ದಿನಕ್ಕೆ 20,000 ಹೆಜ್ಜೆ ನಡೆಯೋದ್ರಿಂದ ನಿಮ್ಮ ದೇಹ, ಮಾನಸಿಕ ಆರೋಗ್ಯ ಹೇಗೆ ಬದಲಾಗುತ್ತೆ ಗೊತ್ತಾ?

ನಡೆಯುವುದರಿಂದ ಆರೋಗ್ಯ ಪ್ರಯೋಜನಗಳು : ದಿನಕ್ಕೆ 2 ಸಾವಿರದಿಂದ 20 ಸಾವಿರ ಹೆಜ್ಜೆಗಳವರೆಗೆ ನಡೆಯುವುದರಿಂದ ಏನೆಲ್ಲಾ ಪ್ರಯೋಜನಗಳನ್ನು ಪಡೆಯಬಹುದು ಎಂಬುದನ್ನು ಇಲ್ಲಿ ನೋಡೋಣ. 

ದಿನಾ 20,000 ಹೆಜ್ಜೆ

ದಿನಾ 10,000 ಹೆಜ್ಜೆ ನಡೆಯೋದ್ರಿಂದ ದೇಹಕ್ಕೆ ಹಲವಾರು ಆರೋಗ್ಯ ಪ್ರಯೋಜನಗಳಿವೆ ಅಂತ ಎಲ್ಲರಿಗೂ ಗೊತ್ತು. ಕನಿಷ್ಠ 30 ನಿಮಿಷ ನಡೆದ್ರೂ ಅದು ಒಳ್ಳೆಯ ವ್ಯಾಯಾಮ. 10 ಸಾವಿರ ಹೆಜ್ಜೆಗಳು ದೇಹಕ್ಕೆ ಹೇಗೆ ಪ್ರಯೋಜನವನ್ನು ನೀಡುತ್ತವೆಯೋ, ಅದೇ ರೀತಿಯಾಗಿ ಡಬಲ್ ಪ್ರಯೋಜನ ಪಡೆಯಲು 20,000 ಹೆಜ್ಜೆ ನಡೆಯುವುದು ಸಹಾಯ ಮಾಡುತ್ತದೆ ಎಂದು ಅಧ್ಯಯನಗಳು ತೋರಿಸಿವೆ. 

ದಿನಾ 20,000 ಹೆಜ್ಜೆ

ತೂಕ ಇಳಿಸಿಕೊಳ್ಳಲು ಬಯಸುವವರು ದಿನಕ್ಕೆ 20 ಸಾವಿರ ಹೆಜ್ಜೆ ನಡೆಯುವುದರಿಂದ ಅವರ ತೂಕ ಇಳಿಕೆ ಪ್ರಯಾಣವನ್ನು ವೇಗಗೊಳಿಸುತ್ತದೆ.  ಬೇಗನೆ ದೇಹದ ತೂಕವನ್ನು ಗಣನೀಯವಾಗಿ ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಅಷ್ಟೇ ಅಲ್ಲ, ಚೆನ್ನಾಗಿ ನಿದ್ದೆ ಮಾಡಲು 20,000 ಹೆಜ್ಜೆ ನಡೆಯುವುದು ಸಹಾಯಕವಾಗಿದೆ. ನೀವು ಒಂದೇ ದಿನದಲ್ಲಿ 20 ಸಾವಿರ ಹೆಜ್ಜೆಗಳನ್ನು ನಡೆಯಲು ಗುರಿ ನಿಗದಿಪಡಿಸುವ ಅಗತ್ಯವಿಲ್ಲ.

