ಎಣ್ಣೆಯುಕ್ತ ಮೀನುಗಳನ್ನು ವಾರಕ್ಕೆ 2 ಬಾರಿ ಸೇವನೆ ಮಾಡುವುದರಿಂದ ಲಾಭಕಾರಿ.ಸಂಶೋಧಕರು ಹೇಳುವಂತೆ ಹೃದ್ರೋಗ ಹೊಂದಿರುವವರು ವಾರಕ್ಕೆ ಕನಿಷ್ಠ 2 ಬಾರಿಯಾದರೂ ಮೀನುಗಳನ್ನು ತಿನ್ನಬೇಕು, ಆದರೆ ಎಣ್ಣೆಯುಕ್ತ ಮೀನುಗಳಾದ ಸಾಲ್ಮನ್, ಟುನಾ ಮತ್ತು ಸಾರ್ಡಿನ್ ಮತ್ತು ಕಾಡ್ಗಳು ಒಮೆಗಾ-3 ಕೊಬ್ಬಿನ ಆಮ್ಲಗಳನ್ನು ಸಮೃದ್ಧವಾಗಿ ಹೊಂದಿವೆ.
ಎಣ್ಣೆಯ ಅಂಶ ಹೊಂದಿರುವ ಮೀನುಗಳನ್ನು ವಾರಕ್ಕೆ 2 ಬಾರಿ ತಿನ್ನುವ ಮೂಲಕ ಹೃದಯ ಸಂಬಂಧಿ ಕಾಯಿಲೆಗಳಿಂದ ಉಂಟಾಗುವ ಸಾವಿನ ಅಪಾಯವನ್ನು ಸಹ ಕಡಿಮೆ ಮಾಡಬಹುದು.
ಈ ಹೊಸ ಅಧ್ಯಯನವು ಏನು ಹೇಳುತ್ತದೆ?ಈ ಅಧ್ಯಯನದಲ್ಲಿ, ಸಂಶೋಧಕರು 58 ವಿವಿಧ ದೇಶಗಳ 1.92 ದಶಲಕ್ಷ ಜನರನ್ನು ಒಳಗೊಂಡ 4 ಪ್ರಮುಖ ಅಧ್ಯಯನಗಳ ಫಲಿತಾಂಶಗಳನ್ನು ಪರಿಶೀಲಿಸಿದರು.
ಈ ಮಧ್ಯೆ ಸಂಶೋಧಕರು ಅಧ್ಯಯನದಲ್ಲಿ ಪಾಲ್ಗೊಂಡವರು ಮೀನಿನ ಸೇವನೆಯ ಪ್ರಮಾಣ ಮತ್ತು ಹೃದಯಾಘಾತ, ಪಾರ್ಶ್ವವಾಯು, ಹೃದಯ ವೈಫಲ್ಯ, ಮತ್ತು ರೋಗಗಳಿಗೆ ಸಂಬಂಧಿಸಿದ ಕಾಯಿಲೆಗಳ ಪ್ರಮಾಣವನ್ನೂ ಪರಿಶೀಲಿಸಿದರು.
ಈಗಾಗಲೇ ಹೃದ್ರೋಗ ಹೊಂದಿರುವವರು ವಾರಕ್ಕೆ 175 ಗ್ರಾಂನಷ್ಟು ಮೀನುಗಳನ್ನು ತಿಂದರೆ, ಹೃದಯ ಸಂಬಂಧಿ ಕಾಯಿಲೆಗಳಿಂದ ಉಂಟಾಗುವ ಸಾವಿನ ಅಪಾಯವನ್ನು ಕಡಿಮೆ ಮಾಡಬಹುದುಎಂದು ಸಂಶೋಧಕರು ಕಂಡುಕೊಂಡಿದ್ದಾರೆ. ಆದರೆ, ಹೃದಯ ಸಂಬಂಧಿ ಕಾಯಿಲೆ ಇಲ್ಲದವರಿಗೆ, ಅಂದರೆ, ಆರೋಗ್ಯವಂತರು ಮೀನುಗಳ ಬಳಕೆಯಿಂದ ಯಾವುದೇ ಗಮನಾರ್ಹ ಪ್ರಯೋಜನವನ್ನು ಕಾಣಲಿಲ್ಲ.
ಒಮೆಗಾ 3 ಕೊಬ್ಬಿನಾಮ್ಲವಿರುವ ಮೀನುಗಳನ್ನು ತಿನ್ನಿರಿ.
ಅಮೆರಿಕದ ಅಕಾಡೆಮಿ ಆಫ್ ನ್ಯೂಟ್ರಿನೋಸ್ ಅಂಡ್ ಡಯಟೆಟಿಕ್ಸ್‌ನ ವಕ್ತಾರ ಜೆರ್ಲಿನ್ ಜೋನ್ಸ್ ಹೇಳುವಂತೆ, ಒಮೆಗಾ-3 ಕೊಬ್ಬಿನ ಆಮ್ಲಗಳನ್ನು ಹೊಂದಿರುವ ಮೀನಿನ ಬಳಕೆ ಹೆಚ್ಚು ಪ್ರಯೋಜನಕಾರಿ.
ಒಮೆಗಾ-3 ಫ್ಯಾಟಿ ಆಸಿಡ್‌ನಲ್ಲಿEPA ಮತ್ತು DHAಗಳು ಕಂಡುಬರುತ್ತವೆ, ಇದು ದೇಹದಾದ್ಯಂತ ಊತವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ, ಹೃದಯ ಸಂಬಂಧಿ ಕಾಯಿಲೆಗಳ ಅಪಾಯವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.
ಮೀನಿನ ಆಹಾರವನ್ನು ನಿಯಮಿತವಾಗಿ ಸೇವಿಸುತ್ತಿದ್ದರೆಹೃದಯ ಸಂಬಂಧಿ ಕಾಯಿಲೆಗಳೊಂದಿಗೆ ಹಲವಾರು ಅರೋಗ್ಯ ಸಮಸ್ಯೆಗಳನ್ನು ದೂರ ಮಾಡುತ್ತದೆ. ಜೊತೆಗೆ ತ್ವಚೆಗೆ ಸಂಬಂಧಿಸಿದ ಸಮಸ್ಯೆಗಳು ಸಹ ದೂರವಾಗುತ್ತದೆ.