾರಂಭಿಸಿದೆ, ಅದರ ಬಗ್ಗೆ ಪ್ರೇಕ್ಷಕರ ಕ್ರೇಜ್ ಎಲ್ಲರಿಗೂ ತಿಳಿದಿದೆ. ಈ ವೆಬ್ ಸೀರೀಸ್ ಕಥೆಯನ್ನು ಜನರು ಒಂದರ ನಂತರ ಒಂದರಂತೆ ನೋಡುತ್ತಲೇ ಇರುತ್ತಾರೆ ಮತ್ತು ಇಡೀ ಸೀರೀಸ್ ಒಟ್ಟಿಗೆ ನೋಡಿದ ನಂತರವೇ ಬೇರೆ ಕೆಲಸದ ಕಡೆಗೆ ಗಮನ ಹರಿಸ್ತಾರೆ. ಈ ನಶೆಯಲ್ಲಿ, ಅವರು ನಿದ್ರೆಯ ಬಗ್ಗೆಯೂ ಕಾಳಜಿ ವಹಿಸುವುದಿಲ್ಲ. ಇಂದಿನ ಸಮಯದಲ್ಲಿ, ಹೆಚ್ಚಿನ ಜನರು ರಾತ್ರಿ ನಿದ್ರೆ ಮಾಡದೇ ವೆಬ್ ಸೀರೀಸ್ ನೋಡುತ್ತಿದ್ದಾರೆ. ಈ ಕಾರಣದಿಂದಾಗಿ, ನಿದ್ರೆಯ ಸಮಸ್ಯೆಗಳು ಹೆಚ್ಚುತ್ತಿದ್ದು, ಇದರಿಂದ ಮಾನಸಿಕ ಸ್ಥಿತಿ ಹದಗೆಡುತ್ತದೆ.
ಮಾನಸಿಕ ಖಿನ್ನತೆ (Mental Depression)
ಆರೋಗ್ಯ ತಜ್ಞರು ಹೇಳುವ ಪ್ರಕಾರ, ಈ ಹಿಂದೆ ಇಡೀ ಕುಟುಂಬವು ಒಟ್ಟಿಗೆ ಕುಳಿತು ಟಿವಿ ನೋಡುತ್ತಿತ್ತು, ಈಗ ಒಟಿಟಿ ಪ್ಲಾಟ್ಫಾರ್ಮ್‌ನ ಬಂದಿರೋದ್ರಿಂದ, ಮನೆಯ ಪ್ರತಿಯೊಬ್ಬ ಸದಸ್ಯರಿಗೂ ವಿಭಿನ್ನ ಮನರಂಜನೆಯ ವಿಧಾನಗಳಿವೆ. ಜನರು ತಮ್ಮ ಕೋಣೆಗಳಲ್ಲಿ ಕುಳಿತು ಮೊಬೈಲ್ ಅಥವಾ ಲ್ಯಾಪ್ ಟಾಪ್ ನಲ್ಲಿ ಗಂಟೆಗಟ್ಟಲೆ ಕಳೆಯುತ್ತಾರೆ. ಇದು ಜನರ ಒಂಟಿತನವನ್ನು ಹೆಚ್ಚಿಸುತ್ತಿದೆ ಮತ್ತು ಅವರು ಮಾನಸಿಕ ಖಿನ್ನತೆಗೆ ಒಳಗಾಗುತ್ತಿದ್ದಾರೆ. ಹಿಂದಿನ ಕಾಲದಲ್ಲಿ, ಕುಟುಂಬದ ಎಲ್ಲಾ ಸದಸ್ಯರು ಟಿವಿ ನೋಡುವ ನೆಪದಲ್ಲಿ ಒಟ್ಟಿಗೆ ಕುಳಿತು ಪರಸ್ಪರ ವಿಷಯಗಳನ್ನು ಹಂಚಿಕೊಳ್ಳುತ್ತಿದ್ದರು. ಇದು ಕುಟುಂಬದ ಎಲ್ಲಾ ಸದಸ್ಯರ ಮಾನಸಿಕ ಆರೋಗ್ಯಕ್ಕೆ ಉತ್ತಮವಾಗಿತ್ತು, ಈಗ ಅದೆಲ್ಲಾ ಬದಲಾಗಿದೆ.
