ರಂಜಾನ್ ನಲ್ಲಿ ಕೇವಲ ಉಪವಾಸ ಮಾಡಿದರೆ ಸಾಲದು, ಸಣ್ಣ ವಿಷಯಗಳನ್ನು ನೋಡಿಕೊಳ್ಳುವ ಮೂಲಕವೂ ನೀವು ದೇವರ ಆಶೀರ್ವಾದವನ್ನೂ ಪಡೆಯಬಹುದು. ಹಾಗಿದ್ರೆ ರಂಜಾನ್ ತಿಂಗಳಲ್ಲಿ ನೀವು ಏನೆಲ್ಲಾ ಮಾಡಬಹುದು ಅನ್ನೋದನ್ನು ನೋಡೋಣ.
ರಂಜಾನ್ ತಿಂಗಳು (Ramadan month) ಅಲ್ಲಾಹುವಿನ ಆಶೀರ್ವಾದ ತುಂಬಿದ ತಿಂಗಳು, ಇದರಲ್ಲಿ ಪ್ರತಿಯೊಬ್ಬ ಮುಸ್ಲಿಮರು ತಿಂಗಳಾದ್ಯಂತ ಪೂರ್ಣ ಭಕ್ತಿ ಮತ್ತು ಉಪವಾಸದಿಂದ ಪೂಜಿಸುತ್ತಾರೆ. ರಂಜಾನ್ ತಿಂಗಳಲ್ಲಿ ಅಲ್ಲಾಹನು ಸಾಕಷ್ಟು ಆಶೀರ್ವಾದ ನೀಡುತ್ತಾನೆ ಎಂದು ಹೇಳಲಾಗುತ್ತದೆ. ಒಳ್ಳೆಯದು ಕೆಟ್ಟದ್ದರ ಮೇಲೆ ಪ್ರಾಬಲ್ಯ ಸಾಧಿಸುತ್ತದೆ. ಈ ತಿಂಗಳು, ಮುಸ್ಲಿಮರು ತಮ್ಮ ಆಸೆಗಳನ್ನು ದೂರ ಮಾಡಿ ಅಲ್ಲಾಹನನ್ನು ಪೂಜಿಸುತ್ತಾರೆ.
ಈ ತಿಂಗಳನ್ನು ತಾಳ್ಮೆಯ ತಿಂಗಳು ಎಂದು ಪರಿಗಣಿಸಲಾಗುತ್ತದೆ, ಆದರೆ ರಂಜಾನ್ ಉಪವಾಸವನ್ನು ಹೊರತುಪಡಿಸಿ ಬೇರೆ ಏನು ಮಾಡಬೇಕೆಂದು ಕೆಲವೇ ಜನರಿಗೆ ತಿಳಿದಿದೆ. ಹಾಗಿದ್ರೆ ಕಾಳಜಿ ವಹಿಸಬೇಕಾದ ವಿಷಯಗಳು ಯಾವುವು? ನೀವು ಇದನ್ನು ಮಾಡಿದರೆ, ಪೂಜೆಯ ದುಪ್ಪಟ್ಟು ಪ್ರತಿಫಲವನ್ನು ನೀವು ಪಡೆಯಬಹುದು. ಹಾಗಿದ್ರೆ ಈ ಸಮಯದಲ್ಲಿ ಏನೆಲ್ಲಾ ಮಾಡಬಹುದು ನೋಡೋಣ.
ಪ್ರತಿದಿನ ಖುರಾನ್ (Quran) ಪಠಿಸಿ
ಕೇವಲ ರಂಜಾನ್ ನಲ್ಲಿ ಉಪವಾಸ ಮಾಡಿದರೆ ಸಾಲದು, ನಿಯಮಿತವಾಗಿ ಕುರಾನ್ ಪಠಿಸುವುದು ಸಹ ಬಹಳ ಮುಖ್ಯ. ಈ ತಿಂಗಳಲ್ಲಿ, ಕುರಾನ್ ಪಠಿಸುವುದರಿಂದ ಎರಡು ಪಟ್ಟು ಹೆಚ್ಚು ಆಶೀರ್ವಾದ ಸಿಗಲಿದೆ ಎಂದು ಹೇಳಲಾಗುತ್ತದೆ, ಏಕೆಂದರೆ ಈ ತಿಂಗಳಲ್ಲಿ ಕುರಾನ್ ಪ್ರವಾದಿ ಮೊಹಮ್ಮದರಿಗೆ ಪ್ರಕಟವಾಯಿತು. ಆದ್ದರಿಂದ, ರಂಜಾನ್ ತಿಂಗಳಲ್ಲಿ ಪ್ರತಿದಿನ ಕನಿಷ್ಠ ಒಂದು ಪಠ್ಯವನ್ನಾದರೂ ಓದಲು ಪ್ರಯತ್ನಿಸಿ.
