ಊಟದ ನಂತರ 2 ಲವಂಗ ತಿಂದ್ರೆ ಏನಾಗುತ್ತೆ? ಇಲ್ಲಿದೆ ನೋಡಿ ಫಲಿತಾಂಶ!

ಲವಂಗ ಒಂದು ಮಸಾಲೆ ಪದಾರ್ಥ. ಇದು ಊಟದ ರುಚಿ ಹೆಚ್ಚಿಸುವುದರ ಜೊತೆಗೆ ಆರೋಗ್ಯಕ್ಕೂ ಒಳ್ಳೆಯದು. ಪ್ರತಿದಿನ ಊಟದ ನಂತರ ೨ ಲವಂಗ ತಿಂದ್ರೆ ಏನೇನು ಲಾಭಗಳಿವೆ ಗೊತ್ತಾ?

ಮಸಾಲೆಗಳಲ್ಲಿ ಒಂದಾದ ಲವಂಗ ನಮ್ಮ ಶರೀರಕ್ಕೆ ಮಾಡುವ ಒಳ್ಳೆಯದನ್ನು ಹೇಳತೀರದು. ಲವಂಗದಲ್ಲಿ ಹಲವು ಪೋಷಕಾಂಶಗಳಿವೆ. ಹಲ್ಲುನೋವು ಸೇರಿದಂತೆ ಹಲವು ಸಣ್ಣಪುಟ್ಟ ಆರೋಗ್ಯ ಸಮಸ್ಯೆಗಳಿಗೆ ಇದು ಉಪಯುಕ್ತ. ಅದಕ್ಕೇ ಇಂದಿಗೂ ಆಯುರ್ವೇದದಲ್ಲಿ ಲವಂಗವನ್ನು ಬಳಸುತ್ತಾರೆ. ಲವಂಗ ಯಾವ್ಯಾವ ಸಮಸ್ಯೆಗಳನ್ನು ನಿವಾರಿಸುತ್ತದೆ ಗೊತ್ತಾ? ಆರೋಗ್ಯ ತಜ್ಞರ ಪ್ರಕಾರ, ಪ್ರತಿದಿನ ಊಟದ ನಂತರ ಎರಡು ಲವಂಗ ತಿಂದರೆ ಹಲವು ಆರೋಗ್ಯ ಪ್ರಯೋಜನಗಳಿವೆ.

ಜೀರ್ಣಕ್ರಿಯೆ ಸುಧಾರಿಸುತ್ತದೆ

ಊಟದ ನಂತರ ಜೀರ್ಣಕ್ರಿಯೆ ಸಮಸ್ಯೆಗಳು ಕಾಡುವವರಿಗೆ ಲವಂಗ ಒಳ್ಳೆಯದು. ಆರೋಗ್ಯ ತಜ್ಞರ ಪ್ರಕಾರ, ಊಟದ ನಂತರ ಎರಡು ಲವಂಗ ತಿಂದರೆ ಜೀರ್ಣಕಾರಿ ಕಿಣ್ವಗಳ ಸ್ರವಿಸುವಿಕೆ ಹೆಚ್ಚುತ್ತದೆ. ಇದರಿಂದ ಜೀರ್ಣಕ್ರಿಯೆ ಚೆನ್ನಾಗಿ ಆಗುತ್ತದೆ. ಗ್ಯಾಸ್, ಆಸಿಡಿಟಿ, ಅಜೀರ್ಣ ಸಮಸ್ಯೆಗಳು ದೂರವಾಗುತ್ತವೆ.