ಆರಂಭದಲ್ಲಿ 2 ರಿಂದ 3 ಸಾವಿರ ಹೆಜ್ಜೆ ನಡೆದು 10 ಸಾವಿರ ಹೆಜ್ಜೆಗಳ ಗುರಿಯನ್ನು ತಲುಪಬಹುದು. ನಂತರ  ಹಂತ ಹಂತವಾಗಿ 20 ಸಾವಿರ ಹೆಜ್ಜೆ ನಡೆಯಲು ಪ್ರಯತ್ನಿಸಬಹುದು. ಹೀಗೆ ನಡೆಯುವುದರಿಂದ ಕೆಟ್ಟ ಕೊಬ್ಬನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಹೃದಯದ ಆರೋಗ್ಯವನ್ನು ಸುಧಾರಿಸಲು ಸಹಾಯ ಮಾಡುತ್ತದೆ. ನೀವು ಏಕೆ 20 ಸಾವಿರ ಹೆಜ್ಜೆ ನಡೆಯಬೇಕು ಎಂಬುದರ ವಿವರಣೆಯನ್ನು ಇಲ್ಲಿ ನೋಡಬಹುದು. 

ಇದನ್ನೂ ಓದಿ: ಈ ಕಾರಣಕ್ಕೆ ಖಾಲಿ ಹೊಟ್ಟೆಯಲ್ಲಿ ತಿನ್ನುವ ಬದಲ ನೀರು ಕುಡಿಯಬೇಕು

ದಿನಾ 20,000 ಹೆಜ್ಜೆ

ಮೆದುಳಿನ ಆರೋಗ್ಯ: 

2019 ರಲ್ಲಿ ಜಾಮಾ (JAMA) ಎಂಬ ನರವಿಜ್ಞಾನ ಪತ್ರಿಕೆಯಲ್ಲಿ ಪ್ರಕಟವಾದ ಅಧ್ಯಯನದಲ್ಲಿ, ದಿನಕ್ಕೆ 8 ಸಾವಿರದ 900 ಹೆಜ್ಜೆ ನಡೆದವರಿಗೆ ಮೆದುಳಿನ ಸಂಬಂಧಿತ ಸಮಸ್ಯೆಗಳು ಉಂಟಾಗುವ ಅಪಾಯ ಕಡಿಮೆ ಎಂದು ತಿಳಿಸಿದೆ. 3 ರಿಂದ 5 ಸಾವಿರ ಹೆಜ್ಜೆ ನಡೆಯುವವರಿಗೆ ಪ್ರಯೋಜನಗಳಿಲ್ಲ ಎಂದು ಹೇಳಲಾಗುವುದಿಲ್ಲ. ಅವರಿಗೂ ಪ್ರಯೋಜನಗಳಿವೆ. ಆದರೆ ಹೆಚ್ಚು ನಡೆಯುವವರಿಗೆ ಪ್ರಯೋಜನಗಳು ಹೆಚ್ಚು.

ಹೃದಯದ ಆರೋಗ್ಯ: 

ಯುರೋಪಿಯನ್ ಪತ್ರಿಕೆ ಪ್ರಿವೆಂಟಿವ್ ಕಾರ್ಡಿಯಾಲಜಿಯಲ್ಲಿ ಹೃದಯ ಮತ್ತು ನಡಿಗೆಗೆ ಸಂಬಂಧಿಸಿದ ಅಧ್ಯಯನ ಪ್ರಕಟವಾಯಿತು. ಅದರಲ್ಲಿ, ದಿನಕ್ಕೆ ಕನಿಷ್ಠ 3 ಸಾವಿರದ 967 ಹೆಜ್ಜೆ ನಡೆಯುವವರಿಗೆ ಸಾವಿನ ಅಪಾಯ ಕಡಿಮೆ ಎಂದು ಹೇಳಲಾಗಿದೆ. ದಿನಕ್ಕೆ ಕನಿಷ್ಠ 2 ಸಾವಿರದ 337 ಹೆಜ್ಜೆ ನಡೆದರೂ ಹೃದ್ರೋಗದಿಂದ ಸಾವನ್ನಪ್ಪುವ ಅಪಾಯ ಕಡಿಮೆ ಎಂದು ಹೇಳುತ್ತದೆ. 

ಇದನ್ನೂ ಓದಿ:  ಚಳಿಗಾಲದಲ್ಲಿ ಮಹಿಳೆಯರು ಎಳ್ಳು ತಿಂದರೆ ಏನಾಗುತ್ತದೆ?