ಸಮಯಕ್ಕೆ ಸರಿಯಾಗಿ ನಮಾಜ್ ಮಾಡಿ
ನೀವು ದಿನವಿಡೀ ಉಪವಾಸ ಮಾಡುತ್ತಿದ್ದರೆ, ಆದರೆ ನೀವು ಸಮಯಕ್ಕೆ ಸರಿಯಾಗಿ ನಮಾಜ್ (Namaz) ಮಾಡದಿದ್ದರೆ, ಅದರಿಂದ ಯಾವುದೇ ಪ್ರಯೋಜನವಿಲ್ಲ ಏಕೆಂದರೆ ಇಸ್ಲಾಂನಲ್ಲಿ, ಮೊದಲು ಪ್ರಾರ್ಥನೆ ಕಡ್ಡಾಯವಾಗಿದೆ ಮತ್ತು ನಂತರ ಉಪವಾಸ. ಅಂತಹ ಪರಿಸ್ಥಿತಿಯಲ್ಲಿ, ನೀವು ನಮಾಜ್ ಮಾಡೋದನ್ನು ನಿಧಾನಗೊಳಿಸಿದರೆ ಅಥವಾ ಸಮಯಕ್ಕೆ ಸರಿಯಾಗಿ ನಮಾಜ್ ಮಾಡದಿದ್ದರೆ, ಅಲ್ಲಾಹನು ಪೂಜೆಯನ್ನು ಸ್ವೀಕರಿಸುವುದಿಲ್ಲ. ಆದ್ದರಿಂದ, ಆಜಾನ್ ಮುಗಿದ ಕೂಡಲೇ ನೀವು ನಮಾಜ್ ಮಾಡುವುದು ಉತ್ತಮ.
ಇಫ್ತಾರ್ ಕೂಟದಲ್ಲಿ ಹೆಚ್ಚು ಆಹಾರ ಸೇವಿಸಬೇಡಿ
ಇಡೀ ದಿನ ಹಸಿದ ನಂತರ, ಉಪವಾಸ ಬಿಟ್ಟಾಗ, ನಾವು ಇಫ್ತಾರ್ನಲ್ಲಿ (Iftar) ಅಗತ್ಯಕ್ಕಿಂತ ಹೆಚ್ಚಿನ ಆಹಾರವನ್ನು ತಿನ್ನುತ್ತೇವೆ. ಆದರೆ ಅಗತ್ಯಕ್ಕಿಂತ ಹೆಚ್ಚು ಆಹಾರವನ್ನು ತಿನ್ನುವುದು ಆರೋಗ್ಯಕ್ಕೆ ಹಾನಿ ಮಾಡುತ್ತದೆ ಎಂದು ನಿಮಗೆ ತಿಳಿದಿದೆಯೇ? ತೂಕವು ಹೆಚ್ಚಾಗುವುದು ಮಾತ್ರವಲ್ಲ,ಸರಿಯಾಗಿ ನಿದ್ರೆ ಮಾಡಲೂ ಸಾಧ್ಯವಾಗೋದಿಲ್ಲ. ಆದ್ದರಿಂದ, ನೀವು ಇಫ್ತಾರ್ನಲ್ಲಿ ಹೆಚ್ಚು ಆಹಾರವನ್ನು ಸೇವಿಸದಿರುವುದು ಉತ್ತಮ.
ಬಡವರಿಗೆ ಸಹಾಯ ಮಾಡಿ (help poor people)
ನಾವು ಬಡವರಿಗೆ ಸಹಾಯ ಮಾಡಬೇಕು. ಈ ಕೆಲಸವನ್ನು ಪೂರ್ಣ 12 ತಿಂಗಳುಗಳವರೆಗೆ ಮಾಡಬೇಕಾದರೂ, ವಿಶೇಷವಾಗಿ ರಂಜಾನ್ ಸಮಯದಲ್ಲಿ ಈ ಬಗ್ಗೆ ಗಮನ ಹರಿಸುವುದು ಅವಶ್ಯಕ. ಇಸ್ಲಾಂನಲ್ಲಿ ಇದಕ್ಕೆ ಹೆಚ್ಚಿನ ಪ್ರಾಮುಖ್ಯತೆ ನೀಡಲಾಗಿದೆ ಮತ್ತು ನಿಮ್ಮ ಸುತ್ತಲಿನ ಬಡವರನ್ನು ಸಾಧ್ಯವಾದಷ್ಟು ನೋಡಿಕೊಳ್ಳಿ ಎಂದು ಹೇಳಲಾಗುತ್ತದೆ. ಅವರಿಗೆ ದಾನ ಮಾಡಿ ಮತ್ತು ಅವರಿಗೆ ಇಫ್ತಾರ್ ವಸ್ತುಗಳನ್ನು ನೀಡಿ.
