ಈ ಆಹಾರಗಳು ನಿಮ್ಮನ್ನ ನಿಧಾನವಾಗಿ ಕೊಲ್ಲುತ್ತಿವೆ… ಆದರೂ ತಿನ್ನೋದನ್ನ ಬಿಡಲ್ಲ ನಮ್ ಜನ!

ಇತ್ತೀಚಿನ ದಿನಗಳಲ್ಲಿ ಜನರು 30 ನೇ ವಯಸ್ಸಿನಲ್ಲಿ ವೃದ್ಧಾಪ್ಯದತ್ತ ಸಾಗುತ್ತಿದ್ದಾರೆ. ಆಯಾಸ, ದೌರ್ಬಲ್ಯ ಮತ್ತು ಲೈಫ್ ಸ್ಟೈಲ್ ಕಾಯಿಲೆಗಳಂತಹ ಸಮಸ್ಯೆಗಳು ಸಾಮಾನ್ಯವಾಗಿದೆ. ಇದಕ್ಕೆ ದೊಡ್ಡ ಕಾರಣ ನಿಮ್ಮ ಆಹಾರಕ್ರಮ. ನೀವು ಪ್ರತಿದಿನ ತಿನ್ನುವ ಕೆಲವು ವಸ್ತುಗಳು ನಿಮ್ಮ ದೇಹವನ್ನು ಒಳಗಿನಿಂದ ಟೊಳ್ಳಾಗಿಸುತ್ತವೆ.  

ಇತ್ತೀಚಿನ ದಿನಗಳಲ್ಲಿ ಜನರು ದುಬಾರಿ ವಸ್ತುಗಳನ್ನು ತಿನ್ನುತ್ತಿದ್ದಾರೆ ಆದರೆ ಶಾರೀರಿಕವಾಗಿ ತುಂಬಾನೆ ದುರ್ಬಲರಾಗಿದ್ದಾರೆ. ಆಯಾಸ, ದೌರ್ಬಲ್ಯ, ರಕ್ತ ನಷ್ಟ, ಮೂಳೆಗಳಲ್ಲಿ ದೌರ್ಬಲ್ಯ, ಬಹುತೇಕ ಎಲ್ಲರೂ ಇಂತಹ ಅನೇಕ ಸಮಸ್ಯೆಗಳಿಂದ ಬಳಲುತ್ತಿದ್ದಾರೆ. ಮಧುಮೇಹ, ಬೊಜ್ಜು, ಅಧಿಕ ರಕ್ತದೊತ್ತಡ, ಹೃದ್ರೋಗ, ಕೊಲೆಸ್ಟ್ರಾಲ್, ರಕ್ತಹೀನತೆ, ವಿಟಮಿನ್ ಕೊರತೆ ಮತ್ತು ಸಂಧಿವಾತದಂತಹ ಕಾಯಿಲೆಗಳು ಸಾಮಾನ್ಯವಾಗಿದೆ. ವಯೋವೃದ್ಧರಲ್ಲಿ ಕಂಡು ಬರುವಂತಹ ರೋಗಗಳು ಈಗ 30 ವರ್ಷ ವಯಸ್ಸಿನಲ್ಲಿಯೇ ಪ್ರಾರಂಭವಾಗುತ್ತಿವೆ. ಈ ಎಲ್ಲಾ ಸಮಸ್ಯೆಗಳಿಗೆ ಮುಖ್ಯ ಕಾರಣ ಆಹಾರ ಕ್ರಮ (food habits). 