ದಿನಾ 20,000 ಹೆಜ್ಜೆ

ಚಿಕ್ಕ ನಡಿಗೆ: 

ರಾಯಲ್ ಸೊಸೈಟಿಯ ಬಿ- ಪತ್ರಿಕೆಯಲ್ಲಿ (Proceedings of the Royal Society B Journal) ಪ್ರಕಟವಾದ ಅಧ್ಯಯನದಲ್ಲಿ ದೀರ್ಘ ನಡಿಗೆಗಿಂತ ಚಿಕ್ಕ ನಡಿಗೆ ಹೆಚ್ಚು ಪ್ರಯೋಜನಕಾರಿ ಎಂದು ತಿಳಿದುಬಂದಿದೆ. ಅಂದರೆ, ಮೈಕ್ರೋವಾಕ್ ಮಾಡುವಾಗ 60% ರಷ್ಟು ನಿಮ್ಮ ಶಕ್ತಿಯನ್ನು ಬಳಸಲಾಗುತ್ತದೆ. ದೀರ್ಘಕಾಲ, ದೀರ್ಘ ದೂರ ನಡೆಯುವುದಕ್ಕಿಂತ ಬೆಳಿಗ್ಗೆ, ಸಂಜೆ, ಮಧ್ಯಾಹ್ನ ಹೀಗೆ ಸಮಯವನ್ನು ವಿಂಗಡಿಸಿ ಚಿಕ್ಕ ನಡಿಗೆ ಮಾಡುವುದರಿಂದ ಶಕ್ತಿಯನ್ನು ಹೆಚ್ಚಿಸಲು ಮತ್ತು ಕ್ಯಾಲೊರಿಗಳನ್ನು ಸುಡಲು ಸಹಾಯ ಮಾಡುತ್ತದೆ. 

ಇದಲ್ಲದೆ, ಹಲವಾರು ಅಧ್ಯಯನಗಳು ದಿನಕ್ಕೆ 20 ಸಾವಿರ ಹೆಜ್ಜೆ ನಡೆದರೆ ಹಲವಾರು ಆರೋಗ್ಯ ಪ್ರಯೋಜನಗಳಿವೆ ಎಂದು ಹೇಳುತ್ತವೆ.  ಅದನ್ನು ಮುಂದೆ ನೋಡೋಣ. 

ಮಾನಸಿಕ ಆರೋಗ್ಯ: 

ಮನೋವಿಜ್ಞಾನದ ಪ್ರಕಾರ, ನೀವು ದಿನಕ್ಕೆ 20 ಸಾವಿರ ಹೆಜ್ಜೆ ನಡೆದರೆ ನಿಮ್ಮ ಆರೋಗ್ಯದಲ್ಲಿ ಭಾರಿ ಬದಲಾವಣೆಗಳು ಕಂಡುಬರುತ್ತವೆ. 20,000 ಹೆಜ್ಜೆಗಳು ನಿಮ್ಮ ದೈಹಿಕ ಚಟುವಟಿಕೆಯನ್ನು ಮಾತ್ರವಲ್ಲ, ನಿಮ್ಮ ಮನಸ್ಥಿತಿಯನ್ನೂ ಬದಲಾಯಿಸುತ್ತದೆ. ಖಿನ್ನತೆ, ಆತಂಕ ಇರುವವರಿಗೆ ಇದು ಉತ್ತಮ ಪ್ರಯೋಜನಗಳನ್ನು ನೀಡುತ್ತದೆ ಎಂದು ಮನೋವಿಜ್ಞಾನ ಅಧ್ಯಯನಗಳು ಹೇಳುತ್ತವೆ. 