ಸೈಕೋಸೊಮ್ಯಾಟಿಕ್ ಅಸ್ವಸ್ಥತೆ
ವೆಬ್ ಸೀರೀಸ್ ನೋಡುವ ವ್ಯಸನವು ಜನರನ್ನು ಮಾನಸಿಕ ಅಸ್ವಸ್ಥತೆಗೆ ಬಲಿಪಶುಗಳನ್ನಾಗಿ ಮಾಡುತ್ತಿದೆ. ತಜ್ಞರು ಹೇಳುವಂತೆ ಒಬ್ಬ ವ್ಯಕ್ತಿಯ ಮಾನಸಿಕ ಗೊಂದಲ ಮತ್ತು ಒತ್ತಡವು ಅವನ ನಡವಳಿಕೆ ಮತ್ತು ದೈಹಿಕ ರೋಗಲಕ್ಷಣಗಳಲ್ಲಿ ಕಾಣಿಸಿಕೊಳ್ಳಲು ಪ್ರಾರಂಭಿಸಿದಾಗ, ಅವನನ್ನು ಮಾನಸಿಕ ಅಸ್ವಸ್ಥತೆಯ ಸಂತ್ರಸ್ತ ಎಂದು ಪರಿಗಣಿಸಲಾಗುತ್ತದೆ. ಇತ್ತೀಚಿನ ದಿನಗಳಲ್ಲಿ, ಅಂತಹ ಬಹಳಷ್ಟು ಸುದ್ದಿಗಳನ್ನು ನೋಡಲಾಗುತ್ತಿದೆ ಮತ್ತು ಕೇಳಲಾಗುತ್ತಿದೆ, ವೆಬ್ ಸೀರೀಸ್ ಅಡಿಕ್ಟ್ ಆಗೋದ್ರಿಂದ ಎಷ್ಟೋ ಜನ ಕ್ರಿಮಿನಲ್ ಚಟುವಟಿಕೆ ಮಾಡೋದು, ಆಕ್ರಮಣಕಾರಿ ಗುಣಗಳನ್ನು ಬೆಳೆಸಿಕೊಳ್ಳೋದು ಹೆಚ್ಚಾಗುತ್ತಲೇ ಇದೆ.
ಬೊಜ್ಜು ಹೆಚ್ಚಾಗುತ್ತದೆ
ಟಿವಿ ಕಾರ್ಯಕ್ರಮಗಳು ಅಥವಾ ವೆಬ್ ಸರಣಿಗಳನ್ನು ಹೆಚ್ಚಾಗಿ ನೋಡೋದ್ರಿಂದ, ಜನರಲ್ಲಿ ಬೊಜ್ಜಿನ ಸಮಸ್ಯೆ ಹೆಚ್ಚಾಗಿ ಕಂಡುಬರುತ್ತಿದೆ. ವಾಸ್ತವವಾಗಿ, ಟಿವಿ ಕಾರ್ಯಕ್ರಮಗಳನ್ನು ನೋಡುವ ಉತ್ಸಾಹದಲ್ಲಿ, ಜನರು ಹೆಚ್ಚಾಗಿ ಯೋಚಿಸದೆ ಅಗತ್ಯಕ್ಕಿಂತ ಹೆಚ್ಚು ತಿನ್ನುತ್ತಾರೆ, ಇದು ಬೊಜ್ಜಿಗೆ ಕಾರಣವಾಗುತ್ತದೆ. ಬೊಜ್ಜು (Obesity) ರಕ್ತದೊತ್ತಡ (Blood Pressure) ಮತ್ತು ಹೃದಯ ಸಂಬಂಧಿತ ಸಮಸ್ಯೆಗಳನ್ನು (heart related problem) ಉತ್ತೇಜಿಸುತ್ತದೆ. ಹಾಗಾಗಿ ನೀವು ಅನಾರೋಗ್ಯದ ಗೂಡಾಗುವುದು ಖಚಿತ.