ಜನರು ಮೊದಲು ದೇಸಿ ಆಹಾರವನ್ನು ತಿನ್ನುತ್ತಿದ್ದರು, ಇದು ದೇಹಕ್ಕೆ ಶಕ್ತಿಯನ್ನು ನೀಡುತ್ತಿತ್ತು. ಈಗ ಸಕ್ಕರೆ, ಮೈದಾ, ಎಣ್ಣೆ, ಉಪ್ಪು ಇತ್ಯಾದಿಗಳನ್ನು ಹೆಚ್ಚು ಸೇವಿಸಲಾಗುತ್ತಿದೆ. ಈ ವಸ್ತುಗಳನ್ನು ಅತಿಯಾಗಿ ಸೇವಿಸುವುದರಿಂದ ದೇಹವು ನಿಧಾನವಾಗಿ ಸಾಯುತ್ತಾ ಬರುತ್ತದೆ. ನಿಮ್ಮನ್ನು ದುರ್ಬಲಗೊಳಿಸುವುದು ಮಾತ್ರವಲ್ಲದೆ ಮಾರಣಾಂತಿಕ ಕಾಯಿಲೆಗಳತ್ತ ತಳ್ಳುವ ಅಂತಹ ಕೆಲವು ವಿಷಯಗಳ ಬಗ್ಗೆ ತಿಳಿಯೋಣ.

ಹೆಚ್ಚಿನ ಉಪ್ಪಿನ ಸೇವನೆ ಮತ್ತು ಸಂಸ್ಕರಿಸಿದ ಪ್ಯಾಕೇಜ್ ಮಾಡಿದ ಆಹಾರಗಳು
ಸಿಡಿಸಿ (ಆರ್ಇಎಫ್) ಪ್ರಕಾರ, ಪ್ಯಾಕೇಜ್ ಮಾಡಿದ ತಿಂಡಿಗಳು, ಇನ್’ಸ್ಟಂಟ್ ನೂಡಲ್ಸ್ ಮತ್ತು ಸಂಸ್ಕರಿಸಿದ ಆಹಾರಗಳಲ್ಲಿ ಸೋಡಿಯಂ ಹೆಚ್ಚಾಗಿರುತ್ತದೆ, ಇದು ಅಧಿಕ ರಕ್ತದೊತ್ತಡದ ಅಪಾಯಕ್ಕೆ ಕಾರಣವಾಗುತ್ತದೆ. ಇದು ಪಾರ್ಶ್ವವಾಯು, ಮೂತ್ರಪಿಂಡದ ಕಾಯಿಲೆ ಮತ್ತು ಹೃದಯ ವೈಫಲ್ಯದ ಅಪಾಯವನ್ನು ಹೆಚ್ಚಿಸುತ್ತದೆ. ಚಿಪ್ಸ್, ಕುಕೀಗಳು ಮತ್ತು ರೆಡಿ ಟು ಈಟ್ ಆಹಾರಗಳಲ್ಲಿ ಸಾಮಾನ್ಯವಾಗಿ ಸಕ್ಕರೆ ಮತ್ತು ಕೊಬ್ಬು ಹೆಚ್ಚಾಗಿರುತ್ತದೆ. ಈ ಆಹಾರಗಳು ದೀರ್ಘಕಾಲದ ಉರಿಯೂತ, ಬೊಜ್ಜು ಮತ್ತು ಪೋಷಕಾಂಶಗಳ ಕೊರತೆಗೆ ಕಾರಣವಾಗುತ್ತವೆ.

ಟ್ರಾನ್ಸ್ ಕೊಬ್ಬು ಮತ್ತು ಕೃತಕ ಸಿಹಿಕಾರಕ
ಟ್ರಾನ್ಸ್ ಕೊಬ್ಬು (transfat) ಕೇಕ್, ಪೇಸ್ಟ್ರಿಗಳು, ಕುಕೀಗಳು, ಬಿಸ್ಕತ್ತುಗಳು, ಐಸ್ ಕ್ರೀಮ್, ಬರ್ಗರ್ ಮತ್ತು ಬ್ರೆಡ್ ನಂತಹ ವಸ್ತುಗಳಲ್ಲಿ ಕಂಡುಬರುತ್ತದೆ. ಅವು ಕೆಟ್ಟ ಕೊಲೆಸ್ಟ್ರಾಲ್ (ಎಲ್ಡಿಎಲ್) ಅನ್ನು ಹೆಚ್ಚಿಸುತ್ತವೆ ಮತ್ತು ಉತ್ತಮ ಕೊಲೆಸ್ಟ್ರಾಲ್ (ಎಚ್ಡಿಎಲ್) ಅನ್ನು ಕಡಿಮೆ ಮಾಡುತ್ತವೆ. ಇದನ್ನ ಹೆಚ್ಚಾಗಿ ತಿನ್ನುವ ಜನರು ಹೃದ್ರೋಗ, ಉರಿಯೂತ ಮತ್ತು ಟೈಪ್ 2 ಮಧುಮೇಹದ ಅಪಾಯ ಹೊಂದಿರುತ್ತಾರೆ. ಕೃತಕ ಸಿಹಿಕಾರಕಗಳು ಕರುಳಿನ ಮೇಲೆ ಪರಿಣಾಮ ಬೀರುತ್ತವೆ. ಇದು ತೂಕ ಹೆಚ್ಚಳ ಮತ್ತು ಕೆಲವು ರೀತಿಯ ಕ್ಯಾನ್ಸರ್ ಅಪಾಯಕ್ಕೆ ಕಾರಣವಾಗುತ್ತದೆ.