ದಿನಾ 20,000 ಹೆಜ್ಜೆ

ಕೀಲುಗಳ ಬಲ: 

ಪ್ರತಿದಿನ ನಿಮ್ಮ ದೇಹವು ಸಕ್ರಿಯವಾಗಿರುವುದರಿಂದ, ದೇಹದ ಭಾಗಗಳು ಬಲಗೊಳ್ಳುತ್ತವೆ. ನೀವು ವಾರಕ್ಕೊಮ್ಮೆ 20 ಸಾವಿರ ಹೆಜ್ಜೆಗಳನ್ನು ನಡೆಯಲು ಪ್ರಾರಂಭಿಸಿದರೂ ಸಹ, ಕೀಲುಗಳು ಬಲಗೊಳ್ಳುವುದನ್ನು ನೀವು ಅನುಭವಿಸುವಿರಿ. ಆಸ್ಟಿಯೊಪೊರೋಸಿಸ್ ನಂತಹ ಕೀಲು ಸಮಸ್ಯೆಗಳನ್ನು ತಡೆಯಲು ಸಾಧ್ಯವಿದೆ.  ನಡಿಗೆ ನಿಮ್ಮ ಸ್ನಾಯುಗಳು ಮತ್ತು ಕೀಲುಗಳನ್ನು ಬಲಪಡಿಸಲು ಸಹಾಯ ಮಾಡುತ್ತದೆ. 

ತೂಕ ಇಳಿಕೆ:  

ನಡಿಗೆ ಸಾಮಾನ್ಯವಾಗಿ ಕ್ಯಾಲೊರಿಗಳನ್ನು ಸುಡಲು ಸಹಾಯ ಮಾಡುವ ವ್ಯಾಯಾಮವಾಗಿದೆ. ದಿನಕ್ಕೆ  20 ಹೆಜ್ಜೆ ನಡೆದರೆ  ಕ್ಯಾಲೊರಿಗಳು ವೇಗವಾಗಿ ಸುಡುತ್ತವೆ. ಇದರಿಂದ ತೂಕ ಇಳಿಕೆಯಾಗುವ ಸಾಧ್ಯತೆ ಹೆಚ್ಚು. ಆದರೆ ತೂಕ ಇಳಿಕೆ ಪ್ರತಿಯೊಬ್ಬರ ದೇಹವನ್ನು ಅವಲಂಬಿಸಿ ಬದಲಾಗುತ್ತದೆ. ಒಬ್ಬ ವ್ಯಕ್ತಿಯ ತೂಕ, ನಡೆಯುವ ವೇಗ, ನಡೆಯುವ ಭೂಪ್ರದೇಶವನ್ನು ಅವಲಂಬಿಸಿ ತೂಕ ಇಳಿಕೆ ಬದಲಾಗಬಹುದು. ಸಾಮಾನ್ಯವಾಗಿ 20 ಸಾವಿರ ಹೆಜ್ಜೆ ನಡೆದರೆ 500 ರಿಂದ 1,000 ಕ್ಯಾಲೊರಿಗಳನ್ನು ಸುಡುವ ಸಾಧ್ಯತೆಯಿದೆ. 

ದಿನಾ 20,000 ಹೆಜ್ಜೆ

ಮಧುಮೇಹ ನಿಯಂತ್ರಣ: 

ಪ್ರತಿದಿನ ನಡೆಯುವುದರಿಂದ ಇನ್ಸುಲಿನ್ ಸಂವೇದನೆ ಸುಧಾರಿಸುತ್ತದೆ. ಇದರಿಂದ ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ನಿಯಂತ್ರಣದಲ್ಲಿಡಬಹುದು. ಪ್ರತಿದಿನ 10 ಸಾವಿರದಿಂದ 20 ಸಾವಿರ ಹೆಜ್ಜೆ ನಡೆದರೆ ಟೈಪ್ 2 ಮಧುಮೇಹ ಬರುವ ಸಾಧ್ಯತೆ ಕಡಿಮೆಯಾಗುತ್ತದೆ. ಪ್ರತಿದಿನ ಊಟದ ನಂತರ ಚಿಕ್ಕ ನಡಿಗೆ ಮಾಡುವುದರಿಂದ ಗ್ಲೂಕೋಸ್ ಮಟ್ಟವನ್ನು ಸ್ಥಿರವಾಗಿಡಲು ಸಹಾಯ ಮಾಡುತ್ತದೆ.  

20 ಸಾವಿರ ಹೆಜ್ಜೆಗಳು ಅದ್ಭುತ! 