ಬಾಯಿ ಆರೋಗ್ಯ

ಆರೋಗ್ಯ ತಜ್ಞರ ಪ್ರಕಾರ, ಪ್ರತಿದಿನ ರಾತ್ರಿ ಊಟದ ನಂತರ ಲವಂಗವನ್ನು ಅಗಿದರೆ ಹಲ್ಲುಗಳ ಮಧ್ಯೆ ಸಿಕ್ಕಿಹಾಕಿಕೊಂಡಿರುವ ಆಹಾರದಿಂದ ಉಂಟಾಗುವ ಬ್ಯಾಕ್ಟೀರಿಯಾ ಬೆಳವಣಿಗೆ ಕಡಿಮೆಯಾಗುತ್ತದೆ. ಲವಂಗದಲ್ಲಿರುವ ಆಂಟಿಮೈಕ್ರೊಬಿಯಲ್ ಗುಣಗಳು ಬಾಯಿಯಲ್ಲಿರುವ ಹಾನಿಕಾರಕ ಬ್ಯಾಕ್ಟೀರಿಯಾಗಳ ವಿರುದ್ಧ ಹೋರಾಡುತ್ತವೆ.

ರಕ್ತದಲ್ಲಿನ ಸಕ್ಕರೆ ನಿಯಂತ್ರಣ

ಮಧುಮೇಹಿಗಳಿಗೆ ಊಟದ ನಂತರ ರಕ್ತದಲ್ಲಿನ ಸಕ್ಕರೆ ಪ್ರಮಾಣ ಹೆಚ್ಚಾಗುವುದು ಸಾಮಾನ್ಯ. ಆದರೆ ಅತಿಯಾದರೆ ಸಮಸ್ಯೆ. ಊಟದ ನಂತರ ಎರಡು ಲವಂಗ ಅಗಿದರೆ ರಕ್ತದಲ್ಲಿನ ಸಕ್ಕರೆ ಪ್ರಮಾಣ ಹೆಚ್ಚಾಗುವುದು ತಡೆಯುತ್ತದೆ.

ವಾಕರಿಕೆ ನಿವಾರಣೆ

ಕೆಲವರಿಗೆ ಊಟದ ನಂತರ ವಾಕರಿಕೆ ಅನುಭವವಾಗುತ್ತದೆ. ಲವಂಗ ಅಗಿದರೆ ವಾಕರಿಕೆ ಕಡಿಮೆಯಾಗುತ್ತದೆ. ಲವಂಗದ ಸಾರವು ಲಾಲಾರಸದೊಂದಿಗೆ ಬೆರೆತಾಗ ವಾಕರಿಕೆಗೆ ಸಂಬಂಧಿಸಿದ ಲಕ್ಷಣಗಳು ಕಡಿಮೆಯಾಗುತ್ತವೆ.

ತೂಕ ನಿಯಂತ್ರಣ

ತೂಕ ಇಳಿಸಿಕೊಳ್ಳಲು ಬಯಸುವವರಿಗೆ ಲವಂಗ ಉಪಯುಕ್ತ. ಲವಂಗದಲ್ಲಿರುವ ವಿಟಮಿನ್‌ಗಳು ಮತ್ತು ಖನಿಜಗಳು ಚಯಾಪಚಯ ಕ್ರಿಯೆಯನ್ನು ಹೆಚ್ಚಿಸುತ್ತವೆ. ಇದರಿಂದ ದೇಹದಲ್ಲಿರುವ ಕೊಬ್ಬು ಕರಗಲು ಪ್ರಾರಂಭವಾಗುತ್ತದೆ. ಹೀಗಾಗಿ ತೂಕ ಇಳಿಸಿಕೊಳ್ಳಬಹುದು.

ಲವಂಗ ಚಹಾ

ಲವಂಗ ಖಾರವಾಗಿರುವುದರಿಂದ ತಿನ್ನಲು ಕಷ್ಟವಾಗಬಹುದು. ಹಾಗಾಗಿ ಲವಂಗ ಚಹಾ ಮಾಡಿ ಕುಡಿಯಬಹುದು. ಕೆಲವು ಲವಂಗಗಳನ್ನು ಬಿಸಿ ನೀರಿನಲ್ಲಿ ೫-೧೦ ನಿಮಿಷ ಕುದಿಸಿ. ಲವಂಗ ಚಹಾ ಸಿದ್ಧ.