ಹೆತ್ತವರನ್ನು ನೋಡಿಕೊಳ್ಳಿ (take care of your parents)
ಹೆತ್ತವರಿಗೆ ಸೇವೆ ಸಲ್ಲಿಸುವುದು ಬಹಳ ಉತ್ತಮ ಕಾರ್ಯವಾಗಿದೆ, ಆದರೆ ರಂಜಾನ್ ನಲ್ಲಿ, ಅದರ ಪ್ರತಿಫಲವು ಎರಡು ಪಟ್ಟು ಹೆಚ್ಚಾಗುತ್ತದೆ. ಆದ್ದರಿಂದ, ಸಾಧ್ಯವಾದಷ್ಟು ನಿಮ್ಮ ಹೆತ್ತವರಿಗೆ ಸೇವೆ ಸಲ್ಲಿಸಿ ಮತ್ತು ಅವರನ್ನು ಗೌರವಿಸಲು ಕಲಿಯಿರಿ. ನೀವು ಹೊರಗೆ ವಾಸಿಸುತ್ತಿದ್ದರೆ ಮತ್ತು ನಿಮ್ಮ ಹೆತ್ತವರಿಗೆ ಸಮಯ ನೀಡಲು ಸಾಧ್ಯವಾಗದಿದ್ದರೆ, ಈ ರಂಜಾನ್ ನಲ್ಲಿ ನಿಮ್ಮ ಹೆಚ್ಚಿನ ಸಮಯವನ್ನು ಅವರೊಂದಿಗೆ ಕಳೆಯಿರಿ.
ತೆಹ್ಜುಜುದ್ ನಮಾಜ್ ತಪ್ಪಿಸಬೇಡಿ
ತೆಹ್ಜುಜುದ್ ನಮಾಜ್ ಅಂದ್ರೆ ಅಕ್ಷರಶಃ ಅರ್ಥ ರಾತ್ರಿ ಪ್ರಾರ್ಥನೆ. ತಹಜುಜ್ ನಮಾಜ್ ನಂತರ, ಯಾವುದೇ ಪ್ರಾರ್ಥನೆಯನ್ನು ಕೋರಿದರೆ ಖಂಡಿತವಾಗಿಯೂ ಸ್ವೀಕರಿಸಲಾಗುತ್ತದೆ ಎಂದು ಹೇಳಲಾಗುತ್ತದೆ. ಹಾಗಾಗಿ ಪ್ರತಿದಿನ ಇದನ್ನ ಮಾಡೋದನ್ನು ಮರೆಯಬಾರದು.
ಜಕಾತ್
ರಂಜಾನ್ ನಲ್ಲಿ, ಸಾಧ್ಯವಾದಷ್ಟು ಜಕಾತ್ ನೀಡಬೇಕು. ಇದು ನಮ್ಮ ಆದಾಯವನ್ನು ಹೆಚ್ಚಿಸುತ್ತದೆ. ಅಲ್ಲಾಹನು ಒಬ್ಬ ವ್ಯಕ್ತಿಯ ಸಂಪತ್ತಿನ ಒಂದು ಭಾಗ (ಶೇ2.5) ಒಬ್ಬ ನಿರ್ಗತಿಕರು- ಬಡಬಗ್ಗರಿಗೆ ನೀಡಬೇಕು ಎಂದು ಹೇಳಿದ್ದಾರೆ. ನೀವು ಸಹ ಸಣ್ಣ ಮಟ್ಟದ ಸಹಾಯ ಮಾಡಿ.
ಕೋಪಗೊಳ್ಳುವುದನ್ನು ತಪ್ಪಿಸಿ (do not get angry)
ರಂಜಾನ್ ಬಹಳ ಶಾಂತವಾದ ತಿಂಗಳು, ಇದರಲ್ಲಿ ಅಲ್ಲಾಹನು ಸಾಕಷ್ಟು ಆಶೀರ್ವಾದಗಳನ್ನು ಸುರಿಸುತ್ತಾನೆ. ಆದ್ದರಿಂದ, ಈ ತಿಂಗಳಲ್ಲಿ ಕೋಪಗೊಳ್ಳುವುದನ್ನು ತಪ್ಪಿಸಬೇಕು. ಕೋಪಗೊಳ್ಳುವುದು ನೈಸರ್ಗಿಕ ಪ್ರಕ್ರಿಯೆ ಎಂದು ತಿಳಿದಿದೆ,. ಆದರೆ ಅತಿಯಾದ ಕೋಪವು ಆರೋಗ್ಯಕ್ಕೆ ಎಷ್ಟು ಹಾನಿಕಾರಕ ಎಂದು ನಿಮಗೆ ತಿಳಿದಿದೆಯೇ, ಇದು ಬಹಳಷ್ಟು ಸಂಬಂಧಗಳನ್ನು ಹಾಳುಮಾಡುತ್ತದೆ? ಹಾಗಾಗಿ ಕೋಪ ಮಾಡೋದನ್ನು ಬಿಟ್ಟು ಬಿಡಿ.