ನೀವು 20 ಸಾವಿರ ಹೆಜ್ಜೆಗಳನ್ನು ನಡೆಯುವುದರಿಂದ  ಹೃದಯ ಆರೋಗ್ಯವಾಗಿರುತ್ತದೆ. ತೂಕ ನಿಯಂತ್ರಣದಲ್ಲಿರುತ್ತದೆ. ಒತ್ತಡ ಕಡಿಮೆಯಾಗುತ್ತದೆ. ರಕ್ತ ಪರಿಚಲನೆ ಸುಧಾರಿಸುತ್ತದೆ ಮತ್ತು ರಕ್ತದೊತ್ತಡ ಹೆಚ್ಚಿದ್ದರೆ ಕಡಿಮೆಯಾಗುವ ಸಾಧ್ಯತೆಯಿದೆ. ಪಾರ್ಶ್ವವಾಯು, ಕೊಲೆಸ್ಟ್ರಾಲ್ ಸಮಸ್ಯೆಗಳು ಬರುವುದಿಲ್ಲ.

ದಿನಾ 20,000 ಹೆಜ್ಜೆ - ಎಚ್ಚರಿಕೆ

ಎಚ್ಚರಿಕೆಯಿಂದಿರಬೇಕಾದ ವಿಷಯ; 

ದಿನಕ್ಕೆ ಹತ್ತು ಸಾವಿರ ಹೆಜ್ಜೆಗಳು ಒಬ್ಬ ವ್ಯಕ್ತಿಯು ತಲುಪಬಹುದಾದ ಗುರಿ. ಆದರೆ 20 ಸಾವಿರ ಹೆಜ್ಜೆಗಳು ಸ್ವಲ್ಪ ಅಸಾಧ್ಯ. ಒಂದೇ ದಿನದಲ್ಲಿ 20 ಸಾವಿರ ಹೆಜ್ಜೆಗಳನ್ನು ನಡೆಯುವುದರಿಂದ ತುಂಬಾ ದಣಿವು ಉಂಟಾಗಬಹುದು. ಆದ್ದರಿಂದ ದೇಹವನ್ನು ಹೈಡ್ರೇಟ್ ಆಗಿಡಲು ಸಾಕಷ್ಟು ನೀರು ಕುಡಿಯಬೇಕು. ದೇಹಕ್ಕೆ ಅಗತ್ಯವಾದ ಪೋಷಕಾಂಶಗಳನ್ನು ಒದಗಿಸುವುದು ಸಹ ಮುಖ್ಯ. ಸೂಕ್ತವಾದ ಬೂಟುಗಳನ್ನು ಧರಿಸುವುದು ಕಡ್ಡಾಯ. ಇಲ್ಲದಿದ್ದರೆ ಮೂಳೆಗಳು ಪರಿಣಾಮ ಬೀರಬಹುದು. ಕಾಲುಗಳಲ್ಲಿ ನೋವು, ಗಾಯ ಉಂಟಾಗಬಹುದು.  

ಈ ಸಮಸ್ಯೆ ಇದ್ದರೆ...

ಈಗಾಗಲೇ ದೇಹದಲ್ಲಿ ದೀರ್ಘಕಾಲದ ನೋವು, ಕೀಲು ಸಮಸ್ಯೆ, ಹೃದ್ರೋಗ, ಸಂಧಿವಾತ ಮುಂತಾದ ಸಮಸ್ಯೆಗಳು  ಇರುವವರು ಹಂತ ಹಂತವಾಗಿ ನಡಿಗೆಯನ್ನು ಮಾಡಬಹುದು. ಒಂದೇ ದಿನದಲ್ಲಿ 10 ಸಾವಿರ, 20 ಸಾವಿರ ಹೆಜ್ಜೆಗಳನ್ನು ತಲುಪಬೇಕು ಎಂದು ಪ್ರಯತ್ನಿಸುವುದರಿಂದ ಅಡ್ಡಪರಿಣಾಮಗಳು ಉಂಟಾಗಬಹುದು.