ಸಂಸ್ಕರಿಸಿದ ಮಾಂಸ
ನ್ಯಾಷನಲ್ ಲೈಬ್ರರಿ ಆಫ್ ಮೆಡಿಸಿನ್ (ಆರ್ಇಎಫ್) ಪ್ರಕಾರ, ಬೇಕನ್, ಸಾಸೇಜ್ಗಳು, ಹಾಟ್ ಡಾಗ್ಗಳು ಮತ್ತು ರೆಡ್ ಮಾಂಸಗಳಂತಹ ವಸ್ತುಗಳು  ನೈಟ್ರೈಟ್ಗಳನ್ನು ಬಳಸುತ್ತವೆ. ಹೆಚ್ಚಿನ ತಾಪಮಾನದಲ್ಲಿ ಬೇಯಿಸಿದಾಗ ಈ ವಸ್ತುಗಳು ಕ್ಯಾನ್ಸರ್ ಕಾರಕ ಸಂಯುಕ್ತಗಳನ್ನು ರೂಪಿಸಬಹುದು. ಇವುಗಳ ನಿಯಮಿತ ಸೇವನೆಯು ಕೊಲೊರೆಕ್ಟಲ್ ಕ್ಯಾನ್ಸರ್, ಅಧಿಕ ರಕ್ತದೊತ್ತಡ ಮತ್ತು ಹೃದ್ರೋಗದ ಅಪಾಯವನ್ನು ಹೆಚ್ಚಿಸುತ್ತದೆ.

ಸಿಹಿಯಾದ ಪಾನೀಯಗಳು
ಸೋಡಾ, ಎನರ್ಜಿ ಡ್ರಿಂಕ್ಸ್ (energy drink) ಮತ್ತು ಜ್ಯೂಸ್ ಮೊದಲಾದ ಪಾನೀಯಗಳು ಸಂಸ್ಕರಿಸಿದ ಸಕ್ಕರೆಯಿಂದ ಮಾಡಲ್ಪಟ್ಟಿರುತ್ತೆ. ಅವು ರಕ್ತದಲ್ಲಿನ ಸಕ್ಕರೆಯನ್ನು ಹೆಚ್ಚಿಸುತ್ತವೆ, ತೂಕವನ್ನು ಹೆಚ್ಚಿಸುತ್ತವೆ ಮತ್ತು ಟೈಪ್ 2 ಮಧುಮೇಹದ ಅಪಾಯವನ್ನು ಹೆಚ್ಚಿಸುತ್ತವೆ. ಈ ವಸ್ತುಗಳ ಅತಿಯಾದ ಸೇವನೆಯು ಬೊಜ್ಜು, ಕೊಬ್ಬಿನ ಯಕೃತ್ತು ಮತ್ತು ಹೃದ್ರೋಗದಂತಹ ಸಮಸ್ಯೆಗಳಿಗೆ ಸಂಬಂಧಿಸಿದೆ.

ಅತಿಯಾದ ಆಲ್ಕೋಹಾಲ್ ಮತ್ತು ಕ್ಯಾನ್ಡ್ ಆಹಾರಗಳು
ಅತಿಯಾದ ಆಲ್ಕೋಹಾಲ್ ಸೇವನೆಯು ಯಕೃತ್ತು, ಹೃದಯ ಮತ್ತು ಮೆದುಳನ್ನು ಹಾನಿಗೊಳಿಸುತ್ತದೆ. ನಿರಂತರ ಅತಿಯಾದ ಮದ್ಯಪಾನವು ಯಕೃತ್ತಿನ ಕಾಯಿಲೆ, ಕ್ಯಾನ್ಸರ್ ಮತ್ತು ನರಮಂಡಲದ ಹಾನಿಗೆ ಕಾರಣವಾಗಬಹುದು. ಅನೇಕ ಕ್ಯಾನ್ಡ್ ಆಹಾರಗಳು ಬಿಪಿಎಯಿಂದ ಮಾಡಲ್ಪಟ್ಟಿವೆ, ಇದು ಆಹಾರದಲ್ಲಿ ಕರಗುತ್ತದೆ ಮತ್ತು ಕರುಳಿನ ಮೇಲೆ ಪರಿಣಾಮ ಬೀರುತ್ತದೆ. ಇದು ಹಾರ್ಮೋನುಗಳ ಅಸಮತೋಲನ, ಬಂಜೆತನ ಮತ್ತು ಕ್ಯಾನ್ಸರ್ ಅಪಾಯಕ್ಕೆ ಕಾರಣವಾಗುತ್ತದೆ.

ಸಂಸ್ಕರಿಸಿದ ಧಾನ್ಯಗಳು ಮತ್ತು ಕರಿದ ಆಹಾರಗಳು
ಇತ್ತೀಚಿನ ದಿನಗಳಲ್ಲಿ ಮೈದಾವನ್ನು ಹೆಚ್ಚಾಗಿ ಬಳಸಲಾಗುತ್ತದೆ. ಬಿಳಿ ಬ್ರೆಡ್, ಪೇಸ್ಟ್ರಿಗಳು ಮತ್ತು ಪಾಸ್ತಾ, ಸಮೋಸಾಗಳಂತಹ ವಸ್ತುಗಳನ್ನು ಮೈದಾದಿಂದ ತಯಾರಿಸಲಾಗುತ್ತದೆ. ಅವುಗಳು ಯಾವುದೇ ಪೋಷಕಾಂಶಗಳು ಮತ್ತು ಫೈಬರ್ ಅನ್ನು ಹೊಂದಿರೋದಿಲ್ಲ. ಅವು ರಕ್ತದಲ್ಲಿನ ಸಕ್ಕರೆಯನ್ನು ಹೆಚ್ಚಿಸುತ್ತವೆ ಮತ್ತು ಹೃದಯಕ್ಕೆ ಅಪಾಯಕಾರಿ. ಇವುಗಳ ಅತಿಯಾದ ಸೇವನೆಯು ಇನ್ಸುಲಿನ್ ಪ್ರತಿರೋಧ, ತೂಕ ಹೆಚ್ಚಳ ಮತ್ತು ಚಯಾಪಚಯ ಸಿಂಡ್ರೋಮ್ಗೆ ಕಾರಣವಾಗಬಹುದು. ಫ್ರೆಂಚ್ ಫ್ರೈಸ್, ಫ್ರೈಡ್ ಚಿಕನ್ ಮತ್ತು ಇತರ ಕರಿದ ಆಹಾರಗಳು ಟ್ರಾನ್ಸ್ ಕೊಬ್ಬು ಮತ್ತು ಅಕ್ರಿಲಾಮೈಡ್ ಅನ್ನು ಉತ್ಪಾದಿಸಬಹುದು. ಇವುಗಳ ನಿಯಮಿತ ಸೇವನೆಯು ಹೃದ್ರೋಗ, ಬೊಜ್ಜು ಮತ್ತು ಕೆಲವು ರೀತಿಯ ಕ್ಯಾನ್ಸರ್ ಅಪಾಯವನ್ನು ಹೆಚ್ಚಿಸುತ್ತದೆ.